муниципальное бюджетное общеобразовательное учреждение «Нижне-Наратбашская основная общеобразовательная школа Буинского муниципального района Республики Татарстан»
Решаем вместе
Есть предложения по организации учебного процесса или знаете, как сделать школу лучше?
Визитная карточка
| Адрес: | 422410, РТ, Буинский район, с.Нижний Наратбаш, ул.Советская, 1А |
| Телефон: | +7(843)-744-22-54 |
| E-Mail: | sch669@list.ru,Snn.Bui@tatar.ru |
| Министерство: | Министерство образования и науки Республики Татарстан |
| Короткое название: | МБОУ "Нижне-Наратбашская ООШ Буинского муниципального района РТ" |
| Руководитель: | Гарипов Раиф Рашатович |
| Год основания учреждения: | 1975 |
| У нас учатся: | 40 |
| У нас учат: | 18 |
муниципальное бюджетное общеобразовательное учреждение «Нижне-Наратбашская основная общеобразовательная школа Буинского муниципального района Республики Татарстан» - новости
Страницы: << 261 262 263 264 265 ( 266 ) 267 268 269 270 >>
-
Спорт яратучы укучыларыбызның иң яраткан чарасы - районда елда уздырылган туристлар слёты. Быелгы 48 - нче слётка кандидатлар сайлап алу елдагыча җаваплы булды. Барлык теләүчеләрдән иң оста, булдыклы 8 укучы сайланды: 7 сыйныфтан- Бикчәнтәев Ранис, Кадыров Фаил, Хәйретдинова Эльвира, Шакурова Айгөл; 8 сыйныфтан – Асадуллин Алмаз, Вәлиуллина Альбина, Кадыров Булат, Җамалетдинов Илшат. 12 нче майдан 14 нче майга чаклы укучылар Вилданов И.М. җитәкчелегендә урманда слётта булдылар . Беренче көннән алып ахырга чаклы туристлар бик тырышып слёт программасын үтәргә тырыштылар, барлык бәйгеләрдә дә актив катнаштылар. Көн кичке дискотека белән тәмамланып иртә ярыштан башлану , учактагы тәмле ашлар, түгәрәктә җылынып утырулар –барсыда истә калырлык. Алдан әзерлек күрү үзенең матур нәтиҗәләрен бирде: безнең туристлар командасы йомгаклау тантанасында пьедесталның 3 –нче баскычына урнашты , күчмә кубок белән бүләкләнде. Индүс Мәнсур улы һәм команданы чираттагы лаеклы җиңүләре белән чын күңелдән котлыйбыз! 14.05.2015
-
13 нче май көнне Бердәм экологик дәресне 2-3 нче сыйныф укучылары табигатьтә үткәрделәр. Алар сыйныф җитәкчеләре Ахметшина Л.С. белән берлектә күл буена 9 агач үсентесе утырттылар. Укучылар кулы белән утыртылган агач һәм куаклар киләчәктә авылыбыз табигатенә файда һәм ямь өстәрләр дип ышанасы килә. 13.05.2015
-
Бердәм экологик дәрестә 1 сыйныф укучылары “Кызыл китап” белән таныштылар, “Кызыл китап”ка кертелгән үсемлек һәм хайваннарны өйрәнделәр. Укучылар шулай ук илебездәге һәм республикабыздагы “Тыюлыклар” турында да бик күп мәгълүмат алдылар. 13.05.2015
-
Апрель аенда хезмәттәшебез Мөхәммәтҗанова Солтания Габделхәй кызының гомер бәйрәме – туган көне булды. Гади туган көн генә түгел – ә олы юбилей!Тормыш аңа ике “бишле” куйды. Шул уңайдан мәктәптә тантаналы котлау линейкасы оештырылды: аның дәвамында укытучылар, укучылар Солтания ханымны чын күңелдән тормыш бәйрәме белән котладылар, тырыш хезмәте өчен рәхмәт җиткерделәр, изге теләкләргә һәм чәчәкләргә күмделәр. Тантана фотопрезентацияләргә, шигырь һәм котлауларга үрелеп барды. Чара истәлеккә күмәк фотога төшү белән тәмамланды. Сәламәтлек, бәхет, шатлык, Сезгә, Солтания Габделхәй кызы!Алдагы яңа җәйләргә Исән - имин керегез. Без Сезне хөрмәт итәбез,Һәрчак шуны белегез! 11.05.2015
-
9 нчы май көнне мәктәбебез Бөек Җиңүнең 70 - еллыгына авылыбызда уздырылган тантаналы митингта катнашты. Чара гимн белән башланып китте. Әйләнә- тирә чәчәкләргә күмелгән, укучылар кулында шарлар, кулдан ясалган бүләкләр. Һәйкәл тирәсе танымаслык булып үзгәрде: соңгы вакытта бу обелиск яңартылды, буялды, акланды. Кунаклар килгәнче үк 9 сыйныф укучылары Мәңгелек Ут янында пост оештырды. 6,7 нче сыйныфлар әдәби- музыкаль композиция әзерләде. Барлык алдынгы укучылар КФХ “Кадыйров”, “Нива” агрофирмасы, авыл советы, мәктәп, ветераннар советы, авылыбызның картлары исеменнән веноклар куйды. Тантана дәвамында котлау сүзләре белән авыл советы рәисе, ике авыл мулласы, ветераннар советы рәисе, мәктәп һәм музей директорлары , авылдашлар исеменнән Шәйхетдинов Хәйдәр абыйлар чыгыш ясады. Авылыбызның эшмәкәрләре Абузяров Рөстәм Хаҗи , Хәйруллин Рәшит Гафият уллары да җылы сүзләр җиткерде. Буа шәһәре ДОСААФ оешмасы автомашина колонналары Җиңү әләмнәре тагып, аның рәисе Абузяров Рөстәм Хаҗи улы җитәкчелегендә , барлык авылдашларны бәйрәм белән котлап, урамнарны урадылар.Бәйрәмдә яңартылган Һәйкәлне ачу тантанасын фермер Кадыров Фәнил Фәһим улы башкарды. Яңа һәйкәл ачу тантанасы бер минутлык тынлык белән тәмамланды.Бәйрәм укучыларның ветераннарга чәчәкләр, котлау открыткалары тапшыру белән тәмамланды. Авылыбызның сугыш һәм тыл батырлары өчен бәйрәм чарасы авылыбызның Мәдәният йортында дәвам итте. Шаулап торсын, матур булсын, илдә Җиңү бәйрәме!!! 11.05.2015
-
8 нче май көнне мәктәпнең 6 сыйныф укучылары лаеклы ветеран Сибгатуллин Рәшит абыйда кунакта булдылар.Озын гомер, Сезгә, ветераныбыз!!! Бәйрәм белән!!!!! Хәтердән уела күп нәрсә, Онытыла иң гүзәл яз һәм кышлар. Онытылмый үзенең иңендә Ил данын күтәргән язмышлар. 11.05.2015
-
11нче май көнне уздырылган атналык эш линейкасында “Табигатькә эшең белән ярдәм ит!” (“Помоги природе делом!”) акциясенә старт бирелде. Чараны укучыларга җиткергәнче, тәрбия буенча урынбасар каршындагы киңәшмәдә махсус сыйныф җитәкчеләре белән әңгәмә оештырылды. Утырышта уздырылачак чараның максаты, бурычлары, үткәрү тәртибе белән аерым танышу, үзара фикер алышу белән дәвам итте. Иң беренчеләрдән булып эшчәнлектә ярдәмгә ата-аналар тартылды: аеруча башлангыч сыйныф укытучылары бу өлкәдә күбрәк аларга таяна. Линейкада макулатура җыеп тапшыру көннәре итеп 11нче майдан 15 нче май көннәре билгеләнде. 15 нче май - чималны мәктәптә бердәм тапшыру көне булачак. Һәр укучы, һәр сыйныф алдына зур бурыч куелды: актив катнашырга, беренчелекне яуларга, табигатькә кулдан килгәнче ярдәм итәргә! Һәрбер җыелган макулатура күпме агачны үлемнән саклаячак, күпме яшеллек, матурлык яшәячәк! 11.05.2015
-
Бүгенге атналык линейкада өченче Глобаль Иминлек атналыгына нәтиҗә ясалды. Атналык кысасында бердәм сыйныф сәгате, видеофрагментлар карау, матур әдәбият материаллары белән танышу, район " Имин тәгәрмәч-2015" бәйгесендә катнашулар булды. Башлангыч сыйныф укучылары арасында шул ук темага рәсемнәр конкурсы уздырылды. 1 сыйныфтан - Айшә, 2 сыйныфтан - Камалова Зилә, 3 сыйныфтан - Чулпан, 4 сыйныфтан - Илмазлар җиңүче дип табылды. Мәктәпкә җиңү алып кайтучы Вәлиев Инсафны Мактау тактасына язып куйдык. Атналык куелган максат һәм бурычларга ирешергә тулысынча ярдәм итте. 11.05.2015
-
Җиңү бәйрәменең иң тантаналы мизгелләре. Матурлыгы өчен бу көннәрнең Кемнәр генә корбан булмаган! Исемнәрен тарих безгә үзе Саклап килә ерак еллардан! 11.05.2015
-
Онытылмас мизгелләр.Митингка диеп җыелдык без Май аеның матур көнендә. Һәлак булган авылдашларыбызның Исемнәрен гөлдән үрергә. 11.05.2015
