муниципальное бюджетное общеобразовательное учреждение «Нижне-Наратбашская основная общеобразовательная школа Буинского муниципального района Республики Татарстан»
Решаем вместе
Есть предложения по организации учебного процесса или знаете, как сделать школу лучше?
Визитная карточка
| Адрес: | 422410, РТ, Буинский район, с.Нижний Наратбаш, ул.Советская, 1А |
| Телефон: | +7(843)-744-22-54 |
| E-Mail: | sch669@list.ru,Snn.Bui@tatar.ru |
| Министерство: | Министерство образования и науки Республики Татарстан |
| Короткое название: | МБОУ "Нижне-Наратбашская ООШ Буинского муниципального района РТ" |
| Руководитель: | Гарипов Раиф Рашатович |
| Год основания учреждения: | 1975 |
| У нас учатся: | 40 |
| У нас учат: | 18 |
муниципальное бюджетное общеобразовательное учреждение «Нижне-Наратбашская основная общеобразовательная школа Буинского муниципального района Республики Татарстан» - новости
Страницы: << 261 262 263 264 265 266 267 268 269 ( 270 ) >>
-
Язгы Изгелек атнасы әле дәвам итә. Мәктәптә бу юнәлештә соңгы көннәрдә бер – береңә игелекле, йомшак сүзләр әйтүгә өндәгән чаралар булып сыйныф сәгатьләре уза. Шулай ук Изге сүзләр акциясе дәвам итә. 8 сыйныф укучылары шушы көннәрдә мәктәптә эшләп чыккан барлык өлкәннәрнең өйләрендә булдылар: котлау открыткалары һәм бәйрәм тасмалары тараттылар. Аларның бу адымы һәр ветеранның йөрәгендә кояш нуры кебек балкыды, авыруларны оныттырды, тәнгә сихәт өстәде. Өлкәннәр алар белән рәхәтләнеп хатирәләрен уртаклаштылар, истәлеккә фотога төштеләр. Сибәләп торган вак яңгыр да, салкынча искән җилдә ике буын арсындагы җылылыкны суыта алмады, очрашуга киртә тора алмады. Олы рәхмәт хисләрен һәр ветеран укучылар аша мәктәп администрациясенә, коллективка җиткерделәр. 24.04.2015
-
Тиздән сагынып, дулкынланып көткән Бөек Җиңү бәйрәме җитәчәк. Аның алдыннан уздырылган Язгы Изгелек атнасы кысасында “Һәйкәлләргә юл” дип исемләнгән акция старт алды. Авылыбызның уртасында батыр авылдашларыбыз хөрмәтенә күптән куелган һәйкәл җил - яңгырдан таушалып, искереп беткән иде. Шушы көннәрдә Җиңү бәйрәме алдыннан аңа тулысынча реконструкция уздырыла. Яңа баштан нигезе, диварлары, барлык элементлары яңартылды.Буяу тимәгән бер урын да калмады. Сугыш кырларында һәлак булган һәрбер авылдашыбызның исеме алтын хәрефләр белән яңадан язылды. Бүгенге көннәрдә һәйкәлебез танымаслык булып үзгәрде.Укучылар аның тирә- юнен чистартып, чәчәкләр утыртып , Җиңү көнендә иң матур булуын бик көтәләр. Чөнки аның янында иң тантаналы вакыйга- 70 еллыкка багышланган олы бәйрәм булачак! 24.04.2015
-
Игелекле кеше һичшиксез тәртипле, яхшы укучы һәм спорт белән дус булырга тиеш. Менә шушы бурычларны күздә тотып Язгы Изгелек атнасы кысасында мәктәпнең спорт календаре буенча яңадан очрашулар башланды. Бөек Җиңүнең 70 еллыгына багышланган мәктәпкүләм бадминтон буенча ярышлар гөрләп узды. Чараны иң беренчеләрдән булып 5 һәм 6 сыйныф укучылары ачып җибәрде. Бик тырышып уйнасалар да, бишенчеләргә алтыларга “бирелергә” туры килде. Ә инде 7-9 сыйныфлар арасында ярыш аеруча киеренке булды. Командаларга булышып “авырып” утыручылар даими рәвештә көч биреп, алкышлап утырдылар. Пьедесталның 3 нче баскычына 8 сыйныфлар менде. Ә инде чын спортсменнарча уйнаучы 7 белән 9 сыйныф укучылары алдагы ике урынга лаек булды. Нәтиҗәдә, мәктәпкүләм ярышта 1 урын кабат тугызларныкы! Гарипов Рәдиф белән Вәлиева Энҗе сыйныфка җиңүне зур тырышлык белән китерделәр. Уенның төп оештыручысы Вилданов И.М. үзенең укучыларын җиңү белән котлап, киләчәктә дә зур уңышлар теләде. Ә уңышлар әле безгә бик кирәк – алда җиңел атлетика буенча Спартакиада ярышлары. Ничектә сынатмаска, тырышырга , җиңәргә кирәк! Изге теләкләр Сезгә! 24.04.2015
-
Бүген мәктәбебездә “Изге сүзләр “ көне билгеләп үтелде. Көн дәвамында укучылар шул темага багышланган сыйныф сәгатьләрендә катнашты, төрле әңгәмәләрдә үзләренең сыйныфташлары белән фикерләрен җиткерделәр. “Изге сүз җан азыгы “ дип борынгылар белеп әйткән, кешенең күңеле бер сүздән дә күтәрелеп китә, тормышы матурлана. Шушы көн девизы астында мәктәп укучылары ветеран укытучыларны котлау акциясен дәвам иттеләр. Аларны барлык өлкәннәр дә сагынып каршы алды. Куанып рәхмәтләрен җиткерде. Очрашу – әңгәмә озак дәвам итте. Аның ахырында һәркем үзе өчен күп җылы хисләр алды. Рахматуллина Нурия апаны котларга баргач, ул шатланып мәктәпкә улы Ренатның яңа җырлар җыентыгын бүләк итте, матур теләкләрен җиткерде. Без өлкән буынны һәрчак кайгыртып яшәгәндә генә әхлак, җаваплылык хисләре дөрес юнәлеш алачак. 23.04.2015
-
Атна дәвамында уздырылган Язгы Изгелек декадасында мәктәптә күп төрле күрсәтмә әсбаплар яңартылды. Һәр көн иртәсендә Бөек Җиңүнең 70 еллыгына алып барыла торган көннәр саны яңартылып барыла. Сыйныфларда якынлашып килүче бәйрәм рухы сизелә. Һәрбер сыйныф сәгате махсус сугышка багышланган җыр астында башлана. Почмакта сугыш турында балалар рәсемнәреннән күргәзмә оештырылган.Георгий тасмалары җилфердәп бәйрәм сәламе җиткерә. Мәктәпнең тантаналар залында махсус юбилейга ясалган баннер укучыларны батыр, җитез, тырыш булырга чакырып тора.Хәтердә “Гөрләп торсын, матур булсын – илдә Җиңү бәйрәме!” дигән сүзләр яктылык өстәп , бәйрәм рухын булдыралар. 23.04.2015
-
Мәктәптә Язгы Изгелек атнасы дәвам итә. Аны уздыру планы нигезендә мәктәпнең волонтёр төркемнәре , тимур отрядлары сугыш һәм тыл ветераннарында кунакта булдылар, илебездә уздырылган акция кысасында барлык өлкәннәргә дә Георгий тасмалары тапшырдылар. Чара барышында укучылар мәктәптә эшләп чыккан һәр пенсионер хезмәткәрне дә шушы истәлекле көн белән тәбрикләделәр.Барлыгы авылыбызда 3 сугыш ветераны, мәктәбебездә 24 лаеклы ялда хезмәткәр бар. Котлау открыткалары белән тасмаларны тапшыруда 5-9 сыйныф укучылары аеруча актив катнашты. Тасмалар тарату белән бергә балалар ветераннарның хәлен белде, кирәкле эштә булышты, тынычлап әңгәмә корып утырды. Бикмураз авылында яшәүче сугыш ветераны Саттаров Галим Харис улында 7 сыйныф укучылары сыйныф җитәкчеләре Җәгъфәрова Фәрдәния Фәрит кызы белән булдылар. “Рәхмәт , Сезгә , Җиңү өчен!”- очрашуның девизы. 22.04.2015
-
Бөек Җиңүнең 70 еллыгына багышланган Язгы Изгелек атнасы кысасында уку йортында хәзерге вакытта исән булган сугыш һәм тыл ветераннары белән очрашулар оештыру, аларның тормыш юллары белән танышу буенча күп төрле эш башкарыла. Изгелек атналыгы кысасында Изге сүзләр һәм Изге эшләр көннәре уздырылды. Бу көннәрдә укучылар иң изге теләкләрен җиткерү өчен ветераннарда кунакта булдылар. Саттаров Галим абый инде үзендә еш була торган 7 сыйныф укучыларын елмаеп каршы алды. Яше бик күп булсада, ветеран укучыларны барлык медаль һәм орденнарын тагып каршылады. Балалар аның тормыш юлы белән якынрак таныштылар, җиңү бүләк итүче авылдашыбызның һәр сүзен игътибар белән тыңладылар. Каһарман ветераныбызны чын күңелдән якынлашып килүче Бөек Җиңү бәйрәме белән кайнар котлыйбыз, олы Рәхмәтебезне җиткерәбез! 22.04.2015
-
21 нче апрель көнне 2014 -15 нче уку елы дәверендә республика, районкүләм бәйгеләрдә нәтиҗәле катнашып җиңү яулаган укучыларыбыз бүләкләү тантанасында катнашты. Бу бәйгеләрнең барысын да уртак максат берләштерә - алар Бөек Җиңүнең 70 еллыгы уңаеннан укучыларда Ватанны ярату һәм саклау хисләре тәрбияләүгә багышланган.Иң беренчеләрдән булып сәхнәдә район патриотик иншалар бәйгесендә җиңүчеләр Акбаров Фәнил (3 урын), Вәлиуллина Альбина (3 урын) –(укытучылары Шәрәфетдинова Л.Г), Җамалетдинов Илшат (3 урын) –(укытучысы Гыйзәтуллина Г.Р. ) Мактау кәгазе һәм кыйммәтле бүләк белән бүләкләнделәр. Тантананы дәвам итеп “Мин бу җирне яратам!” дип исемләнгән фотолар бәйгесендә җиңүчеләр Серебрякова Айшә (3 урын) – (укытучысы Гыйзәтуллина Г.Р), Галимҗанова Алинә (3 урын)- (укытучысы Шәрәфетдинова Л.Г.) сәхнәгә күтәрелде.”Ветераннарның оныкчалары Җиңүне ясый” дигән рәсемнәр бәйгесендә җиңүче Кадыров Раян (2 урын) – (укытучысы Гыйзәтуллина Г.Р).нәкъ шундый ук бүләк белән билгеләнде. “Яшь патриотлар үстерәбез” дип исемләнгән Бөтенроссия бәйгесенең район этабында җиңүче тәрбия эшләре буенча урынбасар Гыйзәтуллина Г.Р. Мактау кәгазе белән бүләкләнде.Укучыларның һәм укытучыларыбызның уңышлары сөендерә! 22.04.2015
-
Мәктәпнең математика фәне белән кызыксынучы укучылары ел саен район күләмендә үткәрелә торган математика конференциясендә призлы урыннар яулыйлар. Быел да 6 сыйныф укучысы Вәлиев Инсаф III район математика конференциясендә "Бөек Ватан сугышы статистикасы" дигән темага фәнни-гамәли тикшерү эше белән катнашып 2 урынга лаек булды.(Җитәкчесе Гарипова С.И.). Киләчәктә дә уңышлар телибез! 21.04.2015
-
Бүгеннән мәктәбебездә гомуммәктәп линейкасында тантаналы рәвештә Язгы изгелек атнасы башланып китте . Бу матур чара республикабызның барлык уку йортларында да уздырылачак. Атналыкның девизы: “Эшлә .Өйрән. Уртаклаш. Үзгәр ” дип алынган. Чара барышында “Изге эшләр көне”, “Дуслык көне”, “Георгий тасмалары”, “”Изге сүзләр көне”, “Изге эшләр көне”, “Һәйкәлләргә юл. Изге ярминкә ”, “Минем гаилә.Изгефото”, “”Изге эшләр йомгагы” дип аталган махсус көннәр уздырылачак. Директор каршындагы киңәшмәдә атналыкның планы расланды, үткәрү тәртибе аңлатылды. Чыннан да бу атна изге эшләр атналыгы булып тарихка керер дигәг өмет күңелне күтәрә, барлык тәрбия эшчәнлегенә дә бәйрәм рухы өсти! Сугыш ветераннарын хөрмәтләү, аларга мәдхия җиткерү өзлексез һәм нәтиҗәле булырга тиеш! 20.04.2015
