Бүген Халыкара Өлкәннәр көне уңаеннан мәктәбебездә "Гомер көзләрегез булсын кояшлы" дип исемләнгән чара узды. Мәктәптә һәм балалар бакчасында эшләп, лаеклы ялда булган өлкәннәр игьтибарына төрле милләт биюләре  һәм шаян биюләр, иң матур җырлар, мәзәкләр тәкьдим ителде. Кунаклар рәхәтләнеп хезмәттәшләре белән аралаштылар, укучыларның матур чыгышларын чын күңелдән алкышладылар, аларга кушылып татарча биеп тә алдылар. Бәйрәм чәй табыны янында дәвам итте. 

27 сентябрьдә 5,6 классларда Өлкәннәр көне уңаеннан "Әбием-алтыным, минем иң якыным" дип исемләнгән музыкаль кичә узды. Әлеге бәйрәмгә укучыларның әбиләре чакырылды. 5, 6 класс укучылары әбиләренә иң матур теләкләрен җиткерделәр, җырладылар, биеделәр. Ә әбиләр оныкларына дини һәм милли йолалар турында сөйләделәр, үзләренең балачакларын искә төшерделәр, киңәшләр бирделәр. "Әбиләр" һәм "Нәниләр" командалары арасында табышмакларга җавап табу, догалар уку буенча ярышлар да оештырылды. Бәйрәмне класс җитәкчеләре-Вилданова Ә.Г., Исмагилова Ч.Р.оештырды.

Бүген мәктәбебездә "Чисталык дәресе" узды. 3-11 класс укучылары катнашында узган бу дәрестә биология укытучысы Ибушева Ф.Н. укучыларга табигатькә кешенең йогынтысы, табигый ресурслардан рациональ файдалану турында сөйләде.

25 сентябрьдә мәктәптә Пенсия белемнәре көненә багышлап "Минем булачак пенсиям" темасына дәрес-презентация уздырылды. Дәресне җәмгыять белеме укытучысы Каримова Л.Р. алып барды.

Татарстан Републикасы Мәгариф һәм фән министрлыгының  № 11071/12 хаты нигезендә 21 сентябрь көнне   төрле предприятиеләргә экскурсияләр оештырылды. 8 класс укучылары класс җитәкчеләре Сиринә Зәкиҗановна җитәкчелегендә ООО "Саба"  "Сатыш"  филиалы  Кибәче бүлекчәсенең терлекчелек комплексында экскурсиядә булдылар.  Ферма мөдире Ибатов И.М. укучыларны заманча җиһазландырылган комплекс белән таныштырды. 4.5 класс укучылары озайтылган көн төркеме тәрбиячесе Газизова Г.Р. белән машина-тракторлар паркына бардылар. Мастерской мөдире Сабиров И.Х. аларга яңа төр техникаларны күрсәтте, аларда эшләү өчен яхшы укырга, хезмәтне яратырга кирәклеге турында сөйләде.

Бүген район үзәгендә узган "Кабак" бәйрәмендә безнең мәктәп коллективы да бик теләп катнашты. Бәйрәмгә әзерлек берничә көн элек башланды. Кемдер шигырь иҗат итте, кемдер кабактан төрле ризыклар пешерергә әзерләнде, кемдер бакчасында үскән иң зур кабакны алып килде. Укучылар һәм укытучыларның тырышлыгы югары бәяләнде. Коллективыбыз "Кабактан иң тәмле ризыклар" номинациясендә 1нче урын яулады. Барлык катнашучыларга зур рәхмәт!

22 сентябрь көнне Казан шәһәрендә белем бирү учреждениеләре катнашында узган ярминкәдә безнең Олы Кибәче урта мәктәбе коллективы мәктәп яны тәҗрибә участогында үстерелгән яшелчә һәм җиләк-җимешләр, көнкүреш кирәк-яраклары, бәйләнгән әйберләр белән сату итте. Без  тәкьдим иткән күп төрдәге товардан  сатып алучылар бик канәгать калды. Шулай булмый ни: бар нәрсә дә яхшы сыйфатлы һәм чын күңелдән әзерләнгән иде.

Бүген  барлык укучылар, укытучылар, мәктәп хезмәткәрләре  катнашында "Милләтләр йөгереше-2012" уздырылды. Төрле яшь категрияләрендә җиңүчеләр билгеләнде, аларга  истәлекле бүләкләр тапшырылды. Җиңүчеләр: 5-8 класслар арасында: 1 урын-Яруллина Гөлназ, Һадиев Ирек, 2 урын: Шафикова Зәлинә, Яруллин Илназ, 3 урын: Каримова Рузинә, Гараев Рамис.9-11 класс укучылары арасында: 1 урын:Ягудина Алинә, Хөсәенов Рәзиф, 2 урын: Юзеева Сиринә, Гыйлаҗиев Булат, 3 урын: Каримова Гөлинә, Давлиев Булат. Хатын-кызлар арасында 1 урын-Фатихова Г.Р.(китапханәче), 2 урын-Харисова В.Г.(мәктәптән техник хезмәткәр), 3 урын-Вилданова Ә.Г. (укытучы).

Бүген "Саба дулкыннары" радиосы аша "Мәктәпләр тормышыннан" тапшыруында безнең мәктәп чыгыш ясады. "Әйдәгез, таныш булыйк!" дип исемләнгән бу тапшыруны 11 класс укучысы Булат Давлиев һәм 9 класс укучысы Зилә Газизова алып барды. Укыту эшләре буенча директор урынбасары Рәсимә Рафиковна, тәрбия эшләре буенча директор урынбасары Гүзәлия Мансуровна чыгышларыннан радио тыңлаучылар безнең мәктәбебезнең тормышы белән таныша алдылар. 3 класс укучысы Гафиятова Илзиянең "Гаҗәеп кабак" шигыре, 9 класс укучысы Сабирова Гөлназның "Безнең район" исемле юморескасы, 10 класс укучысы Галиахметов Ришат башкаруында "Мин татармын", 9 класс укучысы Губаева Руфинә башкаруында "Зөлхиҗә чишмәләре" җырлары тыңлаучылар күңеленә хуш килгәндер дип уйлыйбыз.

Бүген мәктәбебездә Саба районы халыкны социаль  яклау  идарәсе белгечләре Тимергалиева Л.Р. һәм Мавлявиева Л.А. "Экстремизм һәм терроризмга-юк" дигән темага чыгыш ясадылар, видеороликлар күрсәттеләр. Соңыннан укучылар белән әлеге темага әңгәмә үткәрелде.