Күтәренке күңелле,
Бар да көләч, шат бүген.
Бүген әни бәйрәме -
8 нче Март бүген.
        Бүген уртанчылар төркемендә язның беренче бәйрәме - 8 нче март көненә багышланган бәйрәм кичәсе булып үтте. Балалар бу бәйрәмгә бик тырышып әзерләнделәр, әниләр, әбиләр турында өйрәнелгән шигырьләрне сөйләп, җырларны башкарып, әниләрен сөендерделәр. Бәйрәм барышында төрле конкурслар да оештырылды. Балалар "Әниемә булышам", "Кыяр тозлыйбыз" дигән конкурсларда үзләренең тырышлыкларын күрсәттеләр. Әниләр исә "Шаян себерке", "Баланы таны", "Бәби төрү, бишек җыры" конкурсында үзләренең осталыкларын, уңганлыкларын исбатладылар. Инглиз теле түгәрәгенә йөрүче балалар  инглиз телендә әниләр турында матур итеп җырлап күрсәттеләр. Ахырдан балалар әниләренә үзләре әзерләгән бүләкләрен тапшырдылар. 
  Зәңгәр күгемдә ал кояш
Сүнмәсен, балкып торсын.
Әниемнең нурлы йөзе
Гел көләч булып калсын!

Бүген  бәйрәм – 8 март

Әниләрнең бәйрәме.

 Язгы кояш бүләк итә

 Алтын нурлар бәйләме.      

            Елның иң назлы, якты һәм матур көне — 8 Март! Яз башы, табигатьтә тормыш башы, елның беренче җылы коннэре башланган вакыт.... Бүген бакчабызда икенче иртә яштэге балалар төркемендә 8 март халык ара хатын кызларга багышланган матур бәйрәм чарасы булып үтте. Бу бәйрәмгә беренче  тапкыр әниләребезне чакырдык. Балалар әниләренә багышлап җырлар җырладылар, биедәләр, уеннар уйнадылар, ахырдан уз куллары белән ясаган буләкләрен тапшырдылар.

              8 Март-балалар бакчасында иң күңелле һәм иң назлы бәйрәм! Ул иң сөйкемле, иң назлы, иң яраткан һәм иң кадерле әниләргә багышлана!
              Балалар бакчасында бәйрәмдә чыгыш ясау-әниләр үз балаларыннан ала алган иң яхшы бүләк. Бүген кичке бәйрәмдә әни, дәү әни турында назлы шигырьләр, җырлар яңгырады. Әниләргә биюләр багышладылар.Кызларыбызны, әниләребезне һәм әбиләребезне чын күңелдән бәйрәм белән котлыйбыз һәм ныклы сәламәтлек, елмаюлар телибез!

Сезгә булган безнең хөрмәтебез
Урын алсын йөрәк түрендә. 
Шатлык һәм куаныч, зур бәхетләр
Юлдаш булсын сезгә гомергә, дип башланып китте беренче зурлар төркемендәге 8 нче Мартка багышланган бәйрәм кичәсе. Бәйрәмгә балалар телевизион тапшырулар  әзерләгән иде. Соңрак тәрбиячеләр, балалар белән берлектә Фәнис Яруллинның "Кояштагы тап" исемле спектаклен сәхнәләштереп күрсәттеләр. Бу бәйрәмдә балалар әниләренә, әбиләренә шигырь сөйләп, матур җырлар җырлап күрсәттеләр. Әниләр төрле конкурсларда катнашып балаларның күңелләрен күрделәр. Бәйрәм ахырында балалар үз куллары белән ясалган бүләкләрен тапшырдылар.

         3 март - Бөтендөнья кыргый табигать көне. 2013 елдан бирле билгеләп үтелә. Бу көн даими рәвештә кешелеккә безнең табигатебезнең, анда яшәүчеләрнең никадәр нәзберек булуын һәм аларны юк итүнең нәрсә белән янавын искә төшереп тору максаты белән уздырыла. 
         Зур төркеме балалары бүген кыргый җәнлекләр, аларның яшәеше, аларны саклау турында әңгәмә уздырдылар. Кыргый табигатьне саклап калу буенча үзләренең фикерләре белән уртаклаштылар.

            Безнең балалар бакчасында  балалар арасында  шашкалар буенча турнир узды. Әлеге чараның максаты балаларның интеллектуаль үсеше өчен шартлар тудыру, баланың  игътибарын, фикерләвен үстерә торган бу уенга кызыксынуны арттыру иде. Шашка турниры барлык кагыйдәләр буенча әлеге уенның тантаналы, әһәмиятле атмосферасында узды. Кечкенә спортчылар интеллектуаль уенга җитди караулары, акыл тизлеге һәм йөрешләрне исәпли белүләре белән сөендерделәр. Балалар ярышларда катнашуга зур җаваплылык һәм кызыксыну белән карадылар.

                 Икенче иртә яштэге балалар төркемендә дидактик уен "Төс буенча тап». Бу уен балаларга дүрт төп төс турындагы күзаллауларны ныгытырга мөмкинлек бирә, хәтер, фикерләү, игьтибарлылык сэлатен устерергә булыша.

        Бүген безнең өлкән төркемнәрдә тәрбияләнүчеләр "Строй һәм җырлар смотры" район конкурсында катнаштылар. Чара патриотик аң тәрбияләү, Ватанга мәхәббәт һәм Ватанны саклаучыларга хөрмәт тәрбияләүгә юнәлдерелгән. Алар 2 урынны алдылар! Котлыйбыз һәм смотрда катнашканнары өчен рәхмәт белдерәбез 

                Уртанчылар төркеменә йөрүче балалар белән Кызыл китапка кертелгән үсемлекләр һәм хайваннар турында әңгәмә үткәрдек. "Кызыл китап битләре буйлап" дигән уен уйнадык.  Балаларны сирәк очрый торган кошлар, хайваннар,  үсемлекләр белән даими таныштырып торабыз. Табигатьнең матурлыгын күрергә, сакчыл булырга кирәклеген аңлатабыз.

           Буклетлар балалар бакчасында ата-аналарга белем бирүнең иң нәтиҗәле чараларның берсе булып тора. Алар мәгълүмат тапшыру, ата-аналарны белем  бирү процессына җәлеп итү өчен мөһим корал булып хезмәт итә алалар. Гаилә белән хезмәттәшлек итү балалар бакчасы эшчәнлегенең мөһим юнәлешенә керә. Әти-әниләргә танышу өчен патриотик тәрбия бирү алымнары буенча буклетлар тапшырылды.