Муниципальное бюджетное общеобразовательное учреждение «Татарская гимназия №1 им.Г.Тукая» Вахитовского района г. Казани
Визитная карточка
| Адрес: | 420108, г. Казань, ул. Мазита Гафури, д. 34а |
| Телефон: | +7(843)-293-38-67;+7(843)-293-38-87;+7(987)-290-70-21 |
| E-Mail: | g1.kzn@tatar.ru |
| Министерство: | Министерство образования и науки Республики Татарстан |
| Короткое название: | МБОУ "Татарская гимназия №1 им.Г.Тукая" |
| Руководитель: | Шамсеева Гульфия Гаязовна |
| Год основания учреждения: | 1990 |
| У нас учатся: | 531 учащихся, из них 4 иностранных граждан |
| У нас учат: | 37 преподавателя |
Муниципальное бюджетное общеобразовательное учреждение «Татарская гимназия №1 им.Г.Тукая» Вахитовского района г. Казани - новости
Страницы: << 191 192 193 194 195 196 197 198 199 ( 200 ) >>
-
"Илебездә, телебездә, күңелләрдә Тукай мәңгелек" 12.03.2020

Гимназиябезнең шигърият сөючеләре бүген “Илебездә, телебездә, күңелләрдә Тукай мәңгелек” дип исемләнгән шигырь сөйләүчеләр конкурсында булып кайттылар. 2 “Б” һәм 3 “Б” сыйныфлары укучылары бөек шагыйребез Г.Тукайның әсәрләрен сәнгатьле сөйләделәр, үзләре язган шигырьләре белән дә таныштырып үттеләр.
Башлангыч сыйныфтан ук шигърияткә карата мәхәббәт уянган әлеге укучыларыбызда безнең өмет зур. Уңышлар аларга! -
“Аларның исемнәре белән безнең шәһәр урамнары аталган” иҗади эшләр конкурсы 11.03.2020

Гимназиябездә “Аларның исемнәре белән безнең шәһәр урамнары аталган” дип исемләнгән иҗади эшләр конкурсы үтте. Укучылар кызыклы һәм эчтәлекле эшләр башкардылар. Алар Девятаев, Рихард Зорге, Захитов, Гаврилов, Карбышев урамнары исемнәренең килеп чыгышын ачыкладылар, бу шәхесләр турында күп кенә мәгълүмат бирделәр. Балалар әлеге эш белән бик теләп шөгыльләнделәр, чөнки үзләренә дә урам исемнәренең килеп чыгышы кызыклы иде. Бу конкурс белән без күпмедер дәрәҗәдә укучыларны шәһәребезнең тарихына да кызыксыну уяттык дип саныйбыз.
-
Халыкара хатын-кызлар көненә багышланган бәйрәм концерты 06.03.2020

Яз белән бергә безгә искиткеч бәйрәм – Халыкара хатын-кызлар көне килеп җитте. Ә гимназиябездә гүзәл затлар өчен бәйрәм концерты үткәрелде. Биредә 1 нче сыйныфтан алып өлкән сыйныфларга кадәр укучылар катнаштылар. Чара матур эчтәлекле шигырьләр, моңлы җырлар, матур биюләр белән үрелеп барды.
-
"Музыкаль тәнәфес"тә ТАССРның 100 еллыгына багышланган эфир 03.03.2020

2020 нче елда ТАССР төзелүгә 100 ел тулу уңаеннан безнең гимназиядә проек эшләп килә. Бу проект кысаларында укучылар ТАССР тарихын өйрәнә, моның белән бәйле конкурсларда катнаша, плакатлар, рәсемнәр ясый һ.б. Гимназиядә тагын бер эшләп килүче проект – “Музыкаль тәнәфес”проекты да бу мәсьәләдән читтә кала алмады, шуңа да бүген укучылар озын тәнәфесләрдә республикабыз турында җырлар тыңлап үттеләр.
-
Саф һәм җыр смотры 27.02.2020

Ватаныбызны саклаган геройларның исемнәре халкыбызның хәтерендә мәңге сакланыр. Һәр өлкәннең бурычы – һәр буын ата-бабаларыбызны искә алсын өчен үсеп килүче буында ватанпәрвәрлек һәм үз илеңә мәхәббәт хисе тәрбияләү.
Традиция буенча безнең мәктәптә Ватанны саклаучылар көненә багышланган саф һәм җыр смотры узды. Мәктәп укучыларына үзләренең саф әзерлеген, командирның командаларының төгәллеген, дөрес башкарылуын, колоннада маршировканың төгәллеген һәм дөреслеген, рапорт тапшыруның төгәллеген һәм дөреслеген, җырның оста башкарылуын һәм сөйләмнең төгәллеген күрсәтергә туры килде. Һәм, әлбәттә инде, кием формасы бәяләүнең соңгы критерие түгел иде.
Урыннар түбәндәгечә билгеләнде. 6-7 сыйныфлар арасында:
1 урын – 6 “Б”;
2 урын – 6 “А”;
3 урын – 6 “В”.
7-8 сыйныфлар арасында:
1 урын – 7 “В”;
2 урын – 7 “А”;
3 урын – 8 “А”.
Әлеге чара бер сулышта сизелмичә дә узып китте. Командалар яхшы әзерлек күрсәттеләр. -
Хәрби-гамәли спорт төрләре буенча эстафета 26.02.2020

23 февраль – Ватанны саклаучылар көне уңаеннан бездә 9-10 сыйныфлар арасында хәрби-гамәли спорт төрләре буенча эстафета үтте. Ул берничә этаптан торды: 1) автоматны сүтеп җыю; 2) азимутны билгеләү; 3) яраларны бәйләү һ.б. Иң активлары булып 9 “А” сыйныфы булып чыкты. Алар зур кызыксыну белән әлеге бәйгеләрдә катнаштылар. Урыннар түбәдәгечә куелды: 1 урын – 9 “А”, 2 урын – 9 “Б”, 3 урын – 10 “А”.
-
Китапханәдә дәрес үткәрелде 25.02.2020

Рус теле һәм әдәбияты декадасы кысаларында китапханә белән берлектә 7 “В” сыйныфы өчен Б.Полевойның “Повесть о настоящем человеке” китабына багышланган дәрес үтте. Укучылар биредә Б.Н.Полевойның тормышы һәм иҗаты белән таныштылар, повестьнең төп герое характерын ачтылар; бурыч, җаваплылык, чыдамлык, кыенлыкларны җиңеп чыгу, кешеләрне аңлый һәм хөрмәт итә белү кебек әхлакый сыйфатларны үстерделәр.
-
Халыкара Туган тел көненә багышланган кичә 21.02.2020

Бүген гимназиябездә Халыкара Туган тел көненә багышланган әдәби - музыкаль кичә уздырылды. Ул татар теле укытучылары һәм 2 “Б”, 3 “Б”, 4 “А” сыйныфы укучылары катнашында үткәрелде. Алып баручылар туган телебез – татар теле – турында сөйләсәләр, башкалар сәхнәдә күренекле шагыйрьләребезнең шигырьләре белән таныштырып үттеләр. Шулай ук әсәрләрне сәхнәләштерү, музыкаль композицияләр белән бәйләү зур урын алып торды. Әлбәттә, кичәнең ахыры татар халкының бөек шагыйре Г.Тукайның “Туган тел” җыры белән тәмамланды. Әлеге җылы кичә беркемне дә битараф калдыра алмады.
-
"Күңелле стартлар" 20.02.2020

Бүген, 20 февраль көнне, гимназиядә чираттагы “Күңелле стартлар” ярышлары узды. Биредә 2 “А” һәм 2 “В” сйныфлары катнаштылар. 2 этаптан торган эстафетада 2 этапта да 2 “В” сыйныфы җиңү яулады.
-
Рус теле һәм әдәбияты декадасы кысаларында радиоэфир 18.02.2020

17 февраль көнне, «Мы сохраним тебя, русская речь, Великое русское слово» дип аталган рус теле һәм әдәбияты декадасы башланып китте. Ә бүген, 18 февраль көнне, 7 “В” сыйныфы укучылары «Строки, опаленные войной» радиокомпозициясе белән чыгыш ясадылар. Укучылар сугыш вакытындагы шигырьләрне, җырларны искә алдылар, аларның безгә мәңгелек кыйммәтләр: мәхәббәт, хәтер, югалтулар, кешенең билгеләнеше турында сөйләүләрен искә төшереп үттеләр. “Бу җырлар бик җанлы һәм бердәмлек хисе белән сугарылган: кешеләрне мәхәббәт, югалтулар, юл, табигать, Ватан берләштерә”, - дип ассызыклап үтелде радиоэфирда. Шулай ук укучылар дошманга каршы сугышта халыкларны берләштергән “Священная война” җыры турында мәгълүмат бирделәр, ә радиоэфир ахырында әлеге җыр да яңгырады.













