14 октябрь көнне 6 А һәм 6 Б сыйныфлары катнашында инглиз телендә брейн-ринг «Кызыклы фактлар» интеллектуаль уены үткәрелде. Алтышар укучыдан торган 2 команда инглиз телендә пассив юнәлешне куллану күнекмәләре буенча үзара көч сынашты. Уен барышында төрле категориядәге сораулар яңгырады: “ Уйлап табучылар һәм ачышлар”, “ Кайда нәрсә үстерәләр?” , “Китаплар һәм язучылар”, “Автомобильләр” , “Болар нәрсәдән ясалган?”. Санап үтелгән категорияләрдәге сорауларны сайлаган вакытта, укучы сорау-җавап кыйммәтен дә атарга тиеш иде. Дөрес җавап алынган очракта, аңа үзе сайлаган “җавап хакы” “евро валютасы”нда тапшырылды. Әгәр җавап-җөмлә тулы булмаса, җавап биргәндә грамматик хаталар күзәтелсә, үзе сайлаган “җавап хакы”ның яртысы гына “евро валютасы”на күчте. Командалар уен мәшәкатьләре белән мәшгуль чагында, 2 А, 2 Б, 2 В сыйныфы укучылары “How are you ?” җырын башкарды. Тамашачы укучыларга да ошаткан командалары өчен җанатарга мөмкинлекләр бирелде: кайбер сорауларга өстәмә җаваплар тамашачылардан алынган очракта, аларга “смайлик”лар тапшырылды. Уен ахырында тамашачылар үзләренең “смайликлар”ын үзләре ошаткан командага тапшырып , шул командага үзеннән “ярдәм очко” кертә алды.