муниципальное бюджетное общеобразовательное учреждение «Нижне-Наратбашская основная общеобразовательная школа Буинского муниципального района Республики Татарстан»
Решаем вместе
Есть предложения по организации учебного процесса или знаете, как сделать школу лучше?
Визитная карточка
| Адрес: | 422410, РТ, Буинский район, с.Нижний Наратбаш, ул.Советская, 1А |
| Телефон: | +7(843)-744-22-54 |
| E-Mail: | sch669@list.ru,Snn.Bui@tatar.ru |
| Министерство: | Министерство образования и науки Республики Татарстан |
| Короткое название: | МБОУ "Нижне-Наратбашская ООШ Буинского муниципального района РТ" |
| Руководитель: | Гарипов Раиф Рашатович |
| Год основания учреждения: | 1975 |
| У нас учатся: | 40 |
| У нас учат: | 18 |
муниципальное бюджетное общеобразовательное учреждение «Нижне-Наратбашская основная общеобразовательная школа Буинского муниципального района Республики Татарстан» - новости
Страницы: << 271 272 273 274 ( 275 ) 276 277 278 279 280 >>
-
Укучыларның VI Бөтенроссия фәнни - гамәли конференциясеннән 9 сыйныф укучысы Вәлиева Энҗе Ирек кызы укытучысы Шәрәфетдинова Л.Г. белән “Иң яхшы доклад”ы өчен Мактау кәгазе алып кайтты. Афәрин, Энҗе! Алга таба да уңышлар юлдаш булсын үзеңә! 20.02.2015
-
Мәктәпнең хәрби - патриотик тәрбия айлыгы планы нигезендә 21 нче февраль көнне уку йортында шаулап – гөрләп “Аҗаган” спорт уены узды . Укучылар ике командага бүленеп 12 төр ярышта катнашты. Уенда ”Катюша” (Командир: Шәйдуллин Ранис) һәм “Лётчики” командалары (Гарипов Рәдиф) берсен – берсе уздырып хәрби- спорт бәйгеләрендә чын сугышчан бердәмлек, тырышлык күрсәттеләр. Укытучы апа һәм абыйлар ярышларны шундый оста итеп оештырган , бәйге чын сугыш кырында узган шикелле булды: төз атучылар, разведчиклар, чаңгычы - биатлончылар, хәрби корреспондентлар, шәфкать туташлары, элемтәчеләр аеруча тырышлык куеп җиңү яуладылар. Ярышлар арасында оста итеп привал оештырылды.Аркан тарту, Байрак алу уенның соңгы элементлары иде. Нәтиҗәләр барланган арада кыр кухнясы тәмле итеп төшке аш өлгертеп куйды. Саф һавада тамак ялгау аеруча тәмле булды. Уен “Лётчики” командасының җиңүе белән тәмамланды . Әйе, батырлар менә шулай чыныга да инде! 20.02.2015
-
Бу айда мәктәпнең спорт залы бер көн дә бушап торганы юк диярлек. 18 нче февраль көнне мәктәптә тагын да мавыктыргыч, истәлекле тәрбия чарасы – “Әти, әни, мин – спорт гаиләсе ” дип исемләнгән ярыш оештырылды. Бәйгедә катнашырга 12 гаилә теләк белдерде.Бу -Әхәтов Иршат, Сибгатуллин Илнур, Гафиятуллин Илсур, Каюмов Рөстәм, Вәлиева Әзинә, Вәлиев Ринат, Хәйретдинов Фәрит, Галиуллин Илдус, Гатауллин Ранит, Һадиев Фирдүс, Шәрәфетдинов Рамил, Шакуров Нургалилар. Ярыш гаиләләрне төгәл ике командага бүлүдән башланып китте. Беренче команда “Спортсмены” дип аталды (Капитан- Хәйретдинов Фәрит), икенче команда – “Фортуна” исемен сайлады (Капитан- Галиуллин Илдус). Ике сәгатьлек программа нинди генә берсеннән – берсе мавыктыргыч, иҗади, күңелле ярышларны җыр һәм бию белән аралаштырып төзелгән иде. Зал тулы тамашачы, сәхнә тулы бәйгедә катнашучы бердәм зур гаилә булып бәйрәм итте. Искиткеч осталыкларга ия икән безнең әти, әниләр! Балалар да бер дә кимен куймады! Чын- чынлап олы, дус , тату гаиләнең уртак бәйрәменә әверелде бу чара. Бәйге ахырында “Спортсмены” командасы бер очко аерма белән алга чыкты, “Фортуна” да калышмады. Истәлеккә бүләкләр, Мактау кәгазьләре тапшырылды. Спонсор Шакуровлар гаиләсеннән ике капитанга да аерым ” сюрприз- бүләкләр” бирелде. Соңыннан күмәк фотога төшүләр, биюләр оештырылды. 20.02.2015
-
Мәктәпнең математика укытучысы Гарипова С.И. "Ел укытучысы-2015" район конкурсының икенче финал турында уңышлы чыгыш ясады. Киләчәктә дә уңышлар телибез! 19.02.2015
-
Мәктәпнең укучыларга патриотик тәрбия бирү планы нигезендә 17 нче февраль көнне дәресләрдән соң 5-9 нчы сыйныф укучылары арасында чаңгы ярышлары буенча бәйге оештырылды. Һәр сыйныфтан 2 малай , 1 кыз команда составын тәшкил итте. Стартка беренче булып егетләр басты, кызлар бердәм булып эстафетаны дәвам итте. Сыйныф данын егетләрдән иң яхшы күрсәткеч белән Гарипов Рәдиф, Замалетдинов Илшат, Кадыров Булатлар яклады. Гомум күрсәткечләр буенча җиңүче исеменә 9 сыйныф (16.56сек) лаек булды. 2-3 нче урыннарны чиратлашып 8 сыйныф (18.00сек) һәм 7 сыйныф (18.21 сек) укучылары яулады. 6, 5 сыйныф командалары да бик зур тырышлык күрсәтте. Чаңгы ярышлары күңелләрдә бик матур тәэсирләр генә калдырды. 17.02.2015
-
Хәрби – патриотик тәрбия айлыгы кысасында мәктәптә 5-9 сыйныф егетләре өчен “Күңелле стартлар!” дип исемләнгән чара оештырылды. Укучылар ике командага бүленеп, уннан артык бәйгедә катнаштылар. Ярыш төрләре арасында төз ату, эстафета, аркан тарту, тупны алкага салу, бию һәм җыр бәйгеләре кебек кызыклы, мавыктыргыч бәйгеләр дә бар иде.Команда капитаннары Гарипов Рәдиф, Шәйдуллин Ранислар үзләренең чын-чынлап оештыру осталыклары көчле булуны кабат зур уңыш белән исбат иттеләр.Чара чынлан спорт бәйрәменә әверелде. Нәтиҗәдә , ике команда да зур тырышлык куеп, тамашачыларга бик матур уен бүләк итте. 16.02.2015
-
14 нче февраль көнне мәктәбебездә 1 нче сыйныф укучыларының беренче җиңүләре – “Әлифба бәйрәме” үткәрелде. Балалар үзләренең һөнәрләрен күрсәтеп, шигырь сөйләделәр, биеделәр, җырладылар; беренче дәреслекләренә рәхмәт әйттеләр. Ата-аналар үз балаларының уңышлары өчен бик шатландылар, беренче укытучылары Илсөяр Мансур кызы Фәхретдиновага чын йөрәктән чыккан рәхмәт сүзләрен җиткерделәр. Әлеге чарада мәктәп администрациясе, башлангыч сыйныф укытучылары катнашты. Барысы да укучыларга тагын да зур җиңүләргә ирешүләрен теләп, кайнар котладылар. Бәйрәм бик күңелле үтте. 14.02.2015
- Бөек Җиңүнең 70 еллыгын каршылау уңаеннан республикакүләм “Җиңүчеләр парады” исемле акцияне оештыруга өлеш кертү йөзеннән мәктәпнең 5-9 сыйныф укучылары тарафыннан сугыш ветераннарының тормыш юлын өйрәнү, аларның портретларын булдыру буенча эшчәнлек башкарылды. Барлык сыйныфлар бу эшчәнлектә актив катнашты. Аеруча күп тарихи материалны 9 сыйныф укучылары Бабужин Абдулла Юныс улы турында туплаган иде. Ветеранның фотографияләре, тормыш юлы белән берлектә музейдан аның “сугышчан юл” картасы да алынган. Барлык мәгълүмат эшкәртелеп, тәртипкә китерелеп, район администрациясенә тапшырылды. Киләчәктә мондый акция мәктәпнең Җиңү бәйрәмендә дә кулланачак. 14.02.2015
-
12 декабрь көнне мәктәптә “Ел укытучысы-2015” бәйгесе кысаларында районыбызның төрле мәктәп укытучылары 2,3,5,6,8 нче сыйныф укучылары белән дәресләр күрсәттеләр. 13.02.2015
-
11 февраль көнне “Ел укытучысы-2015” бәйгесенең район туры кысаларында математика укытучысы Гарипова Сөембикә Искәндәр кызы Иске Суыксу урта мәктәбе укучылары белән дәрес күрсәтте. Дәрес мавыктыргыч һәм җанлы килеп чыкты. Укучылар “яңа” укытучыларын бик ошаттылар, дәрестә активлык күрсәттеләр. Жюри әгъзалары конкурсантыбыз чыгышын югары бәяләр, дигән өметтә калабыз. 13.02.2015
