муниципальное бюджетное общеобразовательное учреждение «Нижне-Наратбашская основная общеобразовательная школа Буинского муниципального района Республики Татарстан»
Решаем вместе
Есть предложения по организации учебного процесса или знаете, как сделать школу лучше?
Визитная карточка
| Адрес: | 422410, РТ, Буинский район, с.Нижний Наратбаш, ул.Советская, 1А |
| Телефон: | +7(843)-744-22-54 |
| E-Mail: | sch669@list.ru,Snn.Bui@tatar.ru |
| Министерство: | Министерство образования и науки Республики Татарстан |
| Короткое название: | МБОУ "Нижне-Наратбашская ООШ Буинского муниципального района РТ" |
| Руководитель: | Гарипов Раиф Рашатович |
| Год основания учреждения: | 1975 |
| У нас учатся: | 40 |
| У нас учат: | 18 |
муниципальное бюджетное общеобразовательное учреждение «Нижне-Наратбашская основная общеобразовательная школа Буинского муниципального района Республики Татарстан» - новости
Страницы: << 261 ( 262 ) 263 264 265 266 267 268 269 270 >>
-
3 сентябрь көнне мәктәптә “Экстремизмга - юк!” дип аталган бердәм сыйныф сәгатьләре узды. Бу тәрбия чаралары районда уздырылган “Экстремизм белән көрәш айлыгы” кысасында оештырылды. Айлыкның төп максаты укучыларда толерантлык хисләре тәрбияләү, тормышта кешеләр белән дөрес аралашу , аларга ярдәм күрсәтергә өйрәтү. Айлык махсус план нигезендә дәвам итәчәк. 03.09.2015
-
Түбән Наратбаш мәктәбендә чираттагы уку елы тантаналы рәвештә башланып китте. Белем көненә багышланган беренче гомуммәктәп линейкасы гөрләп узды. Уку йортына кунакка мәртәбәле кунаклар килде. Алар арасында Пенсия бүлеге җитәкчесе Җәләлов Р.Г, мәгариф бүлегенең әйдәп баручы белгече Гайнуллина Л.Ф, авылыбызның үзидарә һәм фермер хуҗалыгы рәисләре Вәлиева Ә.С, Кадыйров Ф.Ф. бар иде. Бер генә кунак та буш кул белән килмәгән . Беренче сыйныфка укырга килүче укучыларыбызны уку- кирәк яраклары, тәм – томнарга күмделәр. Бүләкләрнең иң саллысын балаларга быел да Фәнил абыйлары алып килде. Тантаналы чара барышында җәйге каникуллар вакытында Мактау кәгазьләре белән бүләкләнүче укытучылар һәм укучылар сәхнәгә чакырылды. Мәктәбебез быел да Спартакиада ярышлары бунча районда 2 урын яулады.Бүләкләүләрдән соң шигырь һәм җырларга күмелеп бәйрәм концерты башланып китте. Беренчеләр дә төшеп калганннан түгел : шытырдатып ятлаган шигырьләрен сөйләделәр, теләкләрен җиткерделәр.Уку һәм спорт өлкәсендә мактауга лаек 9 сыйныф укучысы Җамалетдинов Илшат белән 1 сыйныф укучысы Аюпов Айрат Беренче кыңгырауны бирделәр. Барлык килгән кунаклар, хөрмәтле ветеран укытучыларыбыз белән берлектә “Мин - сәләтле!” дип аталган махсус сыйныф сәгатенә чакырылдылар. Яңа уку елы, яңа уңышлар белән! 02.09.2015
-
31 нче август көнне уку йортында җәйге эшчәнлеккә йомгак ясалды. Бишенче хезмәт чиреге дәвамында укучылар “Донбасс балаларына Белем көне бүләк ит!” дип аталган хәйрия һәм дару үләннәрен җыю акцияләрендә катнаштылар. Уку елының беренче линейкасында ук бу бәйгеләрнең нәтиҗәләре укучыларга, ата-аналарга җиткерелде. Донбасс укучыларына 200 данәгә якын уку кирәк – яраклары тупланды. Иң күп өлеш кертүче 8 сыйныф укучысы Кадыйров Булат “Шәфкатьле йөрәк” номинациясендә җиңүче дип табылды . Мәктәп 100 килограммга якын дару үләне тапшырды. Аеруча актив һәм нәтиҗәле катнашучылар булып 3 сыйныфтан - Әхмәдуллина Чулпан (10кг), 8 сыйныфтан - Шәрәфетдинова Зөлфияләр (10 кг) табылды. Алардан аз гына калышучы 2 сыйныф укучысы Хәйретдинова Самирә булды. Җыелган чималлар өчен укучылар ике меңгә якын акча алды. Бу эшчәнлектә бөтен сыйныф белән катнашучы булып 5, 7 сыйныфлар булды. Укытучылар арасында өч йөздән артык сумлык үләнне Шәрәфетдинова Л.Г. тапшырды ; ә 2,3 сыйныфлар җитәкчесе Әхмәтшина Л.С. тырышлыгы белән бу сыйныфлар җиңүчеләр рәтендә. Беренче сыйныф укучылары да бу эшчәнлеккә үзләренең өлешен кертте. Җәйге практика менә шундый мөһим һәм әһәмиятле тәрбия чаралары белән аралаштырылып алып барылды. Алда яңа уку елы, яңа ачышлар! 02.09.2015
-
Мәктәбебездә беренче бердәм сыйныф сәгатьләре “Мин - сәләтле!” дип аталган темага үткәрелде. Укучылар белән очрашуга авылыбызның күркәм шәхесләре килде. Кунакка чакырылучылар арасында ветеран укытучыларыбыз, театр артисты Шәрәфетдинова Ә.К, җырчы һәм композитор Ринат Рахматуллин әнисе Нурия ханымнар да бар иде. Бу темага сөйләшүне иң беренчеләрдән булып 8 сыйныф җитәкчесе Җәгъфәрова Ф.Ф. кызы оештырды. Махсус сыйныф сәгатендә укучылар өчен күп төрле кызыклы мәгълүмат белән танышу, үзләре турында анкета тутыру да булды. Һәр укучы өчен бу чара кирәкле һәм нәтиҗәле булды. 02.09.2015
-
Белем бәйрәмендә чыгарылыш сыйныф укучыларын сыйныф җитәкчесе Шәрәфетдинова Л.Г. ветеран укытучылар белән очраштырып, “Мин – талантлы!” темасына сөйләшү уздырды. Кроссворд, ребуслар “хуҗасы” Хисамов З.Б. һ.б. белән очрашу бик матур тәэсир калдырды. 9 сыйныф укучыларына бу очрашу бик ошады. 02.09.2015
-
Акция "Помоги своей школе!" В Буинском муниципальном районе продолжается реализация поручения Президента РТ Р. Н. Минниханова о проведении республиканской акции «Помоги своей школе!». В акции могут принять участие все желающие и наиболее успешные выпускники школ прошлых лет, руководители малого и среднего бизнеса, индивидуальные предприниматели. За 1 полугодие 2015 года 19 неравнодушных выпускников прошлых лет помогли своим школам на сумму 308 000 рублей. Наша школа так же выражает огромную благодарность своим выпускникам, оказывающим посильную помощь родной школе! 23.07.2015
-
20 нче июнь көнне мәктәбебездә гөрләп Чыгарылыш кичәсе узды. Билгеләнгән вакытка тантаналар залы ата- аналар, укытучылар, укучылар һәм чакырылган кунаклар белән тулды. Фанфар тавышы астында кичәнең иң дулкынландыргыч һәм тантаналы өлеше башланып китте. 9 сыйныф укучылары бәйрәмнең түрендә урын алды. Аларга мәктәп директоры аттестатлар , истәлеккә альбомнар, Рәхмәт хатлары тапшырды.ГТО нормаларын тулысынча уңышлы тапшырган укучыларга Җиңүче Дипломы әзерләнде. Чыгарылыш сыйныф укучылары арасында ике укучы : Вәлиева Энҗе һәм Гарипов Рәдиф мәктәпне бары тик "бишле" билгеләренә генә тәмамлады. Аттестатлар алу уңаеннан укучыларны һәм ата-аналарны һәр мөгаллим кайнар котлады, укучыларга киләчәктә уңышлар, әти-әниләргә сабырлык һәм түземлелек теләде. Ата-аналар җавап сүзендә укытучылар коллективына Рәхмәт белдерделәр. Кичә шаян сүз, матур җыр һәм шигъри юллар белән бик оста үрелеп барды. Кичәнең икенче өлешендә 9 сыйныф укучылары һәм сыйныф җитәкчесе Галиуллина З.Ф.кызы белән берлектә үзләренең кичерешләре белән уртаклаштылар, истәлек бүләкләре тапшырдылар. Зал күңелле авазларга күмелеп, яңгырап торды. Истәлек фотога төшүләр, аерым хисләр ташкыны белән уртаклашу, сыйныф бүлмәләрен күздән кичерү - барысы да соңгы тапкыр иде бүген! Мәктәптә алынган төпле белем һәм тәрбия беркайчан да укучыларыбызны туры юлдан читкә бормас! Уңышлы еллар, хәерле юллар, Сезгә, тугызлар! 22.06.2015
-
Әле кайчан гына укучылар өчен Соңгы кыңгырау чыңлаган иде. Менә инде ике атнадан артык вакыт сизелми узып китте. Укучылар җәйге ялны файдалы һәм кирәкле эшләр белән чиратлаштырып бара. Файдалы булган дару үләннәре тапшыру белән бергә уку йорты актив рәвештә районда оештырылган “Донбасс балаларына Белем көне!” дип аталган иганәчеләр акциясендә катнашты. 15 июнь көнне барлык җыелган уку кирәк-яраклары Мәгариф бүлегенә тапшырылды. Ярдәм кулы сузуда аеруча актив укучылар булып башлангычлардан Аюпов Азат һәм Бикчәнтәев Данис, 7 сыйныфтан- Бикчәнтәев Ранис һәм Шәрәфетдинова Зөлфия, 8 сыйныфтан- Әхмәдуллина Рузана, Вәлиуллина Альбина, Галимҗанова Алинә, Кадыров Булатлар булды. Сыйныфлар арасында аеруча активлыкны 5, 8, 9 сыйныфлар күрсәтте. Укучылар тырышлыгы белән барлыгы 166 данә уку кирәк – ярагы тапшырылды. Бу сызыклы һәм шакмаклы дәфтәрләр; рәсем өчен альбомнар, пумала һәм төсле карандашлар, буяулар; пенал һәм гади карандашлар; уку китаплары; төсле кәгазь һәм картон; җилем; ручкалар җыйналмасы. Эшчәнлекне оештыруда актив катнашкан сыйныф җитәкчеләренә, укучыларга, әти- әниләргә мәктәп администрациясе Рәхмәтен белдерә. 18.06.2015
-
Мәктәп укучылары өчен чын - чынлап бишенче хезмәт чиреге башланды. Бакчада эшләү белән бергә , алар бик тырышып дару үләннәре җыеп тапшыруда да актив катнашалар. 16 нчы июнь көнне бердәм рәвештә мәктәп укучылары чимал тапшыруда катнаштылар. Иртән һәр сыйныф җитәкчесе үз сыйныфын каршы алып, бергәләп чимал тапшыруны оештырды. Аеруча актив укучылар булып 2 сыйныфтан Камалова Зилә, Садыкова Гүзәл, Касымов Айнур, Вәлиева Зилә; 3 сыйныфтан- Аюпов Азат, Әхмәдуллина Чулпан, Алюкова Алия; 5 сыйныфтан- Галиуллина Гөлназ, Гадиев Булат, Гатауллин Фаил; 6 сыйныфтан- Әхмәтшина Зилә, Кыямова Карина; 7 сыйныфтан- Нәҗметдинова Раилә, Шәрәфетдинова Зөлфия, 9 сыйныфтан- Гарипов Рәдифләр булды. Әлегә бәйгедә 1, 4, 8 сыйныф укучылары катнашып өлгермәде, алар икенче тапшыру көнендә катнашырга әзерләнәләр. Барлыгы укучылар көче белән 1,7 кг җир җиләге яфрагы; 4 кг сукыр кычыткан; 1,5 кг бака яфрагы; 1,1 кг үги ана яфрагы; 3,7 кг әрем; бик күп төрле җиләк яфраклары һәм башкалар тапшырылды. Җыелган үләннәр барысы да киптерелгән, җыйнак итеп урнаштырылган хәлдә Әзерләүләр конторасына тапшырылды. Дару үләннәре әзерләү дәвам итә. 18.06.2015
-
“Беренче сыйныф укучысының мәдәни көндәлеге" ("Культурный дневник первоклассника") дип исемләнгән мәдәни-мәгариф проекты 2015 нче елның 12 ноябреннән старт алды. Ул Мәдәният елы кысаларында уздырылды. Нигезләмәдә каралганча, проект өч төрле номинациядән торды: • “Беренче сыйныф укучысының мәдәни көндәлеге" сайтын иң актив кулланучы”; • “Иң әйбәт беренче сыйныф укучысының мәдәни көндәлеге"; • “Иң яхшы мәдәни әти-әни”. Бу проектта мәктәбебезнең беренче сыйныф укучылары, аларның әти-әниләре сыйныф җитәкчесе Илсөяр Мансуровна җитәкчелегендә бик актив катнаштылар. Ел буе дәвамында төрле мәдәни чаралар үткәрелде, мәдәният оешмаларына экскурсияләр оештырылды. 2015 елның 1 гыйнварыннан 25 майга кадәр икенче этапта “Иң әйбәт беренче сыйныф укучысының мәдәни көндәлеге" һәм “Иң әйбәт мәдәни әти-әни” номинациясендә җиңүчеләр барланды. 1 сыйныф укучысы Сибгатуллин Динарның җиңүчеләр арасында булуы безне бик шатландырды. Ул Казан шәһәрендә үтүче җиңүчеләрне бүләкләү танатанасында катнашу мөмкинлеге алды: башкаладагы музейларда булып, “Әкият” курчак театрында кунакта булып кайтты. 09.06.2015
