Электронное образование Республики Татарстан

      Бүген мәктәпкә әзерлек төркемендә "Без күңел ача беләбез, көлү сәламәтлеккә файдалы!" дигән күңелле чара булып үтте. Балалар 2 командага бүленеп, төрле уеннарда катнашып, үзләренең уйлау фикерләү, кыюлыкларын һәм җитезлекләрен күрсәттеләр. Бу чарада балалар бер-береңә яхшы ихтирамлы мөнәсәбәтне үстерергә, шаяртуларга адекват җавап бирә белүне аңладылар.

Балаларның куркынычсызлыгы һәрвакытта да күз уңында. Өйдә дә, урамда да, җәмәгать урыннарында да үзеңнең һәм башкаларның куркынычсызлыгы турында кайгырту, шуңа өйрәтү - гаилә һәм бакча- мәктәпләрдә игътибар үзәгендә торучы иң мөһим мәсьәләләрнең берсе. Безнең зурлар төркемендә бу мәсьәләгә кагылышлы чаралар һәрдаим үткәрелеп тора. Бүген без группада "Игътибарлы бул! " дигән темага әңгәмә үткәрдек. Язгы ташу вакытында һәм шулай ук электр приборлары белән эшләгәндә куркынычсызлык кагыйдәләрен искә төшердек, "Ашыгыч ярдәм" дип аталган хәрәкәтле уен уйнадык, "Үз-үзеңне сакла" дигән темага күмәк рәсем ясадык.

               Балаларның тормыш иминлеген саклау - һәр әти-әнинең дә, тәрбияченең иң зур бурычларыннан берсе. Шуңа күрә без балалар бакчасыннан ук балаларга һәртөрле куркыныч очракларда үзләрен ничек тотарга кирәклеген өйрәтәбез. Язгы чорда балаларның үз-үзләрен тотышын контрольдә тотуны көчәйтергә,аларга сулыклар янында уеннар уйнамаска кирәклеген аңлату эшләре алып барылды. Язгы боз ваемсызлык кичерми! Теләгем шул, барыбыз да сау-сәламәт булсак иде, тормышка яраклы сау - сәламәт балалар тәрбияләсәк иде дигән теләктә калам.