Бүген “Россия - минем горизонтларым” сыйныфтан тыш эшчәнлек курсы кысаларында  “Үземне өйрәнәм” дәресе узды. Укучылар төрле тестлар, биремнәр ярдәмендә үзләренең эчке потенциалын, көчле якларын билгеләделәр.

Дәреснең максаты: укучыларны төрле һөнәрләр дөньясы белән таныштыру, һөнәр сайлау процессына әзерләү. Дәрес барышында укучыларга берничә видеоролик күрсәтелде, анда Россия белгечләре үзеңне өйрәнү турында сөйләделәр.  Соңыннан бергәләп каралган видеороликлар турында фикер алыштылар, сорауларга җавап бирделәр.

Гимназиядә "Беренчеләр Советы" рәисе вазифасына кандидатларның сайлау алды агитациясе дәвам итә. Кандидатлар листовкалар тараталар, стена газеталары, плакатлар ясыйлар, булачак сайлаучылар алдында чыгыш ясыйлар.

Бүген безнең гимназиядә "Беренчеләр Советы" рәисе вазифасына кандидатлар дебаты узды. Кандидатлар үз программаларын тәкъдим иттеләр һәм сайлаучыларның сорауларына җавап бирделәр.  Барлык кандидатларга да сайлауларда уңышлар телибез! Лаеклы кандидат өчен тавыш бирегез!

Гимназиябез укучылары хезмәттә дә сынатмыйлар. Бу атнада гимназия территориясендә өмәләр узды. Укучылар корыган чәчәкләрне, үләннәрне җыйдылар, чәчәк бакчасын тәртипкә китерделәр. 

Бүген, 16 нчы сентябрь көнне, гимназиядә дүшәмбе иртәсе традицион рәвештә РФ һәм ТР Дәүләт флагын күтәрү һәм гимнны башкару белән башланды. Тантанадан соң барлык сыйныфларда "Мөһим әйберләр турында сөйләшүләр" узды. Бүген дәрес илебезнең тимер юл тарихы турында иде һәм «Россия юлларында» дип аталды.

Алдынгылар хәрәкәте яңа уку елында да үз эшен дәвам итә.

9-21 нче сентябрь көннәрендә балалар оешмалары һәм өстәмә белем бирү оешмалары ярминкәсе уза.

Бүген безнең гимназиядә дә шундый чара узды. Укучылар төрле түгәрәкләрнең һәм Алдынгылар хәрәкәтенең эшчәнлеге белән таныштылар. Бик күп мәгълүмат алдылар.

10 сентябрь көне илебез буенча Фашизм корбаннарын искә алу көне билгеләп үтелә. Бүген әлеге көнгә багышланган «Хәтер сандыгы» исемле интеллектуаль уен узды. Укучыларыбыз  искә алу көненең тарихы, илебез кичергән югалтулар турында мәгълүматлар җиткерделәр. Бергәләп әлеге темага караган сорауларга җавап бирделәр.

Бүген, 9 нчы сентябрь көнне, гимназиядә дүшәмбе иртәсе традицион рәвештә РФ һәм ТР Дәүләт флагын күтәрү һәм гимнны башкару белән башланды. Тантанадан соң барлык сыйныфларда "Мөһим әйберләр турында сөйләшүләр" узды. Бүген дәрес Россиянең мәгълүмати агетлыгына 120 ел тулу турында иде һәм «Мәгълүмат гасыры» дип аталды.

Бүген гимназиядә “Игелек ярминкәсе” гөрләп узды. Әлеге ярминкәдә укучылар актив катнашты. Кемдер камыр ризыгы пешергән, теккән, бәйләгән, тозлаган, консервлаган әйберләр алып килгән. Товарларның күбесе төрелгән, бизәлгән, этикеткаларына кадәр ябыштырылган, бәясе күрсәтелгән.
“Игелек ярминкәсе”ндә җыелган акчалар “Альпари” хәйрия фондына җибәрелде.
Ярминкәдә катнашкан һәркемгә рәхмәт сүзләре җиткереп, эшләгән савапларыгыз үзегезгә дә әйләнеп кайтсын дип әйтәсе килә.

8 сентябрь -Халыкара белемлелек көне. Шул уңайдан, башлангыч сыйныф укучылары өчен “Необычно об обычном” дип аталган киноклуб үткәрелде. Киноклуб кысаларында укучылар белем, уку турында кыска мультфильмнар карадылар. Бергәләп Халыкара белемлелек  көненең барлыкка килү тарихы турында фикер алыштылар. Аннан балалар «Дөя һәм ишәк мәктәпкә ничек йөргән?» мультфильмын карадылар. Балалар мультфильмның төп геройларының маҗараларын кызыксынып күзәттеләр, сорауларга җавап бирделәр һәм тәэсирләре белән уртаклаштылар. Һәр укучы үзе өчен төп нәтиҗә ясады: белемле булу бик яхшы!