Бердәм дәүләт имтиханы (БДИ) – мәктәп тәмамлаучылар өчен дәүләт аттестациясенең төп формасы. Аның нәтиҗәләре югары һәм урта махсус уку йортларына укырга керү имтиханы да булып тора. Быел гимназиябезне 23 бала тәмамлады, алар нинди һөнәр иясе булачакларын алдан фаразлап, мәҗбүри һәм сайлау имтиханнарына бик тырышып әзерләнде. Гимназия идарәсе, укытучылар тарафыннан да имтиханнарга әзерлек барышында аеруча күп көч һәм хезмәт куелды. 
БДИ нәтиҗәләре буенча рус теленнән 17 укучы, математикадан 3 укучы, информатикадан 2 укучы, химиядән 3 укучы югары, җәмгыять белеменнән 2 укучы аеручыларга зур уңышларга иреште. 
Чыгарылыш сыйныф укучыларына зур уңышлар һәм үзләре сайлаган югары уку йортларына керү бәхетенә ирешүләрен теләп калабыз.

Гимназиябезнең 11 нче сыйныф укучылары, бердәм дәүләт имтиханнарында яхшы нәтиҗәләргә ирешеп, бүген урта гомуми белем турында аттестат алдылар. Гимназия директоры Гөлфия Гаязовна укучыларны 11 нче сыйныфны уңышлы тәмамлаулары белән кайнар котлады һәм тормышларында максатларына ирешүләрен теләде.
Чыгарылыш сыйныф укучыларына олы тормышта зур уңышлар телибез.

Күңелле лагерь сменасы  ахырына да якынлашты. Сау бул, лагерь! Киләсе очрашуларга кадәр!

Вахитов районында урнашкан балалар иҗат үзәге бүген балалар өчен бик кызыклы һәм мавыктыргыч космик сәяхәт әзерләде. Лагерь балаларын 3 төркемгә бүлеп төрле станцияләргә озаттык. “Бегунляндия”, “Каляканье”, “Театральляндия”. Күңел ача торган чараларны балалар бик яратты. Үз чиратында нәниләр “Угадай мелодию” һәм дискотеканы билгеләп үттеләр .

Бүген гимназиядә 9 сыйныф укучыларына төп гомуми белем турында аттестатлар тапшыру тантанасы булды. Укучылар күп сынаулар аша уздылар. Рус теле, математика һәм тагын үзләре сайлаган ике фәннән имтиханнар, ниһаять, артта калды. Укучылар һәм аларның әти-әниләре дулкынланып көткән мизгел килеп җитте. Бәйрәм барышында гимназия директоры Гөлфия Гаязовна барлык укучыларга матур теләкләрен җиткерде, аттестатлар тапшырды. 37 чыгарылыш сыйныф укучысының икесенә укуны “5”легә генә тәмамлаган өчен махсус аттестатлар бирелде. Чара әти-әниләрнең рәхмәт сүзләре, сыйныф җитәкчеләренең укучыларына булган изге теләкләре белән үрелеп барды.
Укучыларны истәлекле көннәре белән котлыйбыз, алдагы тормышларында ак юллар телибез!

Бернинди кисәтүсез, иртәнге сәгать дүрттә, фашист германиясе безнең Ватаныбызга һөҗүм итә. Бу хәл, кызганычка каршы, безнең ил белән була. Төгәлрәк 22 нче июньдә. “Дуслык”лагерына йөрүче балаларга буген кайгы һәм хәтер көне дип игълан ителде. Көнне сугыш кырында үлеп калган әби-бабаларыбызны искә төшереп бер минутлык тынлык белән әңгәмәне башладык. Әңгәмәбезне викторина формасында алып бардык. Сугышта булган мәгълүматларны балалар үзләре сөйләде, укытучылардан да яңа фактлар белделәр. Бөек Ватан сугышы турында фильм карап, рәсем конкурсы уздырылды. 

Яхшылык эшләү бик куркәм эш. Ул һәрбер кешенең хәленнән килә. Менә без дә, табитать турында кайгыртып, хәйрия акциясе уздырырга булдык. Балалар бик рәхәтләнеп акциядә актив катнашты. Хәйриянең төп бурычы - шешә бөкеләрен җыеп тиешле оешмага тапшыру. Анда инде ул сок һәм су бөкеләре яңадан кулланыла торган продуктка әйләнәчәк. Лагерь балалары керпеләр турында кайгыртып, батарейкалар да җыерга булды. Шундый акцияләр һәрбер кеше өчен дә файдалы дип саныйбыз, чөнки табигать тормышы бары безнең кулда, шуны онытырга ярамый!

“Табигатьне саклау- Ватаныңны саклауга тиң”.  Без “Дуслык”лагерына йөрүче балалар белән шушы фикер белән килешәбез, шуңа күрә бүгенге көнне “Экология көне” дип билгеләдек. Экология - бик җитди фән, аның нигез салучыларын искә алып һәр отрядта әңгәмә үткәрелде.
Экология елына багышлап стенгазеталар чыгарылды. Хезмәт десанты да үз эшен башкарды. 51 нче мәктәптә оештырылган чарада балалар актив катнашты. 

Чын җәй килеп җитте. Балалар җылы, ямьле көннәрне бик зарыгып көтеп алдылар. Көнне бүген саф һавада милли уеннарны искә төшереп уйнауга багышладык. “Йөзек салыш” уены элек-электән, әби-бабалардан калган матур уен-күренеш. Аның җәзасы төрле булырга мөмкин, мәсәлән,биергә, җырларга. Балалар җырлый да, бии дә беләләр. Рәхәтләнеп күңел ачтык. Көннең икенче яртысында Әмәт урманына сәяхәт ясадык. 27 градуслы җылы көндә фонтан кырыенда җиләс һәм шундый рәхәт. “Сәламәт тәндә- сәламәт рух”темасына әңгәмә уздырылды һәм күңелле стартларда актив катнаштык.

“Дуслык” лагерында 18 нче июнь - милли мәдәният көне. Форсаттан файдаланып лагерь балалары Иске-татар бистәсенә сәяхәт ясадылар. Гимназиябездэ урнашкан музей төрледэн төрле артифактларга бай, анда эксурсия белән кереп укучылар бик канәгать калды. Татарстанда яшәуче хэрбер кеше үз милләтенең тарихын белергә тиеш. Шуңа күрә “Татарстан – минем туган ягым”дип исемләнгән уен- викторина үткәрелде. Арабызда югары эрудиөияггә бай балалар шактый булып чыкты. Алар белән бергәләп милли көйләрне тыңлап, Горький паркыда татар халык уеннарын уйнадык. Кызыклы маҗараларга бай һәм файдалы узды көнебез.