Муниципальное бюджетное общеобразовательное учреждение «Татарская гимназия №1 им.Г.Тукая» Вахитовского района г. Казани
Визитная карточка
Адрес: | 420108, г. Казань, ул. Мазита Гафури, д. 34а |
Телефон: | +7(843)-293-38-67;+7(843)-293-38-87;+7(987)-290-70-21 |
E-Mail: | g1.kzn@tatar.ru; tgim1@mail.ru |
Министерство: | Министерство образования и науки Республики Татарстан |
Короткое название: | МБОУ "Татарская гимназия №1 им.Г.Тукая" |
Руководитель: | Шамсеева Гульфия Гаязовна |
Год основания учреждения: | 1990 |
У нас учатся: | 606 учащихся, из них 9 иностранных граждан |
У нас учат: | 40 преподавателя |
Муниципальное бюджетное общеобразовательное учреждение «Татарская гимназия №1 им.Г.Тукая» Вахитовского района г. Казани - новости
Страницы: << 51 ( 52 ) 53 54 55 56 57 58 59 60 >>
-
Сәламәтлек - зур байлык
19.01.2023
Бүген 4 нче сыйныфларда “Күңелле стартлар” уеннары узды. Алар бик теләп үзара көч сынаштылар. Нәни катнашучылар финишка беренче булып килергә тырыштылар.
-
"Күңелле стартлар" дәвам итә
18.01.2023
“Күңелле старт” уеннары дәвам итә. Бүген 3 нче сыйныф укучылары үзара көч сынаштылар. Командаларга йөгерү, сикерү, туплар белән эстафета, кыршау кебек кызыклы конкурслар тәкъдим ителде.
-
Күңелле стартлар
17.01.2023
Һәр кешенең иң зур байлыгы-сәламәтлек. Күңелле стартлар – балаларны хәрәкәт активлыгына җәлеп итүнең иң кызыклы варианты. Шул уңайдан, спорт залында 2 нче сыйныфлар өчен «Күңелле стартлар» спорт уены оештырды. Уен программасы шактый бай эчтәлекле булды. Спорт бәйрәменең төп өлеше - эстафеталар. Командаларга йөгерү, сикерү, туплар белән эстафета, кыршау кебек кызыклы конкурслар тәкъдим ителде. "Күңелле стартлар" ның барлык этаплары киеренке көрәштә узды.
-
"Ел укытучысы -2023" бәйгесе
16.01.2023
Бүген «Ел укытучысы – 2023» бөтенроссия һөнәри осталык бәйсенең шәһәр этабы тәмамланды. “Туган тел укытучысы” номинациясендә шәһәребезнең төрле районнарыннан 8 укытучы катнашты. Вахитов районы данын, гимназиябезнең туган (татар) теле һәм әдәбияты укытучысы, Җәләева Гөлүзә Азат кызы яклады. Ул, бәйгенең барлык этапларында да уңышлы чыгыш ясап, катнашучы дипломына лаек булды.
Гөлүзә Азатовнага алга таба да иҗади, фәнни уңышлар телибез!
-
Психолог белән эш
16.01.2023
Укучының физик сәламәтлеге белән беррәттән психологик сәламәтлеге дә бик мөһим. Гимназиябез психологы укучылар белән һәрдаим бәйләнештә.
Бүген 4 нче в сыйныфында гимназия психологы “Кактус” проектив методикасын үткәрде.
-
Күңелле стартлар!
16.01.2023
Бу атнада гимназиябездә 1-5 нче сыйныфлар арасында «Күңелле стартлар» дигән ярышлар башланып китте.
Белгәнегезчә, «Күңелле стартлар» - бу спорт уены.Спорт һәркемгә дә бик кирәк, чөнки спорт сәламәтлекне ныгыта. Юкка гына халкыбыз «Саулык- зур байлык” димәгән.
«Күңелле стартлар» атнасын 1нче сыйныфлар башлап җибәрде. Укучылар төрле эстафеталарда, скакалкада сикерү, туп белән йөгерү һәм башка ярышларда үз көчләрен сынадылар. -
Мөһим сөйләшүләр
16.01.2023
Һәр атнаның дүшәмбесендә укучылар өчен махсус сыйныф сәгатьләре уздырыла. “Мөһим сөйләшү” дигән сыйныф сәгатьләрендә сүз җәмгыять һәм шул җәмгыятьне тәшкил итүче кешеләр тормышы турында бара.
Бу атнада укучылар “Ленинградны камалыштан чыгару” дигән темага фикер алыштылар.
Ленинград 1941 елның 8 сентябреннән 1944 елның 27 гыйнварына кадәр - 872 көнгә камалышта кала. Анда яшәүчеләр өчен бу үлем исе аңкып торган иң авыр 872 көн була. Зур шәһәрләрне шулай озак саклауга мисаллар хәтта дөнья тарихында да юк. Шәһәрдә 2,5 миллион кеше кала. Ленинградның тиңдәшсез батырлыгы тарихка халыкның гаҗәеп кыюлыгы һәм геройлыгы эпопеясы булып кереп калды.
-
Рәхмәт көненә багышланган музыкаль тәнәфес!
12.01.2023
Хәерле көн, гимназия! Кичә 11нче гыйнвар «Рәхмәт» көне иде.
Әйдәгез эле дусларыбызга һәм якыннарыбызга рәхмәт әйтик! Игелекле эшләр, яхшы сузләр һәм гамәлләр өчен.
-
Бию конкурсына чакырабыз!
11.01.2023
Бию-эчке һәм тышкы дөньяларны, рухи һәм физик халәтне берләштеруче күренеш. Бию күпләрне үзенә тарта, кызыктыра.
Хөрмәтле укучылар, гимназиядә бию конкурсы игълан ителде!
Әзерлекләр гөрли. Биергә теләге булучыларны сәхнәдә көтеп калабыз!
-
Өченче чирек башлану белән котлыйбыз!
09.01.2023
Яңа ел бәйрәмнәре тәмамланды, бүләкләр алынды, теләкләр әйтелде..Мәктәп укучылары өчен иң озын- өченче чирек башланды.
Хөрмәтле укытучыларыбыз һәм укучыларыбыз, өченче уку чиреге сезгә җиңел бирелсен. Барлык эшләрегездә һәм укуларыгызда иҗади уңышлар телибез. Бу яңа чирек якты мизгелләр һәм искиткеч тәҗрибәләр белән тулы булсын!