«Дөрес туклану – актив озын гомерлелек» дип исемләнгән Бөтенроссия акциясе кысаларында үткәрелгән “Лидер” региональ этап конкурсында безнең укучыбыз Алигулиева Нигина җиңү яулады. Бүген Татарстан Республикасы Мәгариф һәм фән министрлыгы Татарстан Республикасы Сәламәтлек саклау министрлыгы, Татарстан Республикасы буенча Роспотребнадзор идарәсе, “Бердәм Россия” Бөтенроссия политик партиясе белән берлектә әлеге конкурста җиңү яулаган укучыларны һәм аларның кураторларын бүләкләү тантанасына һәм шулай ук әлеге бүләкләүгә багышланган мәдәни программага чакырды. Укучыбыз үзенең җитәкчесе Сафиуллина Альбина Фатиховна белән иң беренче Татарстан Республикасының Милли музеенда булдылар. Биредә “Татчай” мастер-классы үткәрелде. Аннан Казан шәһәренең Азык-төлек һәм социаль туклану департаментында экскурсиядә булдылар. Шулай ук “Казан ярминкәсе” күргәзмә үзәгендә мультимедиа күргәзмәсенә бардылар, шунда ук җиңүчеләрне бүләкләү дә узды. Укучы кызыбызга истәлекле бүләк – компьютер планшетын тапшырдылар. Без шундый актив укучыларыбыз белән горурланабыз һәм алга таба да аларга зур үрләргә ирешергә телибез.