Футбол буенча турнирлар дәвам итә. Бүген, 18 нче сентябрь көнне, гимназиядә футбол буенча турнир узып китте. Уенда 8-9 нчы сыйныфлар көч сынашты, 3-2 исәбе белән тәмамланды.
Барлык укучы егетләребезне ярышларда актив катнашырга чакырып калабыз алдагы уеннарда уңышлар телибез!

Бүген, 18 нче сентябрь көнне, гимназиядә ата-аналар җыелышлары узды. Чара “2018-2019 нчы уку елында гимназиядә белем һәм тәрбия бирү процессын оештыру” темасына үткәрелде. Җыелышларда интернет куркынычсызлыгы, наркотиклардан саклану һәм яңа уку елына планнар турында сөйләнде. Әти-әниләр үзләрен борчыган сорауларга, укытучы белән бергәләп, җаваплар эзләделәр. 

Бүген, 17 нче сентябрь көнне, барлык сыйныфларда “Интернет куркынычсызлыгы” темасына сыйныф сәгатьләре узды. Бу чара “Бердәм куркынычсызлык дәресләре” кысаларында үткәрелде. Укучылар белән әңгәмә вакытында төрле күңелсез вакыйгалар, проблемалы ситуацияләрне булдырмый калу турында сөйләштек. Әлеге темага караган видео материаллар, тест биремнәре алган белемнәрне ныгытырга мөмкинлек бире.
Дөрес итеп кулланган вакытта интернет безнең якын дустыбыз. Ә кагыйдәләрне үтәмәгән очракта ул дошманыбызга да әйләнергә мөмкин!

Бүген, 16 нчы сентябрь көнне, Грький-Әмәт паркында төрле һөнәрләргә караган мастер-класслар узды. Әлеге чарада флорист, кондитер, агач остасы һ.б. һөнәрләр белән якыннан танышырга була иде. Безнең гимназия укучылары да, әлеге чарада булып кайттылар.

Бүген, 15 нче сентябрь көнне, бөтенроссия йөгерү көненә багышланган “Кросс нации-2018” чарасы узды. 8 нче сыйныф укучылары иртәннән үк Казанның үзәк урамнарында кросста катнаштылар.
Йөгерү ярышы ел да зурлап үткәрелә. Әлеге чарада спорт сөюче барлык кешеләр катнаша ала. Укучылар, төрле оешмаларда эшләүчеләр 1 км йөгереп уздылар.
Әйдәгез, бүген генә түгел, башка көннәрдә дә спорт белән дус яшик!

Бүген, 14 нче сентябрь көнне, 5 нче сыйныфлар өчен Татарстан Варислары берлеге җыелышы үткәрелде. Укучылар әлеге оешма, аның эшчәнлеге белән якыннан таныштылар. Варислыкка кабул итү тантанасы турында фикер алышып, берлекнең лаеклы вәкиле булырга сүз бирделәр. 

Бүген, 13 нче сентябрь көнне, 2 нче Б сыйныфында сыйныф сәгате узды. Чарада мәктәп психологы Патеева Татьяна Ивановна “Ияләшү чорында ихтыяр көченең әһәмиятлелеге” турында сөйләде. Укучыларга психолог белән үткәрелгән әңгәмә бик ошады. 

Футбол буенча турнирлар дәвам итә. Бүген дә футбол кырында бик кызу уеннар узды. Нәтиҗәләр түбәндәгечә билгеләнде:
5 нче Б һәм В сыйныфлары арасында җиңүче - 5 нче В сыйныфы. Исәп (2:0)
6 нчы Б һәм В сыйныфлары арасында җиңүче – 6 нчы В сыйныфы. Исәп (1:0).
Алга таба турнирлар башка спорт уеннары буенча да узачак. Укучыларны актив катнашырга чакырабыз. 

Бүген, 13 нче сентябрь көнне, 5-7 нче сыйныф укучылары арасында Л.Н. Толстой хикәяләре буенча рәсем бәйгесе узды. Укучылар язучының әсәрләрен тыңлап, үзләренә ошаган эпизодның рәсемен ясадылар. Бәйге бик кызыклы һәм мавыктыргыч үтте. Укучылар Л.Н. Толстойның хикәяләрен хәтерләрендә тагын бер кат яңарттылар. 

Футбол буенча турнирлар дәвам итә. Бүген 8-9 нчы сыйныфлар үзара көч сынашты. Нәтиҗәләр түбәндәгечә билгеләнде:
8А-8Б сыйныфлары арасында 1 нче урынны 8Б сыйныфы яулады. Исәп: 2-0.
9А-9Б сыйныфлары арасында уен 3-3 исәбе белән тәмамланды.
Укучы егетләребезгә алдагы уеннарда уңышлар телибез!