Бүген, 11 нче ноябрь көнне, Чебоксар шәһәрендә каратэ буенча Россия беренчелеге бәйгесе узды. Әлеге чара Европага баручылар исемлеген барлау өчен оештырыла.
Ярышта безнең гимназия укучылары, башка катнашучылар белән берлектә, Татарстан Республикасын тәкъдим иттеләр.
Укучыларыбызга алдагы бәйгеләрдә дә уңышлар телибез!

Бүген, 9 нчы ноябрь көнне, безнең гимназия һәм 98 нче мәктәп укытучылары арасында волейбол турниры узды. Волейбол кырында бик кызу көрәш барды. Уен 3:2 исәбе белән, 98 нче мәктәп файдасына тәмамланды. Безнең укытучылар Вахитов районы буенча 2 нче урынга лаек булдылар. Алда безне ярымфинал көтә.
Укытучыларыбызга уңышлар теләп калабыз!

Бүген, 7 нче ноябрь көнне, безнең гимназия укытучылары 96 нчы гимназия мөгаллимнәре белән волейбол буенча көч сынаштылар. Уенда безнең укытучылар җиңү яуладылар. Исәп: 3:0.
Укытучыларыбызга алдагы уннарда уңышлар теләп калабыз!

Бүген, 4 нче ноябрь көнне, Бокс һәм өстәл теннисы үзәгендә Бөтенроссия РСБИ Казан кубогы турниры узды. Әлеге бәйгедә безнең гимназия укучылары да катнашты. Алар түбәндәге нәтиҗәләргә ирештеләр:
1 нче урын - Әхмәдуллин Р.
2 нче урын – Фаткуллин М. Һәм Ибушев Ж.
3 нче урын – Безруков М.
Укучы егетләребезне уңышлары белән котлыйбыз!

Бүген, 31 нче октябрьдә, 5 нче “А” сыйныф укучылары Алсу Талгатовна җитәкчелегендә Казан ярминкәсе территориясендә урнашкан Тарихи паркка экскурсиягә бардылар. Чара “Россия – минем тарих” темасына багышланган.

30 нчы октябрь көне гимназиядә “Юл хәрәкәте иминлеге көне” дип игълан ителде. Сыйныф җитәкчеләре каникуллар алдыннан юл йөрү кагыйдәләрен искә төшерә торган чаралар уздырдылар. Ата-аналар җыелышында да әлеге тема яктыртылды. 

Бүген, 30 нчы октябрь көнне, Казан ярминкәсе территориясендә урнашкан Тарихи паркның туган көне үткәрелде. Чара “Россия – минем тарихым” темасына багышланган иде. Анда тарихи квестлар, мастер-класслар, иҗат коллективлары чыгышлары күрсәтелде. Әлеге искиткеч, кызыклы чарада безнең гимназиянең 8 нче сыйныф укучылары да булып кайттылар. Әлеге кичерешләр укучылар күңелендә озак сакланыр!

Бүген, 30 нчы октябрь көнне, гимназиядә ата-аналар җыелышлары узды. “Куркынычсызлык бар нәрсәдән дә өстен!”, “2018-2019 нчы уку елының 1 нче чирегенә сыйныф өлгереше анализы” темаларына үткәрелде. Җыелышта укучыларның куркынычсызлыгы, проблемалы моментлар һәм 1 нче чирек өлгереше каралды. 

Бүген, 29 нчы октябрь көнне, ПДН инспекторы, майор Курбанова Т.Р. белән әңгәмә узды. Инспектор 8-10 нчы сыйныф укучыларына “ Яшьүсмерләрнең җәмгыять урыннарында исерек хәлдә булулары өчен җаваплылыгы”, “Каникул вакытында шәхси куркынычсызлык” темаларына лекцияләр укуды.

Бүген, 27 нче октябрь көнне, 6 нчы В сыйныфы укучылары, Зергирова Л.Н. җитәкчелегендә, Каюм Насыйри музеенда экскурсиядә булып кайттылар. Укучылар галим, язучы К. Насыйриның тормыш юлы һәм иҗаты белән якыннан таныштылар.