муниципальное бюджетное общеобразовательное учреждение «Нижне-Наратбашская основная общеобразовательная школа Буинского муниципального района Республики Татарстан»
Решаем вместе
Есть предложения по организации учебного процесса или знаете, как сделать школу лучше?
Визитная карточка
| Адрес: | 422410, РТ, Буинский район, с.Нижний Наратбаш, ул.Советская, 1А |
| Телефон: | +7(843)-744-22-54 |
| E-Mail: | sch669@list.ru,Snn.Bui@tatar.ru |
| Министерство: | Министерство образования и науки Республики Татарстан |
| Короткое название: | МБОУ "Нижне-Наратбашская ООШ Буинского муниципального района РТ" |
| Руководитель: | Гарипов Раиф Рашатович |
| Год основания учреждения: | 1975 |
| У нас учатся: | 40 |
| У нас учат: | 18 |
муниципальное бюджетное общеобразовательное учреждение «Нижне-Наратбашская основная общеобразовательная школа Буинского муниципального района Республики Татарстан» - новости
Страницы: << 271 272 273 274 275 276 277 ( 278 ) 279 280 >>
-
“Чисталык дәресе” акциясе кысаларында мәктәптә төрле чаралар үткәрелде. 2 нче сыйныф укучылары сыйныф җитәкчесе Әхмәтшина Л.С. белән “Урмандагы маҗара” дип аталган рольле уен уйнадылар. Ә 3 нче сыйныф укучылары “Син табигать дустымы?” дигән викторинада катнашып әйләнә-тирәне белү буенча көч сынаштылар. 1 нче һәм 4 нче сыйныф укучылары Фәхретдинова И.М. җитәкчелегендә кошлар өчен яңа җимлекләр ясадылар. 5-9 нчы сыйныф укучылары география укытучылары Гарипов Р.Р һәм Сираҗиев Р.Б. оештырган әңгәмәләр һәм бәйгеләрдә үзләренә күп яңа мәгълүмат алдылар. Барлык үткәрелгән чаралар да табигатьне саклауга юнәлдерелгән иде. Укучылар төп кагыйдәләрне искә тешереп кенә калмыйча, яңа идеяләр дә тәкъдим иттеләр. 25.12.2014
- Мәктәпнең спорт ярышлары календаре буенча Яңа ел бәйрәмнәре алдыннан Кыш Бабай призына 5-6 сыйныфлар арасында - пионербол, 7-9 сыйныфлар арасында - волейбол ярышлары уздырылды. Киеренке ярышлардан соң пионербол уенында - 5 сыйныф, волейболда - 9 сыйныф командалары җиңү яулады. Ярыш дәвамында җанатарларның көчле алкышлары өзелмәде, чын- чыннан бу чара спорт бәйрәменә әверелде. 24.12.2014
-
Тәрбия планы нигезендә мәктәптә 23-25 декабрь көннәрендә “Әфганистан - йөрәк ярам! ” дигән исем астында бердәм сыйныф сәгатьләре узды. Бу чара совет гаскәрләренең ӘДР кертелүенең 35 еллыгына багышланды. Укучыларга бу “кайнар” ноктада төрле елларда хезмәт иткән авылдашларыбызның тормыш юлы тагын бер тапкыр чын батырлык үрнәге итеп күрсәтелде. 24.12.2014
-
Бүгенге көндә тәрбия процессын психологик белемнәрне кулланудан башка күз алдына китереп булмый.Мәктәптә бу уңайдан дүшәмбе көн дәвамында психологик хезмәт вәкилләре укучылар белән тестлар, тренинглар үткәрделәр.Аралашу формалары аша укучылар үзләрен кызыксындырган сорауларга җаваплар алдылар, киңәшләр белән таныштылар.Көн йомгагында психологлар укытучылар коллективы белән укулар оештырды, мониторинг йомгаклары белән таныштырдылар. 19.12.2014
-
18 декабрь көнне мәктәбебездә “Дәресләрдә интерактив технологияләрне куллану” темасына Бердәм методик көн үтте. Чарага куст мәктәпләреннән математика, инглиз теле , рус теле һәм әдәбияты, татар теле һәм әдәбияты, тарих һәм җәмгыть белеме укытучылары чакырылган иде. Бердәм методик көннең төп максаты- яңа укыту алымнарын дәресләрдә куллануның уңай якларын күрсәтү, укытучыларга тәҗрибә уртаклашу өчен мөмкинлекләр тудыру иде. Кунаклар Әхмәдуллина Г.Р., Бикчәнтәева А.Р., Галиуллина З.Ф., Гарипова С.И., Җәгъфәрова Ф.Ф., Исланова Г.Г., Шәрәфетдинова Л.Г. күрсәткән ачык дәресләрне бик югары бәяләделәр. Фикер алышулар түгәрәк өстәл артында дәвам итте. Методик көндә катнашучылар чараның югары дәрәҗәдә оештырылуын ассызыкладылар. 19.12.2014
-
4 нче декабрьдән 12 нче декабрьгә кадәр “Кодлаштыру Сәгате” исемле Бөтенрусия акциясе кысаларында 1-9 сыйныф укучылары өчен сыйныф сәгатьләре үткәрелде. Әңгәмәләр барышында укучылар информатика фәненең мөһимлегенә, информацион технологияләрне куллана белү бүгенге заман таләбе икәненә тагын бер кат инандылар. Укучылар өчен оештырылган викторина сораулары, “КЕНТ” уены, программалаштыру буенча ярышлар барлык укучыларда да кызыксыну уятты. 14.12.2014
-
1-10 нчы декабрь көннәрендә мәктәптә “Билгесез солдат” һәм “Россия геройлары” исеме астында Солдат батырлыгы көннәре уздырылды.Тәрбия чарасы барышында Батырлык дәресләре, бердәм сыйныф сәгатьләре , ветераннар белән очрашулар оештырылды.Ватанга мәхәббәт , бөек илебез өчен горурлык хисләре менә шулай тәрбияләнә. 11.12.2014
-
Мәктәптә “ Коррупциягә - юк! ” дип аталган акция узды. Бу чара кысасаларында бердәм сыйныф сәгатьләре узды. Башлангыч сыйныф укучылары арасында тематика буенча иҗади эшләр бәйгесе уздырылды.Районда уздырылган рәсем һәм плакатлар бәйгесендә “Хыял” исемендәге дружина әгъзалары ,8 сыйныф укучысы Җамалетдинов Илшат катнашты.Уздырылган ункөнлек укучыларда хокукый тәрбия нигезләре булдыруда зур урын алып тора. 10.12.2014
-
Дүшәмбе көн мәктәбебездә гадәти булмаган линейка белән башланып китте.Чәчәкләргә күмелгән залда математика укытучысы Җәгъфәрова Фәрдәния Фәрит кызының 55 яшьлек олы юбилее билгеләп үтелде.Чара мәктәп администрациясенең котлавы белән башланып, һәр сыйныфның матур котлаулары белән дәвам итте.Тантана барышында бу истәлекле вакыйгага багышланган презентация һәм видеоролик күрсәтелде. Җыр, шигырь , котлау сүзләре берсен- берсе тулыландырып, үрелеп бардылар.Соңыннан күмәк фотога төшү оештырылды.Юбилеегыз котлы булсын, хөрмәтле коллегабыз! 08.12.2014
-
6 нчы декабрь көнне башлангыч сыйныфлар атналыгы кысаларында “Сәләтле бала” дигән бәйге үткәрелде.Укучылар үзләренең сәләтләрен күрсәтүгә бик җаваплы караганнар. Алар шигырь сөйләделәр, җырлар җырладылар, биюләр биеделәр.Математикадан тиз исәпләргә сәләтле укучылар ниләр генә уйлап тапмаганнар! Искиткеч бай эчтәлекле концерт килеп чыкты.Афәрин, укучылар! Әлеге бәйгене башлангыч сыйныф укытучылары Ахметшина Л.С. белән Фәхертдинова И.М. үткәрделәр. 08.12.2014
