Укучылар дүртенче баскыч ГТО нормаларын тапшыру эшенә керештеләр. Алар тиешле булган барлык төр физик күнегүләрне җиренә җиткереп башкарырга тырышалар.
Укучыларыбызга уңышлар телибез!

18 октября 2018 года с 9.00 до 17.00 в Аппарате Уполномоченного по правам ребенка в Республике Татарстан будет организована работа телефона горячей линии на тему «Организация питания в образовательных организациях Республики Татарстан» по телефонам 8(843) 236-61-24, 236-61-26, 236-61-49.

16 нчы октябрь көнне гимназиядә Татарстан Республиасы Дәүләт Советы депутаты, Татарстанның Халыклар дуслыгы йорты директоры Ирек Илдус улы Шәрипов белән очрашу булды. Ирек Илдусович депутатлык һәм Халыклар дуслыгы йорты эшчәнлеге турында бик актуаль мәгълүмат бирде. Кунагыбыз өлкән сыйныф укучыларына республикабызда милли һәм демография мәсьәләләренең торышы, чишелеше турында сөйләде. Аңа сораулар да күп булды, иң яхшы сорау бирүчеләргә бүләкләр тапшырылды. Әңгәмә бик файдалы һәм кызык узды. Рәхмәт, Ирек Илдусович!

Бүген, 15 нче октябрь көнне, гимназиядә Парламент дәресләре узды. Быел ул “Парламент, җәмгыять һәм мин” темасына үткәрелде. Укучылар Дәүләт советының төзелеше, аның председателе, урынбасарлары, закон чыгаручы органнар һ.б. белән якыннан таныштылар. Укучылар әлеге сыйныф сәгатьләреннән бик күп файдалы мәгълүмат алдылар. 

Бүген, 14 нче октябрь көнне, каратэ буенча бөтенроссия ачык турниры узды. Әлеге чарада безнең укучыларыбыз да катнашып, призлы урыннар яуладылар. Нәтиҗәләр түбәндәгечә:
2 нче урын – Шаһидуллин Илдар һәм Ибушев Евгеий;
3 нче урын – Бикмөхәммәтов Адель һәм Фәтхуллин Малик.
Укучы егетләребезне әлеге җиңүләре белән котлыйбыз! Алга таба да уңышлар телибез!

Бүген, 12 нче октябрь көнне, гимназиябез укучылары “Нәрсә? Кайда? Кайчан” уенының шәһәр турында катнаштылар. Беренче турда безнең “Эрудит” командасы 5 балл алды. Ә икенче тур авыррак булу сәбәпле, 12 балл алып, финалга үтә алмадылар. Әлеге чара укучыларга бик ошады. 

Бүген, 12 нче октябрь көнне, тантаналы линейкада мини-футбол уены җиңүчеләрен бүләкләделәр. Гимназиябез директоры Гөлфия Гаязовна укучы егетләребезгә мактау грамоталары тапшырды.

Спорт ул – яшәү рәвеше. Сәламәт булуның күп өлеше спорт белән шөгыльләнүдән тора. Безнең гимназия укучылары да аны үз итә.
Бүген, 11 нче октябрь көнне, футбол буенча район турниры узды. Гимназия укучылары 96 нчы гимназия белән көч сынаштылар һәм 3 нче урынга лаек булдылар. Исәп: 1:0.
Укучыларыбызны әлеге җиңү белән котлыйбыз! Алга таба да уңышлар телибез!

Балачак – иң күңелле, рәхәт чор. Һәр кешенең күңелендә башлангыч сыйныфта укыган мизгелләр аерым урын алып тора. Әлеге чор яңа белемнәр алу белән генә түгел, ә күңелле вакыйгалары белән дә истә кала.
Бүген, 10 нчы октябрь көнне, 2 нче сыйныфлар арасында “Күңелле стартлар” ярыш-уены узды. Укучылар төрле уеннарда үзара көч сынаштылар. Нәтиҗәләр түбәндәгечә билгеләнде:
1 нче урын – 2 нче В сыйныфы;
2 нче урын – 2 нче Б сыйныфы;
3 нче урын – 2 нче А сыйныфы.

Бүген, 9 нчы октябрь көнне, гимназиябезнең 8-9 нчы сыйныф егетләре, футбол буенча район турнирында, 5 нче лицей укучылары белән көч сынаштылар. Нәтиҗәләр түбәндәгечә билгеләнде. Исәп: 2 : 5.