муниципальное бюджетное общеобразовательное учреждение «Нижне-Наратбашская основная общеобразовательная школа Буинского муниципального района Республики Татарстан»
Решаем вместе
Есть предложения по организации учебного процесса или знаете, как сделать школу лучше?
Визитная карточка
| Адрес: | 422410, РТ, Буинский район, с.Нижний Наратбаш, ул.Советская, 1А |
| Телефон: | +7(843)-744-22-54 |
| E-Mail: | sch669@list.ru,Snn.Bui@tatar.ru |
| Министерство: | Министерство образования и науки Республики Татарстан |
| Короткое название: | МБОУ "Нижне-Наратбашская ООШ Буинского муниципального района РТ" |
| Руководитель: | Гарипов Раиф Рашатович |
| Год основания учреждения: | 1975 |
| У нас учатся: | 40 |
| У нас учат: | 18 |
муниципальное бюджетное общеобразовательное учреждение «Нижне-Наратбашская основная общеобразовательная школа Буинского муниципального района Республики Татарстан» - новости
Страницы: << ( 271 ) 272 273 274 275 276 277 278 279 280 >>
-
17 апрель көнне бердәм мониторинглаштыру кысаларында 4 нче сыйныф укучылары "Без Җир шары турында нәрсә беләбез ?" диеп исемләнгән темага күмәк проект эше башкардылар. Укучыларның проект эшләре бик нәтиҗәле һәм искиткеч мәгълүматлы килеп чыкты.Балалар башкарган эшләреннән бик канәгать калдылар. 20.04.2015
-
Буа шәһәрендә үткәрелгән “Киләчәге бар милләт без, шәхесләргә бай милләт без” дип исемләнгән III районкүләм фәнни-гамәли конференциядән укучыларыбыз җиңү белән кайттылар. Укучылар Шәрәфетдинова З.Ф., Галимҗанова А.Р., Вәлиева Э.И. призлы урыннар алдылар (укытучылары Шәрәфетдинова Л.Г., Галиуллина З.Ф.). Киләчәктә дә уңышлар Сезгә! 20.04.2015
-
Татарстан Республикасы Мәгариф һәм Фән Министрлыгы күрсәтмәсе нигезендә мәктәптә “Космонавтика декадасы” уздырылды. Тәрбия әшләре буенча директор урынбасары каршында уздырылган киңәшмәдә сыйныф җитәкчеләре чараның нигезләмәсе белән танышты. Ярыш шарты буенча декада “Җиһан буяулары” - рәсемнәр, “Без җиһангир булып туганбыз!” – иншалар, “Җиһан турында фән”- рефератлар, “Җиһан ритмнары” – әкиятләр һәм җырлар, ““Востоктан” “Ангарага””- макетлар, “Юрий Гагаринның очышы минем тормышта” дип исемләнгән журналистлар өчен бәйгеләрдән тора иде. Һәр фән укытучысы, сыйныф җитәкчесе үзенә кагылышлы юнәлештә укучылар белән актив эш башкарды. Барлык эшләр тупланып, сыйныфларның эш нәтиҗәләренә йомгак ясалды. 20.04.2015
-
Безнең мәктәп укучылары 17 апрель көнне Буа шәһәренең М.М. Вахитов исемендәге гимназиядә үткәрелгән “Минем кече Ватаным” дип исемләнгән укучыларның I региональ фәнни-гамәли конференциясендә катнашып, төрле дәрәҗәдәге диплом ияләре булдылар: Гәлиуллина Гөлназ – 5 сыйныф (җитәкчесе: татар теле һәм әдәбияты укытучысы Гәлиуллина З.Ф.) - III урын; Әхмәтшина Зилә – 6 сыйныф (җитәкчесе: география укытучысы Сираҗиев Р.Б.) – II урын; Әхмәдуллина Рузана – 8 сыйныф (җитәкчесе: рус теле һәм әдәбияты укытучысы Әхмәдуллина Г.Р.) – II урын; Гарипов Рәдиф – 9 сыйныф (җитәкчесе: география укытучысы Гарипов Р.Р.) – III урын. Котлыйбыз! 20.04.2015
-
16 апрельдә Кайбыч районы Олы Кайбыч мәктәбендә « Эзләнү» дип исемләнгән III зона фәнни – гамәли конференциядә безнең мәктәп укучылары да катнашты. 2 сыйныф укучысы Камалова Зилә - Лауреат ( җитәкчесе Гыйзәтуллина Г.Р.), 3 сыйныф укучысы Бикчәнтәев Данис-3нче урын, Минкашева Ильвина –Лауреат (җитәкчеләре Ахметшина Л.С.) исеменә лаек булдылар. Инглиз теле буенча Бикчәнтәев Ранис 2 нче урынны яулады ( җитәкчесе Бикчәнтәева А.Р.). Афәрин, укучылар! Фәнни җитәкчеләренә иҗади уңышлар телибез. 17.04.2015
-
9 апрель көнне башлангыч сыйныф укытучыларының куст бердәм методик көне үткәрелде. Әлеге чара кысаларында ачык дәресләр, мастер класс һәм түгәрәк өстәл артында сөйләшүләр булды. 1 сыйныфта Фәхертдинова И.М. математикадан, 2 нче сыйныфта Гыйзәтуллина Г.Р. сынлы сәнгатьтән, 3 нче сыйныфта Ахметшина Л.С. әйләнә – тирәдән Сингапур структуралары кулланып бик кызыклы һәм мавыктыргыч дәресләр үткәрделәр. Әлеге дәресләр коллегалары тарафыннан югары бәяләнде. 17.04.2015
-
Сәламәт яшәү рәвеше укучылар һәм укытучылар өчен иң мөһим чараларның берсе. Мәктәпнең спорт ярышлары календаре нигезендә укучылар язгы этап төрләрен тапшырырга әзерләнәләр. Бу максаттан дәресләрдә ныграк кабатлау һәм ныгыту уздырыла. Ә атна башында укытучылар өчен ГТО нормаларын беренче тапшыру буенча старт бирелде. Барлык педагогик коллектив беренче этап буенча нормалар белән танышты, аларны тапшыруга кереште. Нормаларны тапшыру буенча башта аңлатма семинар уздырылды. ГТО нормаларын үтәүне коллектив үзенең иң төп бурычы итеп куйды. 16.04.2015
-
Экология айлыгы кысасында мәктәптә күпкырлы эшчәнлек алып барыла . Укучылар өчен төрле мавыктыргыч әңгәмәләр һәм викториналар оештырыла, күргәзмәләр эшләп килә. Сыйныф сәгатьләренең дә кереш өлеше әйләнә – тирәлекне саклауга багышлана. Башлангыч сыйныф укучылары даими рәвештә туган як, туган авыл турында рәсемнәр бәйгесе оештырып килә . Айлыкның иң югары ноктасы булып һәр елны күмәк хезмәт өмәсе санала . Быел да уку йорты тирәлеген чистарту буенча чираттагы өмә оештырылды . Аны бердәм булып башлангыч сыйныф укучылары башлап җибәрде. Үзләренә тапшырылган территорияне җаваплы рәвештә чистартып бетергән вакытка 5-9 сыйныф укучылары эшкә кереште. Күз ачып йомганчы бөтен җир тәртипкә китерелде . Чисталык күзне иркәләп мәктәпне тагын да матуррак итеп күрсәтеп тора! 16.04.2015
-
Апрель ае - экологик тәрбия бирү айлыгы. Укучылар үзләре яшәгән тирәлекләрне чүп-чарлардан арындырдылар. 15.04.2015
-
Тәрбия процессы даими рәвештә үзгәреп , яңалыклар белән тулыланып тора. Шушы фактларны истә тотып, мәктәпнең сыйныф җитәкчеләре МБ һәм тәрбия эшләре буенча урынбасар каршындагы чираттагы берләштерелгән утырыш булып узды . Көн тәртибендә заман таләбе - “Ачык тәрбия чарасын уздыру технологиясе ” дип аталган чыгыш иде. 6 сыйныф җитәкчесе Гарипова С.И. нәкъ менә шушы проблемага багышлап сүзне дәвам итте . Доклад практик өлеш – 8 сыйныфта “ Әни кирәк! ” дип исемләнгән ачык сыйныф сәгате белән үрелеп барды . Утырышта катнашучылар үздырылган чарага уңай бәя бирделәр, эш алымнары белән таныштылар. План нигезендә уздырылачак экологик тәрбия айлыгы һәм парклар елы чаралары , Бөек Җиңүнең 70 еллыгына багышланган Дәресне үздыру тәртибе каралды. Һөнәр сайлау, сәламәт яшәү рәвеше тәрбияләүгә багышланган республикакүләм 13- 18 яшьлек укучылар өчен тәкъдим ителгән тест уздыру алгоритмы белән таныштыру булды. 13.04.2015
