Бүген мәктәбебездә коррупциягә каршы класс сәгатьләре узды. "Коррупция  нәрсә ул?", "Коррупциягә каршы без нәрсә эшли алабыз" кебек темаларга узган сөйләшүләрдә укучылар үзләрен кызыксындырган сорауларга җавап алдылар. 

1 декабрь- Бөтендөнья СПИДка каршы көрәш көне. Шул уңайдан бүген классларда тәрбия минутлары узды.

Укучыларның сәләт һәм мөмкинлекләрен ачыклау, аларның иҗади  күнекмәләрен үстерү өстендә эшләүгә мәктәбебездә зур игътибар бирелә. Район, республика күләмендә уздырылган һәр бәйгедә катнашып, матур нәтиҗәләргә ирешүебез моның ачык мисалы. Бүген 4 класс укучысы Галиахметова Зәринәнең табигый материаллардан эшләнгән панносы Әлмәт шәһәрендә узачак "Чудеса из решета" бәйгесенә, ә Давлиев Сәйдәш, Хабибуллина Таңсылу, Исмагилов Ислам, Гафиятова Илүзәнең кул эшләре һәм сочинениесе янгынга каршы уздырылучы бәйгегә җибәрелде.Аларга уңышлар телибез!

Бүген мәктәбебездә Аналар көне уңаеннан "Тормышның яме Сез-әниләр!" дип исемләнгән кичә узды. Бәйрәмдә барлык укучыларның да газиз әниләре катнашты. Алар өчен иң матур җырлар җырланды, иң дәртле биюләр биелде. Үзләренең чыгышлары аркылы балалар әниләренә булган ярату хисләрен, рәхмәт сүзләрен җиткерделәр. Бәйрәм белән Сезне, хөрмәтле Аналар! 

"Дулкыннар"  фестивалендә уңышлы чыгыш ясап 4 класс укучысы Каримова Рузинә "Нәфис сүз" номинациясендә 2нче урынга, ә 10 класс укучысы Сабирова Гүзәл 3нче урынга лаек булдылар. Кызларны уңышлары белән котлыйбыз, алга таба да иҗади эшчәнлекләренең матур нәтиҗәләренә сокланырык булсын иде.

Бүген мәктәбебездә мәгариф хезмәткәрләре арасында баскетбол буенча зона ярышы узды. Әлеге бәйгедә 6 мәктәп командасы катнашты: Олы Арташ төп мәктәбе, Олы Кибәче урта мәктәбе, Икшермә урта мәктәбе, Завод-Нырты урта мәктәбе, Сатыш урта мәктәбе, Шытсу урта мәктәбе. Ярышның нәтиҗәләре: 1 урын-Икшермә урта мәктәбе, 2 урын- Сатыш урта мәктәбе, 3 урын- Олы  Кибәче урта мәктәбе командалары. Җиңүчеләрне котлыйбыз, баскетбол ярышында катнашкан һәркемгә саулык-сәламәтлек телибез, спорт һәрвакыт юлдашыгыз булып калсын!

Аналар көненә багышлап мәктәбебездә ел саен  бәйрәм әзерләнә. Бүген  укучыларыбыз әлеге бәйрәмгә әзерлекне дәвам иттеләр. Әниләре турында презентацияләр эшләделәр, концерт номерларын кабатладылар.

Мәктәбебездә сәнгать айлыгы бара. Шул уңайдан бүген 4нче класста "Без барысын да булдырабыз!" дип исемләнгән иҗат бәйрәме узды. Бәйрәмдә укучылар төрле кызыклы шигырьләрне сәнгатьле сөйләү буенча ярыштылар, үзләренең рәсемнәрен , проект эшләрен тәкъдим  иттеләр. Әлеге чарада 2 класс укучыларының "Туган тел" бәйгесенә әзерләнгән кул эшләре дә күрсәтелде. Бәйрәмне 4 класс җитәкчесе Дания Наилевна Бикмиева оештырды.

Бүген технология фәне буенча олимпиада нәтиҗәләре билгеле булды. Безнең укучыларыбыз Юзеева Сиринә (9 класс) 1нче урында (укытучы-Галиахметова И.М.), Вилданов Раил- 2нче урында (укытучы-Вилданов Н.М.). Котлыйбыз сезне!

Бүген мәктәбебездә Корбан ашы узды. Авылыбызның имам-хатибы Рәис абый балаларга Корбан чалуның тарихы турында сөйләде, вәгазьләр укыды, шушы мәҗлестә катнашкан һәр кешегә иң изге теләкләрне җиткерде. Кунакка килгән ветеран укытучылар һәм хезмәткәрләр әлеге чараны оештыручы мәктәп җитәкчесе Галияхметов Р.Р.ка, укытучыларга рәхмәтләрен белдерделәр.