Гимназиябездә бәйрәм рухы хөкем сөргәнен инде алдан язып үткән идек. Бу бизәлгән бүлмәләр, уенчыклар, костюмнар конкурсы белән генә чикләнми әле. “Музыкаль тәнәфес” проекты да бу атнада әлеге эшкә кушылып китте. Һәр озын тәнәфес саен бездә матур теләкләр белән бергә Яңа ел турында җырлар яңгырый. Бу бәйрәм алды көннәренә үзе бер ямь өсти, шуның белән гимназиядәге һәр кешегә күтәренке кәеф бүләк итә.