Муниципальное бюджетное общеобразовательное учреждение «Большекибячинская средняя общеобразовательная школа Сабинского муниципального района Республики Татарстан" /Муниципаль бюджет гомумбелем учреждениесе «Татарстан Республикасы Саба муниципаль районы Олы Кибәче урта гомумбелем бирү мәктәбе»
Визитная карточка
Адрес: | 422065, Республика Татарстан, Сабинский район, с.Большие Кибячи, ул.Ф.Энгельса, д.75 |
Телефон: | +7(843)-624-26-67 |
E-Mail: | kibichisaba@yandex.ru |
Министерство: | Министерство образования и науки Республики Татарстан |
Короткое название: | МБОУ "Большекибячинская СОШ" |
Руководитель: | Шаймиев Ильнар Ильшатович |
Год основания учреждения: | 1992 |
У нас учатся: | 79 учащихся |
У нас учат: | 21 учитель |
Муниципальное бюджетное общеобразовательное учреждение «Большекибячинская средняя общеобразовательная школа Сабинского муниципального района Республики Татарстан" /Муниципаль бюджет гомумбелем учреждениесе «Татарстан Республикасы Саба муниципаль районы Олы Кибәче урта гомумбелем бирү мәктәбе» - новости
Страницы: << 231 232 233 234 235 ( 236 ) 237 238 239 240 >>
-
1 чирек йомгаклары 05.11.2011
Бүген уку елының 1нче чиреге тәмамланды. Һәр класста класс җыелышлары узды, анда укучылар чирек нәтиҗәләре белән таныштырылды, көзге каникул көннәренә куркынычсызлык техникасы буенча инструктажлар үткәрелде.
-
"Ел класс җитәкчесе-2011" 02.11.2011
Бүген район балалар иҗат үзәгендә "Ел класс җитәкчесе-2011" бәйгесенең 2нче туры узды. Әлеге бәйгенең район этабына безнең мәктәпнең 2 класс җитәкчесе Шайхеразиева Ф.В.тәкьдим ителгән иде. Финалга узучылар арасында Физәлия Вакыйфовна булмаса да , барлык катнашучыларның эшләренә уңай бәя бирелде, аларның эш тәҗрибәсенә таянырга мөмкин икәнлеге билгеләп үтелде. Шайхеразиева Ф.В. мәгариф бүлеге грамотасы белән бүләкләнде. Мәктәп коллективы да Физәлия Вакыйфовнага иҗади уңышлар, саулык-сәламәтлек тели.
-
Күңелле экскурсия 01.11.2011
Бүген 5 класс укучылары класс җитәкчеләре Чулпан Рафиковна белән экскурсиягә бардылар. Көзге табигать кочагында узган күңелле экскурсиядә балалар төрле хәрәкәтле уеннар уйнадылар, бергәләп бәрәңге пешереп ашадылар, авылыбызның истәлекле урыннары, атамаларның килеп чыгышлары турында сөйләштеләр. Көзнең соңгы аеның беренче көнендә узган бу экскурсия һәркайсына да бик ошады. Шулай булмыйча, бу бит яңа класс җитәкчеләре-Чулпан апалары белән үткәрелгән беренче экскурсия!
-
"Сөмбелә" 27.10.2011
Бүген башлангыч классларда "Сөмбелә" бәйрәме узды. Төрле яшелчәләр һәм җиләк-җимешләр булып киенгән укучыларның йөзләрендә елмаю балкып тора. Аларның һәр чыгышын жюри һәм өлкән класс укучылары сокланып карады. Матур биюләр, күңелле җырлар белән үрелеп барылган бәйрәмдә башлангыч класс укучыларының тапкырлыклары да сыналды.Нәтиҗәдә 1 класс "Иң тырыш класс", 2 класс "Иң яхшы әзерлекле класс", 3 класс "Иң бердәм класс", 4 класс "Иң талантлы класс" исемнәренә лаек булды.
-
КВН 26.10.2011
Бүген "Уңыш" бәйрәме 9-11 классларда узды. Бәйрәмне ачып җибәреп, мәктәп директоры Роберт Рашитович бу бәйрәмне уздыруга укучыларның тулы хокуклы булуларын,мәктәп яны тәҗрибә участогыннан 66 мең сумлык продукция җитештерелеп сатылуын хәбәр итте, тырыш хезмәтләре өчен укучыларга һәм укытучыларга зур рәхмәт белдерде. КВН формасында оештырылган бәйрәмдә "Кечкенә хулиганнар" (9класс), "Витаминчики" (10 класс), "Өч +сигез" (11 класс) командалары көч сынашты. 3 турдан торган бәйге барышында һәр команда үзләренең әзерлекле булуларын раслады, иҗадилыкларын һәм бердәмлекләрен күрсәтте.Бәйгедә1 балл аерма белән "Өч +сигез" командасы өстен чыкты, "Кечкенә хулиганар"га һәм "Витаминчик" ларга 2нче урын бирелде.
-
5-8 классларда "Уңыш" бәйрәме
25.10.2011
Бүген 5-8 классларда "Уңыш" бәйрәме узды. Бәйрәм программасы буенча һәр класс 10 минут дәвамында ясалган чыгышларында көзге матурлыкны һәм муллыкны мактап, төрле номерлар тәкьдим итте. Барлык классларның да табигый материаллар белән тудырылган көзге мода коллекцияләре үзенчәлекле иде. Бу бәйгедә укучылар үзләренең фантазияләрен күрсәтә алдылар. Барлык чыгышларга нәтиҗә ясаганнан соң, "Чулпан" оешмасы (6 класс) җиңүче дип билгеләнде.
-
"Уңыш" бәйрәме газеталары
21.10.2011
"Уңыш" бәйрәмнәре якынлаша. Бу бәйрәмгә һәр класс стенгазеталар чыгарырга тиеш. Газеталарны бәяләүдә төп таләпләр: укучыларның иҗатына өстенлек бирелсен, һәр мәкаләнең авторы күрсәтелсен, язмалар караңгы фонда язылмасын. Шулай ук хаталы газеталарга да түбән бәя биреләчәк.Бүген "Чишмәкәй", "Чулпан", "Тамчы" оешмалары газеталары белән танышырга мөмкин иде инде.Газеталарны элүнең соңгы срогы- киләсе дүшәмбе.
-
"Уңыш" бәйрәменә әзерлек 17.10.2011
Бүгенге көндә укучылар "Уңыш" бәйрәменә әзерләнү белән мәшгуль.Әлеге бәйрәмгә һәр класс газета чыгарырга тиеш. Газеталарны бәяләгәндә укучылар иҗатына өстенлек биреләчәк. 9-11 класс укучылары өчен бәйрәм КВН формасында узачак. Аның программасы түбәндәгечә:
1 тур -сәламләү. "Таныш булыгыз-бу без!", 2 тур "Көлегез, көлегез, файдасы күп, белегез!", 3 тур "Сорау-бездән, җавап-сездән" дип атала.
-
Эвакуация 14.10.2011
Бүген мәктәбебездә, укучыларның куркынычсызлыгын тәэмин итү, терроризмны профилактикалау максатыннан, эвакуация узды.
-
Баскетбол ярышы 11.10.2011
Бүген мәктәбебездә баскетбол ярышының зона этабы узды. Нәтиҗәләр түбәндәгечә: егетләр командалары арасында: 1 урын- Икшермә урта мәктәбе командасы, 2 урын-Сатыш урта мәктәбе командасы, 3 урын- Олы Кибәче урта мәктәбе командасы. Кызлар командалары арасында: 1 урын- Икшермә урта мәктәбе командасы, 2 урын-Олы кибәче урта мәктәбе командасы,3 урын- Сатыш урта мәктәбе командасы.