Бүген "Көлдерә торган шарлар үлемгә илтә" дигән темага узган класс сәгатьләрендә азот закисе ("кәефне күтәрүче газ"), аның организмга тәэсире турында сөйләштеләр. Шундый шарларны даими рәвештә кулланган кеше бер ел эчендә "яшелчә"гә әйләнергә мөмкин икән. Шуңа да, яшәргә теләгән, сәламәтлеге өчен кайгырган кешегә андый шарлар янына якын да килергә ярамый!

23 октябрьдә мәктәбебездә Парламент дәресе узды. Дәрес Дәүләт советы рәисе Мөхәмәтшин Ф.Х.ның укучыларга мөрәҗәгате белән башланып китте. Аннан соң тарих укытучысы Ләйсән Рафиловна ТР Конституциясенең 20еллыгына багышланган чыгыш ясады. Авыл җирлеге башлыгы Гатауллина Ф.Х. Олы Кибәче авыл җирлеге һәм гражданнарның хокук һәм бурычлары турында сөйләде. Дәрес ахырында укучыларның белемнәре тестлар һәм викторина ярдәмендә тикшерелде.

Бүген класс сәгатьләре кысаларында һәр класста паралимпия дәресләре узды. Класс җитәкчеләре укучыларга  паралимпия хәрәкәтенең кыйммәтләре. паралимпия уеннары спортсменнары, аларның уңышлары, паралимпия уеннары тарихы турында сөйләделәр. Әлеге дәресләрнең төп максаты-ихтыяр көче, максатчанлык кебек сыйфатлар тәрбияләү булды. Өстәмә мәгьлүматлар белән презентацияләр күрсәтелде.

Бүген Олы Кибәче урта гомумбелем бирү мәктәбе базасында мини -футбол буенча зона ярышы узды. Әлеге ярышларда мәктәбебезнең кызлар командасы 3 урын яулады, ә егетләр командасы, 1 урын алып, район ярышларында катнашу хокукына ия булды.

14 октябрь көнне мәктәбебез укучылары кул көрәше буенча район күләмендә уздырылган ярышларда катнашты һәм матур нәтиҗәләргә иреште.

8 класс укучысы Яруллина Гөлназ, 9 класс укучысы Гараев Зөлфәт, 10 класс укучысы Зиннуров Аяз, 11 класс укучысы Давлиев Булат 1нче урын яуладылар. Аларны әлеге җиңүләре белән котлыйбыз, алга таба да уңышлар телибез.

13 октябрь көнне мәктәбебезнең кызлар командасы район күләмендә уздырылган мини-футбол ярышларында катнашты.

Бүген мәктәбебездә "Команда-2013" проектын презентацияләү булды. Район балалар иҗат үзәге һәм ДООЦтан  килгән комиссия вәкилләренә укучыларыбыз "Универсиада-2013" стендын тәкъдим иттеләр. Кунакларны  универсиада гимны астында татар, рус, инглиз телләрендә шигырь сөйләп каршы алдык. Аннан соң  стенд буенча Универсиада, аның тарихы, эмблемасы, символы, бу чараларда Татарстанның роле, Казан шәһәрендә барган үзгәрешләр, волонтерлар хәрәкәте турында чыгыш булды. Комиссия членнары әлеге темага укучыларыбыз ясаган рәсем, плакатлар, кул эшләре белән таныштылар.

Бүген -Укытучылар  көне. Хөрмәтле укытучыларыбызны  ишек төбендә үк кулларына  чәчәк бәйләмнәре тоткан 10нчы сыйныф укучылары каршылады. Мәктәптә укытучылар хөрмәтенә иҗат ителгән җырлар яңгырап тора, мөгаллимнәр турында иң матур сүзләр язылган. Сәг.8дә актлар залында "Рәхмәтләрнең иң олысы сиңа булсын, Укытучым!" дип исемләнгән чара башланып китте. Укытучылар өчен матур теләкләр җиткерелде, җыр-биюләр укытучыларның сорауларга җавап бирүләре белән чиратлашты. Бер генә укучы да читтә калмады, һәркем үз сәләтен күмәк биюләрдә, җырларда, нәфис сүздә күрсәтте. Концерт барлык укучыларның бергәләп  "Иң гүзәл кеше икәнсез" җырын башкаруы белән төгәлләнде. Бәйрәмне 10 класс укучылары һәм аларның класс җитәкчеләре Рәфинә Габдрәшидовна оештырды. Барлык матур сүзләрегез, чыгышларыгыз өчен рәхмәт, укучылар!

3 октябрь көнне 9 класста "Хезмәте барның-хөрмәте бар" дигән темага класс сәгате узды. Анда КФХ "Галияхметов" җитәкчесе Галияхметов Фәнил Хәмитович чакырылган иде.Ул укучыларга профессия сайлауда үз киңәшләрен бирде,  хезмәт юлы, 150га җирендә ничек эшләве, нинди уңыш алуы турында сөйләде. Үз бәхетеңне читтән эзләмичә,  туган авылыңда табып, җитеш һәм матур тормышта яшәү мөмкинлеге булуы, бары тик  тырыш һәм максатчан булырга кирәклеге әйтелде. 9 класс укучылары Фәнил абыйдан үзләрен кызыксындырган күп сорауларга җавап алдылар. 

Бүген Халыкара Өлкәннәр көне уңаеннан мәктәбебездә "Гомер көзләрегез булсын кояшлы" дип исемләнгән чара узды. Мәктәптә һәм балалар бакчасында эшләп, лаеклы ялда булган өлкәннәр игьтибарына төрле милләт биюләре  һәм шаян биюләр, иң матур җырлар, мәзәкләр тәкьдим ителде. Кунаклар рәхәтләнеп хезмәттәшләре белән аралаштылар, укучыларның матур чыгышларын чын күңелдән алкышладылар, аларга кушылып татарча биеп тә алдылар. Бәйрәм чәй табыны янында дәвам итте.