6 нчы апрель көнне “Социумда үз-үзеңне тоту буенча куркынычсызлык кагыйдәләрен формалаштыруда сыйныф җитәкчесенең роле” темасына педсовет узды. Куркынычсызлык турында тирәнтен мәгълүматны, гаилә иминлеге һәм балигъ булмаганнар арасында хокук бозулар профилактикасы инспекторы, Боровкова Дарья Андреевна бирде. Чарада гимназиянең шәфкать туташы – Г.Ә.Сираева һәм психолог – Т.И. Патеева чыгыш ясады. Педсоветны тәрбия эшләре буенча директор урын басары А.Э. Хабирова алып барды. Балалар куркынычсызлыгы темасына, гимназия укытучылары бик күп биремнәр күнегүләр эшләделәр, төрле проблемалардан чыгу юлларын таптылар. 

Менә яңа көчләр белән соңгы уку чиреген дә башлап җибәрдек. Укучылар каникуллардан соң яңа уй-хыяллар, максатлар белән белем дөньясы серләрен төшенергә керештеләр. Укучыларга зур уңышлар телибез! Бу чирек тә башкалары кебек үк уңышлы булсын иде дигән теләктә калабыз!

5 нче апрель көнне “Социумда үз-үзеңне тоту буенча куркынычсызлык кагыйдәләрен формалаштыруда әти-әниләрнең роле” темасына ата-аналар җыелышы узды. Әти-әниләр белән балалар куркынычсызлыгы темасына әңгәмә үткәрелде, 3 нче чирек өлгереше анализланды. Шулай ук балалар тормышына караган башка мөһим мәсьләләр хәл ителде. 

Бүген, 4 нче апрель көнне, барлык сыйныфларда “Куркынычсызлык дәресе” темасына сыйныф сәгатьләре узды. Кемерово фаҗигасе булу сәбәпле, сыйныф сәгате бер минутлык тынлыктан башланды. Укучылар язгы, куркыныч табигать шартларында һәм кешеләр күпләп җыела торган урыннарда үз-үзеңне тоту буенча куркынычсызлык кагыйдәләрен искә төшерде. 

Бүген, 27 нче март көнне, Фатиха Аитова исемендәге 12 нче татар гимназиясендә халык язучысы, күренекле драматург, җәмәгать эшлеклесе Туфан Миңнуллин исемендәге укытучыларның һәм укучыларның V республика конференциясе узды. Чарада укучыларыбыз ике номинациядә җиңү яулады.
10-11 нче сыйныф укучылары тарафыннан тәкъдим ителгән чыгыш “Драматургия. “Театр яктылыкка, нурга илтә!..” (сәхнәләштерү) номинациясендә III дәрәҗә лауреат исеменә лаек булды. 10 нчы сыйныф укучысы Фаекова Д. “Журналистика. Кызыл тышлы дәфтәрдән” номинациясендә I урын яулады.
Укучыларны уңышлары белән тәбрик итәбез, алга таба да уңышлар теләп калабыз! 

Укучыларыбыз 15 нче март көнне “Илебездә, телебездә, күңелләрдә Г. Тукай мәңгелек” исемле бәйгедә катнашып призлы урыннар яуладылар.  3 нче сыйныф укучысы Хадиева Д. “Г. Тукай шигырьләре” номинациясендә 1 нче урынга лаек дип табылды.  2 нче сыйныф укучысы Абдуллина З. “Авторлык әсәре” номинациясендә 2 нче урынга лаек булды.  6 нчы сыйныф укучысы Нуруллина Л. “Г. Тукай шигырьләре” номинациясендә 1 нче урын яулады. 5 нче сыйныф укучысы Закирова И. “Авторлык әсәре” номинациясендә үз иҗат җимешен тәкъдим итте. Ул 2 нче урынга лаек дип табылды. Иҗат коллективы “Иң яхшы инсценировка” номинациясендә 1 нче урынны яулады.
Барлык җиңүчеләрне тәбрик итәбез, алга таба да иҗади уңышлар теләп калабыз!

Бүген, 22 нче март көнне, гимназиядә “Мәгарифтә инновацион менеджмент” темасына Казан шәһәре белем бирү оешмалары җитәкчеләре өчен семинар узды. Белем бирү оешмалары җитәкчеләре семинарның беренче өлешендә үстерелешле мохит тудыру, икенче өлешендә белем бирү инновацияләре белән идарә итү турында тулы мәгълүмат алды. 

Бүген, 21 нче март көнне, “Озын тәнәфес” бәйгесенең шәһәр этабы узды. Әлеге чарага укучылар бик ныклап әзерләнде. Берничә ай алдан биюләр, җырлар, спектакльдән өзекләр өйрәнелә башлады. Концертка әзерләнү процессы укучыларны берләштерде, зур команда хасил итте.
Матур биюләрне - Катарина Алексеевна, моңлы җырларны - Фәридә Шамилевна әзерләде. Барлык номерларны җыеп эшкәртеп, процесс белән Айгөл Эрнстовна идарә итте. Эчтәлекле сценарий Эльмира Рөстәмовна тарафыннан язылды. Концертны режисёр - Артём Рычёв сәхнәгә куйды.
Бүген сәхнәдә “Зәңгәр күл” җырын, татар, кытай биюләрен, театраль тамашаларны күрергә була иде.
Зур чарага үзеннән өлеш керткән һәр укытучыга, барлык укучыларга, җитәкчеләргә, гимназия исеменнән, зур рәхмәт белдерәбез! Алга таба да иҗади уңышлар теләп калабыз!

Бүген, 16 нчы март көнне, “Дулкыннар” бәйгесенең гала-концерты узды. Быел бәйге Татарстанның халык артисты Әлфия Авзаловага багышланган иде. Концертта финалистлар һәм кунаклар чыгыш ясады.
Чарада безнең гимназиянең 10 нчы сыйныф укучысы Ахмадуллин Р. чыгыш ясады һәм кызыксындыру бүләгенә лаек булды.
Укучыбызны әлеге җиңү белән тәбрик итәбез! Алга таба да уңышлар телибез!

Бүген, 16 нчы март көнне, Россия күләм оештырылучы “Ел укытучысы - 2018” бәйгесенең республика этабы финалы узды. Чарада иң яхшы, алдыгы, креатив, талантлы укытучыларны билгеләделәр. Татарстанда “Ел укытучысы” дип безнең гимназиянең физика укытучысы Хабиров Радик Рифович танылды. Ул Татарстанны Санкт-Петербургта узачак “Россиянең ел укытучысы - 2018” бәйгесендә тәкъдим итәчәк.
Радик Рифович, сезне әлеге зур җиңүегез белән тәбрик итәбез! Сезгә алга таба да фәнни, иҗади уңышлар теләп калабыз! Гимназия данын лаеклы яклаганыгыз өчен бик зур рәхмәт сезгә!