Бүген, 29 нчы октябрь көнне, ПДН инспекторы, майор Курбанова Т.Р. белән әңгәмә узды. Инспектор 8-10 нчы сыйныф укучыларына “ Яшьүсмерләрнең җәмгыять урыннарында исерек хәлдә булулары өчен җаваплылыгы”, “Каникул вакытында шәхси куркынычсызлык” темаларына лекцияләр укуды.

Бүген, 27 нче октябрь көнне, 6 нчы В сыйныфы укучылары, Зергирова Л.Н. җитәкчелегендә, Каюм Насыйри музеенда экскурсиядә булып кайттылар. Укучылар галим, язучы К. Насыйриның тормыш юлы һәм иҗаты белән якыннан таныштылар. 

Бүген, 26 нчы октябрь көнне, Рус теле көненә багышланган “Великое русское слово” фәнни-белем бирү фестивале узды. Әлеге чарада безнең гимназиядән 6 нчы сыйныф укучысы Кузнецов Д., 5 нче сыйныф укучысы Кузнецова М., 8 нче сыйныф укучысы Мингазетдинов Р. катнашты. Ә Кузницова М. бәйгедә 3 нче урынны яулады.
Афәрин, укучылар! Сезне уңышлы чыгыш ясавыгыз белән котлыйбыз!

Бүген, 26 нчы октябрь көнне, безнең гимназия һәм 5 нче лицей укытучылары арасында волейбол уены узды. Безнең укытучылар 3:0 исәбе белән җиңү яуладылар.
Хөрмәтле укытучылар! Сезне әлеге җиңүегез белән кайнар котлыйбыз!

Бүген, 23 нче октябрь көнне, гимназиядә 3А, 4Б сыйныф укучылары журналист, педагог, язучы Айгөл Шәрәфиева белән очраштылар. Укучылар бу очрашуга әзерләнеп, авторның “Татар тарихына сәяхәт”, “Беренче төрки каганлык. Бөек ефәк юлы” исемле китапларын укып килделәр. Аралашу өчен уен-квест формасында бик кызык узды, сораулар да гаять күп булды! Очрашу укучыларда татар халкы тарихын өйрәнүгә кызыксыну уятыр дип ышанабыз. Рәхмәт, Айгөл Исмәгыйлевна! 

Бүген, 23 нче октябрь көнне, “Татар кызы – 2018”, “Татар егете - 2018” бәйгесенең район этабы узды. Безнең гимназия данын Әхмәдуллин Р. һәм Фаекова Д. яклады. Катнашучылар берничә турда көч сынашты. Алар үзләрен жюри әгъзаларына төле яклап тәкъдим иттеләр. Нәтиҗәләр 25 нче октябрь көнне билгеле булачак.

Бүген, 23 нче октябрь көнне, башлангыч сыйныфларда, юл йөрү кагыйдәләре турында, әңгәмә үткәрелде. Чараны Казан шәһәре буенча БДД ОАО һәм ПБДД ОГИБДД УМВД инспекторы Кәбирова Ландыш Әсхәтовна һәм ТУ ГБУ БДД профилактика бүлегенең алдынгы белгече Мозафарова Зөлфия Вагыйзовна үткәрделәр. Укучылар көзге каникуллар алдыннан тагын бер кат юл йөрү кагыйдәләрен искә төшерделәр.
Кадерле укучылар! Зур юлларда, урамда сак булыгыз! Юл йөрү кагыйдәләрен төгәл үтәгез!

Бүген, 19 нчы октябрь көнне, 1 нче һәм 27 нче гимназия укытучылары арасында волейбол уены узды. Укытучылар бик теләп әлеге чарада катнаштылар. Авыр эш көненнән соң спорт белән шөгыльләнү, укытучыларыбызга яңа көчләр өстәде. Уен 3:0 исәбе белән тәмамланды. Безнең укытучылар җиңү яулады.
Спорт сөюче укытучыларыбызны, әлеге җиңү белән, кайнар котлыйбыз!

Бүген, 19 нчы октябрть көнне, гимназиядә хезмәт ветераннары һәм Россия геройлары белән очрашу узды. Укучылар ветераннар хозурына үзләре әзерләгән концерт номерларын тәкъдим иттеләр. Аннан соң үзләрен кызыксындырган сораулар бирделәр.
Бегенге көндә андый кешеләрне күреп сөйләшү, аралашу бик зур бәхет. Алар белән аралашу, күрешү әлеге яшь буын өчен бик файдалы. Әлеге данлыклы хезмәт юлы турында ветераннарның үз авызыннан ишетү икеләтә кызыклы, тәэсирле.
Әлеге чарадан укучылар да, ветераннар да кәнәгать калдылар. 

Бүген, 18 нче октябрь көнне, 9 нчы сыйныфларда психолог белән әңгәмә узды. Чара вакытында җәмгятьтә үз-үзеңне тоту, башкаларга игътибарлы булу кебек темалар күтәрелде. Укучылар үзләренең ялгышларын аңлап, төзәлү юлларын эзләделәр. Әлеге чара укучылар өчен бик файдалы булды.