Чыгарылыш укучы тормышында берничә тапкыр була. Берсе – барыбыз да белә торган, 11 нче сыйныфны тәмамлаганнан соң оештырыла торганы. Икечесе – 9 нчы сыйныфы тәмамлаганнан соң уздырыла. Ә иң кызыклысы һәм иң беренчесе - 4 нче сыйныфны тәмамлагач үткәрелә. Бу бәйрәм башлангыч сыйныфларны уңышлы тәмамлагач, урта звенога күчкәндә оештырыла. 4 еллык башлангыч белемгә йомгак ясала.
Бүген, 23 нче май көнне, шундый матур чыгарылыш бәйрәменең берсе узды. 4 нче сыйныф укучылары укытучылар, әти-әниләр өчен бик матур чара әзерләгәннәр иде. Алар биеделәр, җырладылар, 4 еллыкка нәтиҗәләр ясадылар.
Кадерле укучылар! Сезне беренче җиңүегез – башлангыч мәктәпне уңышлы тәмамлавыгыз белән ихлас котлыйбыз! Сезгә фәнни һәм иҗади уңышлар теләп калабыз! 

Бүген, 22 нче май көнне, гимназиянең алдынгы, тырыш, актив укучыларын бүләкләү тантанасы узды. 200 гә якын укучыга мактау грамотасы һәм истәлекле бүләкләр бирелде. Бу чара беренче тапкыр 15 ел элек үткәрелгән. Без әлеге күркәм традицияне бүгенге көндә дә дәвам итәбез.
Укучылар ел буе рәсем, спорт, сәнгать, белем бәйгеләрендә актив катнаштылар. Ә без бүген иң-иңнәрне тәбикләдек.
Кадерле укучылар! Сезне җиңүегез белән чын күңелдән котлыйбыз! Сезгә алга таба да иҗади, фәнни уңышлар теләп калабыз!

Бүген, 22 нче май көнне, гимназиядә ата-анала җыелышы узды. Сыйныф җитәкчеләре 4 нче чиреккә һәм уку елына йомгак ясадылар. Чарада киләсе елга максат һәм бурычлар билгеләнде, сыйныф тормышында булган прблемалардан чыгу юллары эзләнде. 

Казанда елда, яз һәм көз айларында, хәйрия ярминкәләре уза. Әлеге ярминкәләрдә җыелган акчалар махсус хәйрия оешмаларына тапшырыла.
Безнең укучылар да әлеге чараларда катнашалар. 19 нчы май көнне “Изге йөрәкләр” исеме астында хәйрия ярминкәсе оештырылды. Укучылар, алдан ук, ярминкәгә азык-төлек, кул эшләнмәләре алып килделәр. Югары сыйныф укучылары чараны оештырырга ярдәм иттеләр.
Әлеге әйберләрне саткан акчалар онокологик авырулы балаларны дәвалау өчен банкка тапшырылачак. 

Игелек атнасы дәвам итә. Һәр сыйныф әлеге чарага үзеннән өлеш кертергә тырыша. 2 нче сыйныф укучылары “Без бер планета – җир шарында яшәүчеләр” темасына рәсемнәр ясадылар. Бу рәсемнәрдә “барыбыз да бертигез”, “дус-тату булыйк” кебек мәгънәләр ята иде. 

Гимназиябездә “Яшел төс” ЮИД командасы уңышлы эшләп килә. Алар төрле бәйгеләрдә катнашалар, иптәшле өчен дә чаралар әзерлиләр. Бүген дә алар 1 нче 2 нче сыйныф укучылары өчен, “Зебра һәм аның дуслары юл кагыйдәләре илендә” исемле тетральләштерелгән бәйге оештырганнар иде. Җәйге каникуллар алдыннан укучылар юл йөрү кагыйдәләрен искә төшерделәр, кызыклы биремнәр башкардылар. 

Бүген, 18 нче май көнне, мәктәп территориясен яшелләндерү, матурлау максатыннан, гимназия алдына чәчәкләр утыртылды. Мәктәбебез тагында ямьләнеп, яктырып китте. Бу эшне тиз һәм сыйфатлы башкарып чыгарга әти-әниләр ярдәм итте. Аларга гимназия исеменнән зур рәхмәт белдерәбез! 

Тиздән каникуллар башлана. Укучылар вакытларын урамда, паркларда үткәрә башлый. Төрле ял итү урыннарына бара.
ГИБДД мәгълүматларына күз салсаң, җәйге каникуллар, балалар катнашындагы аварияләр иң күп була торган чор икән. Шундый куркыныч очракларны булдымый калу максатыннан, безгә кунакка инспектор - Сабиров Ленар Рөстәм улы килде. Ул укучыларга юл йөрү кагыйдәләре турында сөйләде, аларның булган белемнәрен тикшереп, әңгәмә оештырды. Инспектор укучыларга җәйге каникулда юлларда сак булырга, юл кагыйдәләрен үтәргә киңәш итте. 

Бүген, 15 нче май көнне, 5 нче сыйныфларда “Яхшылык җирдә ятмый” темасына игелек дәресе узды. Укучылар яхшылык, изгелек темасына фикер алыштылар. Яхшылык эшләү турында видеороликлар карадылар, үз фикерләрен җиткерделәр. Үзләре эшләгән яхшы эшләр турында, гыйбрәтле вакыйгалар белән уртаклаштылар. Әлеге чара укучыларга бик ошады. Видеороликларны карагач кайбер укычыларның күзләре яшьләнде. Укучыларыбызның нечкә күңеллелеге аларның изге йөрәкле булуларын дәлилли кебек.