Бүген, 3 нче июньдә, Яңа Татар бистәсе буенча җәяүле экскурсияләр үзәге үзенең эшен дәвам итеп, 51 нче мәктәп яны лагерына йөрүче балалар өчен экскурсия уздырды.

Мондый чаралар укучыларның татар халкы тарихы буенча белемнәрен тирәнәйтүгә, милли үзаң тәрбияләүгә ярдәм итә.

Бүген, 2 нче июньдә, гимназиябездә мәктәп яны лагерьлары өчен Яңа Татар бистәсе буенча җәяүле экскурсияләр үзәге ачылу тантанасы булып узды. Экскурсия үзәгенең директоры Шәмсиева Гөлфия Гаязовна үзәк оештыруның максаты, бурычлары һәм эш юнәлешләре белән таныштырды.
Ачылу тантанасына Татарстан Республикасының милли музеенда эшләүче Татарстан Республикасының атказанган мәдәният хезмәткәре Дәминова Флера Каюмовна , Казан шәһәренең почетлы граңданины Биктимерова Нурания апа кебек мөхтәрәм кунаклар да килгән иде.
Иң беренчеләрдән булып, җәяүле экскурсия 27 нче гимназия, 13 нче мәктәп һәм гимназиябезнең җәйге лагерьга йөрүче балалары өчен оештырылды.
Программада:
• XVIII-XX гасыр башы тарихи-мәдәни һәйкәлләре белән танышу (“Иске-Таш”, “Зур Таш”, “Кече Бохара” мәчетләре);
• Татарның бөек мәгрифәтчеләре яшәгән урыннарга җәяүле экскурсия;
• 1 нче татар гимназиясенең Яңа Татар бистәсе музеена экскурсия (ТР Дәүләт музее филиалы);
Экскурсия татар, рус, инглиз телләрендә үткәрелде.

Соңгы кыңгырау яңгырый...
Сихри аваз, ул гаҗәеп моңсу, сагышлы.
Шундый көн бу, олы бәйрәм үзе,
үзгәртә дә куя язмышны.
Бүген гимназиябездә 11нче сыйныф укучылары өчен соңгы тапкыр кыңгырау шалтырады. Бәйрәм белән 11 сыйныф укучыларын гимназия директоры Г.Г. Шәмсиева, яраткан укытучылары, әти-әниләре һәм 1 нче сыйныф укучылары котлады. Бәйрәмгә килгән кунакларны да күңелләре белән ерак балачак елларына алып киткән, күзләрне дымландырган бу тантанада күңелле һәм моңсу мизгелләр күп булды.
Бу көн укучыларыбыз, укытучыларыбыз өчен генә моңсу мизгелләр түгел, әти-әниләр өчен бигрәк тә кыен. Әйе, вакыт сиздерми генә үтеп киткән, балачак инде артта калды. Алда беренче сынаулар көтә. Ни генә булмасын, имтиханнарны уңышлы тапшыруыгызны телибез! Сезгә дөньяның матурлыгын, тормышның асылын, яшәү ямен һәм мәгънәсен аңлап яшәргә язсын.
Соңгы кыңгырау яңгырый бүген
Яңа юл яра гомер агышы.
Соңгы кыңгырау - әнкәй догасы,
Изге юл тели аның тавышы.
Сезнең юллар вакыт юлында гел,
Сезнең юллар вакыт иркендә.
Хәерле юл!
Хәерле юл, сезгә, укучылар!