Муниципальное бюджетное общеобразовательное учреждение «Татарская гимназия №1 им.Г.Тукая» Вахитовского района г. Казани
Визитная карточка
Адрес: | 420108, г. Казань, ул. Мазита Гафури, д. 34а |
Телефон: | +7(843)-293-38-67;+7(843)-293-38-87;+7(987)-290-70-21 |
E-Mail: | g1.kzn@tatar.ru; tgim1@mail.ru |
Министерство: | Министерство образования и науки Республики Татарстан |
Короткое название: | МБОУ "Татарская гимназия №1 им.Г.Тукая" |
Руководитель: | Шамсеева Гульфия Гаязовна |
Год основания учреждения: | 1990 |
У нас учатся: | 606 учащихся, из них 9 иностранных граждан |
У нас учат: | 40 преподавателя |
Муниципальное бюджетное общеобразовательное учреждение «Татарская гимназия №1 им.Г.Тукая» Вахитовского района г. Казани - новости
Страницы: << 51 52 53 54 55 56 ( 57 ) 58 59 60 >>
-
"Гимназия хәбәрләре"нең яңа саны дөнья күрде
27.11.2022
Гимназиябездә, традиция буларак, күп еллар электрон газета чыгарыла. “Гимназия хәбәрләре”ндә яңалыклар, узган чаралар, файдалы киңәшләр, гимназия йолдызлары турында укый аласыз. Газетаның ноябрь санын сылтамага басып укый аласыз: https://gazeta.tgim1.ru/98
-
Әниләр бәйрәменә радиоэфир
26.11.2022
Ноябрьнең соңгы якшәмбесендә Россиядә Әниләр көне бәйрәм ителә. Әни сүзе дөньядагы иң кадерле сүз дисәк, һич тә ялгыш булмас.
Безгә тормыш бүләк иткән, бөтен йөрәк җылысын биргән, безнең өчен тынгысыз көннәр, йокысыз төннәр кичергән газизләребезгә нинди генә теләкләр теләсәк тә аз булыр сыман.
Тормышыбыз бизәге булган әниләребез матур да, батыр да, мәрхәмәтле дә, изге күңелле дә.
Әниләр көне уңаеннан гимназиябездә радиоэфир узды. Укучылар матур җырлар җырладылар, мәгънәле, күңел кылларын тибрәтерлек шигырьләр сөйләделәр.
Кадерле әниләр, сезгә сәламәтлек һәм бәхетле озын гомер телим. Балаларыгызның кадер-хөрмәтен күреп, муллыкта яшәгез. Бәйрәм белән сезне!
-
Татарча диктант
25.11.2022
Бөтендөнья “Татарча диктант” акциясе быел җиденче тапкыр үткәрелә. Ул 25-27 ноябрь көннәрендә уза. Бүген көндезге сәгать 11дә теләгән барлык кеше дә “Татарча диктант” акциясендә катнашып, татар теленнән үзенең белем дәрәҗәсен сынап карый ала иде.
Әлеге акциядә безнең гимназия укучылары да катнашты. Алар Зөлфәт Хәкимнең “Бер сәгатьтә ничә мизгел бар?” әсәреннән өзек яздылар.
-
Әниләр көне
25.11.2022
Салкын кышларга кереп барганда, без иң җылы һәм якты бәйрәмнәрнең берсен - Әниләр көнен билгеләп үтәбез.
Әниләр көне – Россиядә ноябрь аеның соңгы якшәмбесе көнне билгеләп үтелә. Бу көнне барлык әниләрне тәбрик итү күркәм традициягә әйләнде.
Шул уңайдан гимназиябездә “Әниләр көненә иң яхшы видеокотлау”, “Әнием елмаюы” фотокүргәзмәсе, “Иң яхшы котлау открыткасы”, “Әниләргә йөрәк җылыбыз” шигырь бәйгесе, “Алтын куллы әнием” кул эшләре күргәзмәсе игълан ителгән иде. Укучылар бәйгеләрдә бик актив катнаштылар.
-
Әни - кеше тормышындагы иң мөһим сүз
24.11.2022
Атна дәвамында әниләр көненә багышланган чаралар уздырыла. Укучылар әниләренә багышлап иҗади эшләр ясыйлар, бәйгеләрдә катнашалар.
Бүген 2в сыйныфында “Әни – кеше тормышындагы иң мөһим сүз” дип исемләнгән сыйныф сәгате уздырылды. Укучылар әниләрне кадерләү, аларга ярдәм итү кебек темаларга сөйләштеләр, үз куллары белән бүләкләр ясадылар.
-
Макулатура җыю - агач гомерен саклау ул
23.11.2022
Макулатура җыю – урманнарның, туган җиребезнең, ахыр чиктә планетабызның табигый матурлыгын саклау гына түгел. Кәгазь калдыклары җыю ул әле сакчыллык та, хезмәт тәрбиясе. Бу эшкә һәркем үз өлешен кертә ала.
Шәһәребездә ел дәвамында макулатура җыю буенча төрле акцияләр үткәрелә.
Гимназиябез укучылары да әлеге чарада катнаштылар. Аеруча 1-8 сыйныфлар активлык күрсәттеләр.
-
Минем йөрәгемдәге яхшылык
21.11.2022
16 нчы ноябрь көнне Толерантлык көне билгеләп үтелә. Шул уңайдан гимназиябездә рәсем бәйгесе игълан ителгән иде. Укучыларыбыз әлеге темага бик матур рәсемнәр тапшырдылар. Эшләргә урыннар бирелде.
-
Мөһим әйберләр турында сөйләшү. Әниләр көне
21.11.2022
Бүген гимназиябездә Әниләр көненә багышланган “Әни-кеше тормышындагы иң мөһим сүз” дип исемләнгән сыйныф сәгатьләре узды.
Укучылар гаиләдә әниләрнең роле, әниләргә карата мөнәсәбәт, күп балалы гаиләләр, бәйремнең тарихы турында сөйләштеләр.
Ә 6в сыйныфында укучылар “Безнең әниләр” темасына кластер ясадылар, “Минем әнием” темасына синквейн яздылар. Чарага укучыларның әниләре дә киләгән иде.
-
Бердәм юл хәрәкәте иминлеге көне үтте
18.11.2022
Бүген гимназиябездә, “Бердәм юл хәрәкәте иминлеге көне” уңаеннан, төрле чаралар узды.
1-4 нче сыйныфлар “Мин ЮИД ны сайлыйм!” темасына рәсемнәр, кул эшләре ясадылар.
5-7 нчы сыйныфлар юл йөрү кагыйдәләре буенча викторинада катнаштылар.
8-9 нчы сыйныфлар “Юл йөрү кагыйдәләрен ни өчен үтәргә кирәк?” исемле интеллектуаль уенда катнаштылар.
10-11 нче сыйныфлар “Юл йөрү куркынычсызлыгы проблемалары” темасына түгәрәк өстәл оештырдылар.
-
Бердәм юл хәрәкәте иминлеге көне
17.11.2022
Гимназиябездә "Бердәм юл хәрәкәте иминлеге көне" уңаеннан радиоэфир узды.
Чыгыш барышында юл йөрү кагыйдәләре, төрле ситуацияләрдә үз-үзеңне тоту, юл халәкәте статистикалары искәртелде.