Бүген, 15 нче гыйнвар көнне, гимназиядә дүшәмбе иртәсе традицион рәвештә РФ һәм ТР Дәүләт флагын күтәрү һәм гимнны башкару белән башланды. Тантанадан соң барлык сыйныфларда "Мөһим әйберләр турында сөйләшүләр" узды. Бүгенге дәрес салым, аның төрләре һәм әһәмияте темасына багышланган иде һәм «Салым грамоталылыгы» дип аталды.

“Россия - минем горизонтларым” дәрестән тыш эшчәнлек курсында “Уңдырышлы Россия: һөнәрләр һәм илнең агропромышленность комплексы уңышлары” темасына һөнәри юнәлеш бирү дәресе уздырылды. Бүген укучылар авыл хуҗалыгы белән бәйле һөнәрләр белән якыннан таныштылар.  Үзара фикер алышып, викторинада катнаштылар.

11 нче гыйнвар көнне 1а сыйныфы укучылары гимназия китапханәсендә экскурсиядә булдылар. Китапханәче Фирая Разыйховна нәни укучыларга үз-үзеңне тоту кагыйдәләре, китаплар белән ничек кулланырга, китапларны ничек эзләргә икәнлеген өйрәтте. Кызыклы китаплар дөньясы укучыларны үзенә җәлеп итте.

Бүген гимназиябездә 9-11 нче сыйныфлар өчен "Хуш киләсең, Яңа ел!" бәйрәме узды.
Укучылар бәйрәмгә бик җаваплы әзерләнде. Кыш бабай белән Кар кызы да кунакка килгән иде. Алар балаларга укуларында уңышлар,гаилә бәхете,сәламәтлек теләде. Барлык сыйныф укучылары да үзләренең җыр-моңа,биюгә осталыкларын күрсәтте.

Бүген гимназиябездә 7-8 нче сыйныфлар өчен "Хуш киләсең, Яңа ел!" бәйрәме узды.

Укучылар бәйрәмгә бик җаваплы әзерләнде. Кыш бабай белән Кар кызы да кунакка килгән иде. Алар балаларга укуларында уңышлар,гаилә бәхете,сәламәтлек теләде. Барлык сыйныф укучылары да үзләренең җыр-моңа,биюгә осталыкларын күрсәтте. 

Каршыбызга килеп җиткән яңа ел бар,
Чукларына энҗе сипкән чыршыбыз бар.
Бәйрәмебез якты булсын, котлы булсын,
Ямьле булсын яңа еллар, яңа еллар!

Яңа ел бәйрәмнәре дәвам итә.
Бүген гимназиябездә 1-4 нче сыйныфлар өчен "Хуш киләсең, Яңа ел!" бәйрәме узды.
Укучылар бик матур номерлар әзерләгән иде. Бәйрәм бик күңелле узды.

Яңа ел һәр кешенең дә зарыгып көтеп алган бәйрәмнәрнең берсе. Безнең гимназия укучылары да бу бәрәмне көтеп алалар.

Бүген гимназиябездә 5-6 нчы сыйныфлар өчен "Хуш киләсең, Яңа ел!" бәйрәме узды.

Укучылар бәйрәмгә бик җаваплы әзерләнде. Кыш бабай белән Кар кызы да кунакка килгән иде.Алар балаларга укуларында уңышлар,гаилә бәхете,сәламәтлек теләде. Барлык сыйныф укучылары да үзләренең җыр-моңа,биюгә осталыкларын күрсәтте. 

Кадерле, дуслар!

Барыгызны да якынлашып килүче Яңа ел белән котлыйбыз. Киләсе ел бары тик яхшы хәбәрләр,уңышлар гына алып килсен. Бәйрәмегез мөбәрәк, дөньяларыбыз тыныч,эшләрегез уң булсын.

22 нче декабрь көнне 3А сыйныфы укучылары "Кидспейс" – балалар шәһәрчегендә булып кайттылар.
Нәни укучылар шәһәрчектә төрле һөнәрләр белән таныштылар. Яңа ел чыршысы янында вакытларын күңелле һәм файдалы уздырдылар. Баллы күчтәнәчләр һәм яхшы кәеф алып кайтып киттеләр.

Гимназиябездә Яңа ел бәйрәменә багышланган чаралар дәвам итә. 1 нче декабрьдән 20 нче декабрьгә кадәр, 1-4 нче сыйныфлар арасында, “Кышкы могҗиза” исемле кул эшләнмәләре күргәзмәсе оештырылды. Чарада барлык сыйныфлар да актив катнаштылар. Берсеннән-берсе матур уенчыклар һәм декоратив әйберләр күргәзмәнең бизәге булдылар.

Яңа ел бәйрәменә багышланган чаралар дәвам итә.
22 нче декабрь көнне югары сыйныф укучылары Яңа ел чыршысын бизәделәр.