Кечкенәләр төркемендә  саф һавада физкультура-күңел ачу чарасы узды. Әлеге чара бик мавыктыргыч булды, безнең кечкенә спортчыларыбыз бик шатландылар! 
                   Балалар төрле биремнәр белән эстафеталарда катнаштылар. Алар "Кубикларны кем тизрәк җыя?", "Тупны төшермә", "Кем тизрәк?" дигән уен-эстафеталарда катнашып, үзләренең җитезлекләрен һәм тизлекләрен күрсәттеләр. Һәр уен шатлык һәм көлү китерде 
                   Безнең кечкенә спортчыларыбыз вакытларын шатлык һәм файда белән уздырдылар, дуслыкны һәм сәламәтлекне ныгыттылар. Саф һавада мондый физкультура күңел ачулары аларга физик яктан үсәргә генә түгел, ә озакка калачак уңай хис-кичерешләр тудырырга да ярдәм итәр дип ышанабыз.

В нашем детском саду прошло мероприятие по Правилам дорожного движения «Знатоки правил дорожного движение».  Дети в игровой форме закрепили знания о правилах дорожного движения, дорожных знаках, побывали и пешеходами, и пассажирами, и конечно водителями. 
               Очень важно с дошкольного возраста формировать у детей навыки безопасного поведения на дороге. Задача педагогов развить в ребёнке понимание опасности, которую таит в себе автомобильный мир.     
               Детям очень нравятся подвижные игры, эстафеты, посвящённые безопасности движения. Здесь ребёнок не только хорошо запомнит и усвоит ПДД, но и поймёт, где и когда можно безопасно и весело играть.

               Физкультура саф һавада балаларның активлыгын арттыра, аларның кәефен яхшырта. Һавада дәресләр максималь дәрәҗәдә сәламәтләндерү эффектына ия, зур киңлектә хәрәкәтләр ясарга мөмкинлек бирә, физик йөкләнешне көчәйтә, спорт уеннары, эстафеталар үткәрү өчен киң мөмкинлекләр бирә.

                     Безнең балалар бакчасында тәрбияләнүче балалар саф һавада физкультура белән рәхәтләнеп шөгыльләнәләр.

Кечкенәләр төркеменә йөрүче балалар студент кыз белән бергәләп саф һавада язгы чәчәкләрнең беренчесе  булган – тузганак  чәчәге белән таныштылар.

Балалар бу үсемлекнең шифалы үзлекләре һәм тузганак орлыкларының ничек яхшы оча алулары турында белделәр.Аларга бу чәчәкне күзәтү бик охшады.

 Без бүген уртанчылар  төркемендә  “Имин йөрик юлларда” дигән темага әңгәмә алып бардык.Юлларда  көннән- көн машиналар саны арта һәм урамнарда ,юлда йөрү зур игътибарлык , сакчыллык сорый.Ә ул балалар бигрәк тә актив, хәрәкәтчән, ләкин игътибарсыз куркыныч ситуацияләрне алдан күрә белмиләр.Шуңа да балаларны кечкенәдән юл хәрәкәте куркынычсызлыгы кагыйдәләренә өйрәтү һәм юлларда үз-үзеңне хәвефсез тоту күнекмәләрен формалаштыру мөһим бурычларның берсе булып тора.

                                           Юлда тәртипле булуның

                                            Файдасы күп белегез.

                                            Хәерле юл барчагызга,

                                            Исән-имин йөрегез!

Россия көне алдыннан безнең балалар бакчасында әлеге мөһим вакыйгага багышланган чаралар уза. Алар балаларга үз илен яхшырак белергә, туган илгә һәм туган якка мәхәббәт хисе тоярга юнәлдерелгән. Барлык бу чараларның символлары булып флаг, герб һәм Россия гимны торды.

Бүген безнең балалар бакчасында "Минем Россия" бәйрәме узды. Балалар дәүләт символларын искә төшерделәр, гимнны тыңладылар һәм "Мин Россияне яратам" һәм "Мин Россиядә яшим"уеннарын уйнадылар. Шулай ук алар Россия әләмен ясадылар. Балалар Россия көне-ирек, гражданнар тынычлыгы һәм барлык кешеләрнең закон һәм гаделлек нигезендә татулыгы бәйрәме икәнен аңладылар.

Бүген бездә зур бәйрәм,

Бик күңелле көн безнең.

Иртәдән үк кояш көлә,

Бизәп зәңгәр күк йөзен.

               Бүген безнең балалар бакчасында Сабантуй бәйрәме узды. Кечкенәләр төркеменә йөрүче балалар рәхәтләнеп күңел ачтылар,  уйнадылар, биеделәр. Бәйрәм ахырында бүләкләр алдылар.

                 Сабантуй бәйрәме – татар халкының йөзек кашы булган зур бәйрәмнәрнең берсе. Ул – хезмәт һәм дуслык бәйрәме. Без бай тарихыбызны, тирән мәгънәле милли көйнең матурлыгын, бөек шәхесләребезнең әсәрләрен, татар халкының гореф-гадәтләрен, йолаларын күз карасыдай сакларга тиеш.
                Татар халкының моңлы җырлары, дәртле биюләре, кызыклы уеннары балаларның күңелләрендә уелып калсын өчен Арчаның беренче  балалар бакчасында Сабантуй бәйрәме гөрләп узды. Милли кием кигән балалар һәр төркемгә кереп сабантуй турында җырлар, шигырьләр сөйләделәр, бүләкләр җыйдылар, бәйрәмгә чакыру өләштеләр. Бәйрәм яшел үләнле мәйданчыкта үткәрелде. Бертуктаусыз милли көйләр яңгырады.
                Балалар аркан тартышу, капчык киеп йөгерү, кашык белән су ташу, таяк тартып көч сынашу, кашыкка йомырка салып чабу, чүлмәк вату һ.б. шундый кызыклы уеннар уйнадылар. Һәрбер балага үзенең осталыгын күрсәтергә мөмкинчелек бирелде: кемдер җырлады, кемдер биеде, кемдер шигырь сөйләде. Бәйрәмнән бер бала да бүләксез китмәде. Бакчада оештырылган әлеге чара балаларның күңеленә бик хуш килде.