Муниципальное бюджетное общеобразовательное учреждение «Большекибячинская средняя общеобразовательная школа Сабинского муниципального района Республики Татарстан" /Муниципаль бюджет гомумбелем учреждениесе «Татарстан Республикасы Саба муниципаль районы Олы Кибәче урта гомумбелем бирү мәктәбе»
Визитная карточка
Адрес: | 422065, Республика Татарстан, Сабинский район, с.Большие Кибячи, ул.Ф.Энгельса, д.75 |
Телефон: | +7(843)-624-26-67 |
E-Mail: | kibichisaba@yandex.ru |
Министерство: | Министерство образования и науки Республики Татарстан |
Короткое название: | МБОУ "Большекибячинская СОШ" |
Руководитель: | Шаймиев Ильнар Ильшатович |
Год основания учреждения: | 1992 |
У нас учатся: | 79 учащихся |
У нас учат: | 21 учитель |
Муниципальное бюджетное общеобразовательное учреждение «Большекибячинская средняя общеобразовательная школа Сабинского муниципального района Республики Татарстан" /Муниципаль бюджет гомумбелем учреждениесе «Татарстан Республикасы Саба муниципаль районы Олы Кибәче урта гомумбелем бирү мәктәбе» - новости
Страницы: << 231 232 233 234 ( 235 ) 236 237 238 239 240 >>
-
Котлыйбыз!
23.11.2011
"Дулкыннар" фестивалендә уңышлы чыгыш ясап 4 класс укучысы Каримова Рузинә "Нәфис сүз" номинациясендә 2нче урынга, ә 10 класс укучысы Сабирова Гүзәл 3нче урынга лаек булдылар. Кызларны уңышлары белән котлыйбыз, алга таба да иҗади эшчәнлекләренең матур нәтиҗәләренә сокланырык булсын иде.
-
Баскетбол буенча зона ярышы 22.11.2011
Бүген мәктәбебездә мәгариф хезмәткәрләре арасында баскетбол буенча зона ярышы узды. Әлеге бәйгедә 6 мәктәп командасы катнашты: Олы Арташ төп мәктәбе, Олы Кибәче урта мәктәбе, Икшермә урта мәктәбе, Завод-Нырты урта мәктәбе, Сатыш урта мәктәбе, Шытсу урта мәктәбе. Ярышның нәтиҗәләре: 1 урын-Икшермә урта мәктәбе, 2 урын- Сатыш урта мәктәбе, 3 урын- Олы Кибәче урта мәктәбе командалары. Җиңүчеләрне котлыйбыз, баскетбол ярышында катнашкан һәркемгә саулык-сәламәтлек телибез, спорт һәрвакыт юлдашыгыз булып калсын!
-
Аналар көненә әзерләнәбез
21.11.2011
Аналар көненә багышлап мәктәбебездә ел саен бәйрәм әзерләнә. Бүген укучыларыбыз әлеге бәйрәмгә әзерлекне дәвам иттеләр. Әниләре турында презентацияләр эшләделәр, концерт номерларын кабатладылар.
-
Без барысын да булдырабыз!
17.11.2011
Мәктәбебездә сәнгать айлыгы бара. Шул уңайдан бүген 4нче класста "Без барысын да булдырабыз!" дип исемләнгән иҗат бәйрәме узды. Бәйрәмдә укучылар төрле кызыклы шигырьләрне сәнгатьле сөйләү буенча ярыштылар, үзләренең рәсемнәрен , проект эшләрен тәкъдим иттеләр. Әлеге чарада 2 класс укучыларының "Туган тел" бәйгесенә әзерләнгән кул эшләре дә күрсәтелде. Бәйрәмне 4 класс җитәкчесе Дания Наилевна Бикмиева оештырды.
-
Котлыйбыз! 17.11.2011
Бүген технология фәне буенча олимпиада нәтиҗәләре билгеле булды. Безнең укучыларыбыз Юзеева Сиринә (9 класс) 1нче урында (укытучы-Галиахметова И.М.), Вилданов Раил- 2нче урында (укытучы-Вилданов Н.М.). Котлыйбыз сезне!
-
Корбан ашы 16.11.2011
Бүген мәктәбебездә Корбан ашы узды. Авылыбызның имам-хатибы Рәис абый балаларга Корбан чалуның тарихы турында сөйләде, вәгазьләр укыды, шушы мәҗлестә катнашкан һәр кешегә иң изге теләкләрне җиткерде. Кунакка килгән ветеран укытучылар һәм хезмәткәрләр әлеге чараны оештыручы мәктәп җитәкчесе Галияхметов Р.Р.ка, укытучыларга рәхмәтләрен белдерделәр.
-
"Үзебезнекеләрне бел!" 15.11.2011
Бүген мәктәп укучылар думасы командасы район күләмендә уздырылган "Үзебезнекеләрне бел!" дип исемләнгән агитбригадалар бәйгесендә катнашып, 2нче урынга лаек булды. Агитбригада чыгышында һәр 6 комитетның эшенә кыскача бәя бирелде.
-
Көзге каникул
14.11.2011
8-12 ноябрь көннәрендә узган көзге каникул укучылар өчен файдалы һәм кызыклы итеп оештырылды. Каникул планы нигезендә эшләгән түгәрәкләрдә укучылар үзләренең яраткан шөгыльләре белән мәшгуль булдылар. "Саба" бассейнына һәм "Нарат" боз сараена бару да каникул көннәренең матур бер истәлеге булды. 10 ноябрьдә 9-11 класс укучылары өчен бию кичәсе, 12 ноябрь көнне башлангыч класс укучылары өчен "Күңелле стартлар" уены, ә 5-8 класс укучылары өчен "Нәрсә? Кайда? Кайчан?" интеллектуаль бәйгесе оештырылды. 9, 11 класс укучылары каникул дәвамында ЕГЭ,ГИАга әзерләнү буенча консультацияләргә йөрделәр. Шулай итеп күңелле каникул узып та китте. Алда-2нче чирек.
-
Олимпиадалар башланды
14.11.2011
Мәктәпнең төп максаты-укучыларга төпле белем бирү. Ә белем дәрәҗәсе төрле интеллектуаль бәйгеләрдә, фән олимпиадаларында сынала. Бүген олимпиадаларның район туры башланып китте. Укучыларыбыз тарих һәм информатика фәннәре буенча үз белемнәрен сынадылар.
-
Юл әлифбасы 05.11.2011
Башлангыч сыйныфларда юлда йөрү кагыйдәләрен өйрәнү-безнең төп максатыбыз. 3 ноябрьдә узган "Юл әлифбасы" дигән кичәдә укучыларга үз-үзләрен урамда һәм юлларда тоту культурасы булдыру, юл билгеләре, аларның төрләре турындагы белемнәрне камилләштерүгә зур игьтибар бирелде. Кичәне башлангыч класс укытучылары оештырды.