Бүген Республикакүләм «Мин татарча сөйләшәм»
акциясенең мәктәпләр бәйгесе «Qazan Quiz» узды. Укучы кызларыбыз татар мәдәнияте һәм әдәбияты буенча кызыклы сорауларга җавап бирделәр.
Уен нәтиҗәләре буенча безнең гимназия такымы 1 урынга лаек булды. Алда безне Казан Квест уены көтә.
Укучы кызларыбызны җиңүләре белән котлыйбыз, уңышлар телибез!

26 апрель – республика өчен әһәмиятле дата. Бу көнне без бөек татар шагыйре, заманча татар әдәбиятына нигез салучыларның берсе – Габдулла Тукайның туган көнен билгеләп үтәбез. 

Ел саен апрель аенда бөек шагыйребез исемен йөртүче гимназиябездә  бик күп чаралар уза.

Быел да башлангыч сыйныф укучылары “Тукай безнең күңелләрдә” исемле рәсем бәйгесенә бик матур рәсемнәр ясадылар.

Бүген, 15 нче апрель көнне, гимназиядә дүшәмбе иртәсе традицион рәвештә РФ һәм ТР Дәүләт флагын күтәрү һәм гимнны башкару белән башланды. Тантанадан соң барлык сыйныфларда "Мөһим әйберләр турында сөйләшүләр" узды. Бүген дәрес Н.В. Гололь аның тормыш юлы, иҗаты, илебез әдәбиятындагы урыны темасына багышланган иде һәм «Н.В. Гогольның тууына 215 ел» дип аталды.

Наркоманиягә каршы көрәш айлыгы кысаларында, директор киңәшчесе укучылар белән әңгәмә үткәрде. Чара “Наркотиклар. Манипуляция серләре” дип аталды. Укучылар реклама компанияләре, начар гадәткә җәлеп итү юллары, афәттән котылу юллары турында фикер алыштылар.

Алдынгылар хәрәкәте үз эшен дәвам итә. Бүген “Волонтерлык һәм  ярдәм итү” юнәлеше 5 нча А сыйныфы укучыларына Россиядә хәйриячелек һәм волонтерлык эшчәнлеге турында сөйләде. Укучылар әлеге юнәлеш турында кызыклы мәгълүматлар белделәр, кызыксыну белдерделәр.

Бүген 8 нчы сыйныфта “Дөньяны үзгәрткән 108 минут” темасына лекция узды.  Укучылар беренче совет космонавты – Юрий Гагарин, очучы булырга ярдәм иткән сыйфатлар, беренче очыш турында мәгълүматлар белделәр.

Алдынгылар хәрәкәте Космонавтика көне турында да онытмый. “Сәнгать һәм экология” юнәлеше 1 нче сыйныф укучыларына мастер-класс үткәрде. Укучылар үз куллары белән очкычлар ясарга өйрәнделәр.

Бүген укучыларның кул эшләреннән “Галәм могҗизасы” исемле күргәзмә оештырылды. Укучылар Космонавтика көненә багышлап бик матур эшләр алып килгәннәр иде.

12 апрель, Космонавтика көне, кешелек тарихының истәлекле датасы.  Бу көнне космоска кеше беренче очыш ясады.

Юрий Гагарин... Космосның батыр йөрәкле рыцаре, илебезнең данлыклы улы.  Кыска гына вакыт эчендә айга менә, Кояш системасының барлык планеталарын тикшерә, әмма беренче очыш авыр һәм куркыныч була.

1961 елның 12 апреле. Бу дата кешелек тарихына мәңгелеккә кереп калды. Язгы иртәдә көчле ракета җир йөзенең беренче космонавты – Советлар Союзы гражданины Юрий Гагарин белән тарихта беренче “Восток” космик кораблен бортта орбитага чыгарды.

Бүген гимназиябездә әлеге истәлекле дата белән бәйле бик күп чаралар уза.

Шуларның берсе – космонавтика көненә багышланган радиоэфир.

Укучылар радиотыңлаучыларны галәм, космонавтика көне тарихы, беренче очыш турында мәгълүматлар белән таныштырдылар, бәйрәм белән котладылар.

Космонавтика көне кысаларында,  3 нче сыйныф укучыларына галәм турында фильм күрсәтелде. Соңыннан укучылар космонавтика, галәмгә беренче очыш турында фикер алыштылар, яңа мәгълүматлар белделәр.