17 апрель көнне 8 класс укучысы Газизова Зилә Казан шәһәрендә узган  Габдулла Тукай исемендәге "Теле барның-иле бар" Бөтенроссиякүләм сәнгатьле шигырь сөйләүчеләр бәйгесендә чыгыш ясады, Грамота  һәм истәлекле бүләк белән бүләкләнде.  Җитәкчесе- татар теле һәм әдәбияты укытучысы Гафиятова Ә.Ф.

Бүген  инвалид балалар арасында узган  өстәл теннисы буенча район беренчелегендә 7 класс укучысы Хуҗиахметов Ирек 1нче урын, 10 класс укучысы Шәвәлиева Дилбәр 2нче урын яулады. Аларны җиңүләре белән котлыйбыз, алга таба да уңышлар телибез.

13 апрельдә П.А. Столыпинның 150 еллыгы уңаеннан 6 класста "Столыпин реформалары", 9 класста "Столыпинның аграр реформалары", 10 класста "Столыпин-реформатор" темаларына дәресләр узды. Дәресләрне тарих укытучылары Каримова Л.Р., Шакирова Л.Г. уздырды.

Бүген Икшермә урта мәктәбендә "Аҗаган" хәрби -спорт уенының зона этабы узды. Бу уеннарда укучыларның спорт һәм хәрби әзерлек буенча күнекмәләре сыналды. Безнең мәктәп командасының газетасы 2че урынга лаек булды, 11 класс укучысы Шакиров Илсаф турникта күтәрелү һәм пневматик винтовкадан ату буенча 3нче урын алды.

Бу көннәрдә укучылар бөре җыю белән мәшгуль булдылар. Барлык укучыларның тырышлыгы белән 1,9 кг каен бөресе, 6,8 кг нарат бөресе җыеп урманчылыкка тапшырдык. Нәтиҗәләр түбәндәгечә: башлангыч класслар арасында 1урын-2 класс, 2 урын-3,4 класслар, 3 урын-1 класс, 5-8 класслар арасында 1 урын-8 класс, 2 урын-5,7 класслар, 3 урын-6 класс, 9-11 класслар арасында 1 урын-9 класс, 2 урын-11 класс, 3 урын-10 класс. Иң күп бөре җыючы укучылар: Гатиятуллина Гөлүсә (2 класс)-1 урын, Хуснутдинов Альмир(2 класс)-2 урын, Хабибуллина Таңсылу (1 класс)-3 урын, югары класс укучылары арасында: Гатиятуллина Рәзинә (9 класс)-1 урын, Нуриева Алисә (8 класс)-2 урын, Газизуллина Энҗе (9 класс)-3 урын.  Җиңүчеләрне котлыйбыз!

10 апрель көнне 5 авыл җирлеге арасында узган  КВН буенча зона ярышларында Олы Кибәче авыл җирлегеннән "Кактус" командасы катнашты. Әлеге команда составында  безнең мәктәп укучылары да бар иде. Ярышның барлык турларында да яхшы чыгыш ясап "Кактус" командасы 1нче урынга лаек булды һәм КВНның район турында чыгыш ясау хокукына ия булды. Командабыз анда да сынатмас дигән ышанычта калабыз.

7 апрель  көнне район күләмендә узган спорт ярышларында безнең мәктәп укучылары да актив катнашты. Һадиев Ирек (7 класс), Гыйлаҗев Булат (9 класс) үз яшьтәшләре арасында 2нче урын яуладылар.

7 апрель-Бөтендөнья сәламәтлек көне. Әлеге көннең максаты-һәр кешегә сәламәтлекнең нинди мөһим нәрсә булуын һәм аны сакларга тырышу һәркемнең үз кулында икәнен искә төшерү. Бүген безнең мәктәбебездә Сәламәтлек көненә карата әңгәмәләр узды. 10 класс укучылары Гыйлаҗиева Миләүшә, Шавалиева Дилбәр, 9 класс укучылары Газизуллина Энҗе, Гатиятуллина Рәзинә 5-11 класс укучылары алдында "Дөрес туклану серләре", Сәламәт булыйм дисәң...", "Витаминнар", Сәламәт булуның алтын кагыйдәләре " дигән темаларга чыгышлар ясадылар, презентацияләр күрсәттеләр. Башлангыч класс укучыларын сәламәт булу кагыйдәләре белән  озайтылган көн төркеме тәрбиячесе Газизова Г.Р.  таныштырды.

Бүген песионерлар арасында компьютерда эшләү сәләтләрен ачыклау максатыннан олимпиада уздырылды. Олимпиаданың җиңүчесе Башарова Наилә Аширбековна булды. Ул район күләмендә узачак бәйгедә катнашачак. Наилә апага уңышлар телибез!

Бүген Шәмәрдән лицеенда 5-7 класс укучылары командалары арасында флорбол ярышлары узды. Безнең мәктәпнең кызлар командасы 2нче урын алды.  Ике  көн дәвамында  узган әлеге ярышларда мәктәбебездән 4 команда катнашып, 3 призлы урын яулавыбыз зур сөенеч булды. Тренер Сафин А.К.ны һәм командалар составындагы барлык укучыларны әлеге җиңүләре белән котлыйбыз, алга таба да уңышлар телибез.