Бакчабызда бүген мәктәпкәчә белем бирү учреждениеләрендә тәрбияләнүчеләр арасында районкүләм "Үз телемдә шигырь сөйлим" бәйгесе узды. Бәйгедә барлыгы Теләче район балалар бакчаларына йөрүче 47 бала катнашты. Алар "Якташлар иҗаты", "Шигырьләр бәйләме" һәм "Сугыш турында шигырьләр" номинацияләрендә көч сынаштылар. Балалар бәйгегә зур әзерлек белән килгәннәр иде, жюрига шигырьләрне бик матур тәкьдим иттеләр.

Бүген бөек шагыйребез Г.Тукайның туган көне уңаеннан, бакчабызда "Тукай оныклары" исеме астында шигырь кичәсе узды.Кичә барышында шагыйрьнең тормыш юлы искә төшерелде, "Кызыклы шәкерт", "Бала белән күбәләк", "Гали белән кәҗә" әсәрләре сәхнәләштерелде, Тукайга багышланган шигырьләр укылды, җырлар җырланды.

Бүген безнең бакча тәрбиячеләре Хәбирова А.Р. һәм Фатыхова Л.Р. Теләче муниципаль районы мәктәпкәчә мәгариф учрежденияләрендә эшләүче педагоглар өчен "Салават күпере"журналы нигезендә балалар бакчаларында интерактив дәресләр үткәрү" темасына оештырылган семинарда катнашып, мастар- класслар күрсәттеләр.
Хәбирова А.Р.  "СалаватTikлар белән иртәнге гимнастика", ә Фатыхова Л.Р. "Файдалы-зарарлы ашамлыкларны өстәл уены аша өйрәнәбез", дигән темага эш тәҗрибәләре белән уртаклаштылар.