12 нче сентябрь көнне гимназиядә 15 яше тулган укучылар өчен медосмотр узды. Бу профилактик чарада укучыларны наркотик һәм психотороп матдәләргә тикшерделәр. 

Бүген, 12 нче сентябрь көнне, 8 нче сыйныфлар өчен урамда үз-үзеңне тоту буенча куркынычсызлык кагыйдәләре турында сөйләнде. Лекцияне ПДН җитәкчесе Багаутдинова Диана Алеевна укыды. Бүгенге көндә урамнарда булган проблемалар, яшьүсмерләрнең үз-үзләрен тотышы турында әңгәмә алып барылды. 

Бүген, 11 нче сентябрь көнне, гимназиядә футбол буенча турнирлар башланып китте. Бүген уенда 5-7 нче сыйныфлар көч сынашты. Уенның нәтиҗәләре түбәндәгечә билгеләнде:
6А – 6Б – (2:3) 6Б сыйныфы җиңүче;
5А – 5Б – (2:0) 5А сыйныфы җиңүче;
7А – 7Б – (1:2) 7Б сыйныфы җиңүче.
Барлык укучы егетләребезне ярышларда актив катнашырга чакырабыз.

Бүген, 10 нчы сентябрь көнне, 8 нче сыйныфлар өчен, Л.Н. Толстой иҗатына багышланган квест уены оештырылды. 11 нче сыйныфлар ярдәме белән Л.Н. Толстойның 190 яшьлек юбилеена багышланган чарада 8 нче сыйныф укучылары язучының төп серен чишәргә тырыштылар. Уенда егетләрдән генә торган “Муравьи” һәм кызлардан гына торган “Ясная” командалары катнашты.
Укучылар беренче турда язучының тормыш юлына караган биремнәрне үтәделәр. Калган турларда Л.Н. Толстойның иҗатына караган белемнәрне искә төшерделәр.
Уенда кызлар командасы җиңү яулады. Укучылар язучы иҗатын бик кызыклы формада ныгытып уздылар. Чарадан барлык катнашучылар да кәнәгать калдылар.

Бүген, 8 нче сентябрь көнне, “Игелекле Казан” исемле ярминкә узды. Әлеге ярминкә онкологик авырулы балаларга ярдәм йөзеннән оештырыла. Без әлеге чарада 7777 сум акча җыеп, 51 нче мәктәптә укучы онкологик авырулы балага тапшырдык. 

Белдерү!
Сентябрь аенда гимназия беренчелегенә, 3-4 һәм 8-10 сыйныфлар арасыда, футбол ярышлары узачак. Барлык укучыларны актив катнашырга чакырабыз!

Һәр уку елын без хәйрия ярминкәсе белән башлап җибәрәбез. Беренче уку атнасында ук төрле әйберләр җыеп, ярминкәгә барабыз. Җыелган акчаларны онкологик авырулы балаларга тапшырабыз.
Быел да без әлеге традицияне дәвам иттек. Бергәләшеп сатарга әйберләр җыйдык. Әлеге чарада мәрхәмәтлелек эшләргә теләгән һәркем катнашты. Иртәгә, 8 нче сентябь көнне, укучыларыбызга ярмнкәдә уңышлар телибез! Ярминкәгә рәхим итегез!

Бүген, 6 нчы сентябрь көнне, сыйныфларда юл хәрәкәте иминлеге дәресләре узды. Укучылар юл йөрү кагыйдәләрен искә төшерделәр, кызыклы уеннар уйнадылар, әңгәмә кордылар.
Мәктәп чоры юл һәлакәтләренә бай вакыт. Шуңа күрә уку елы башында ук, укучылар иминлеген кайгырту өчен, әлеге темага караган чараларны бик уздырабыз.
Кадерле укучылар! Юлларда сак йөрегез! Игътибарлы булыгыз!

Бүген, 5 нче сентябрь көнне, барлык сыйныфларда “Игелек дәресләре” узды. Укучылар яхшылык-яманлык, өлкәннәргә һәм кечкенәләргә ярдәм итү, игелекле эшләр кылу турында фикер алыштылар. Беренче сыйныф укучылары игелекле эшләр көндәлеген тутыра башладылар. Өлкәннәргә транспортта урын бирү, табигатькә, кешеләргә мәрхәмәтле булу кебек темаларга укытучы белән бергәләшеп әңгәмә кордылар. 

Бүген, 5 нче сентябрь көнне, гимназия каратистлары Фәткуллин М., Шаһидуллин И., Багаутдинов Р. Хөсәенов Т. спорт мәктәбе ачылышында чыгыш ясадылар. Чара “Подросток” спорт үзәгендә узды.