Аҗаган-башлангыч хәрби әзерлек буенча шәхси күнекмәләрне тормышка ашыруда, сугышчан хәрәкәтләрне имитацияләүдә, хәрби-патриотик һәм спорт эшен камилләштерүдә хис-кичерешләр бирә торган хәрби-спорт бәйрәме. Уен барышында мәктәпкә әзерлек һәм зурлар төркеме, төрле хәрби-гамәли спорт төрләрендә уен элементлары белән ярышалар.Үткәрелгән сынаулар һәм ярышлар нәтиҗәсендә дуслык җиңде. Балаларга хәрби-патриотик тәрбия бирүгә этәргеч ясаучы мондый уеннар безнең балалар бакчасында  даими рәвештә уздырыла.

Теләче авыл җирлегендәге хисап җыелышында безнең балалар бакчасында тәрбияләнүче Шафиков Кәрим белән Насибуллина Адилә "Җиңү көне белән!" исемле кул эшләре күргәзмәсен тәкьдим иттеләр. Әлеге күргәзмәдә балалар бакчасының барлык төркемнәренең балалары ата-аналары белән бергә  белән иҗат ителгән кул эшләре күрсәтелде.

  Бүген Теләче 2нче балалар бакчасы нәниләре ТР Биологик ресурслар буенча дәүләт комитетының «Ашыт» дәүләт табигать тыюлыгы белгечләре Абдрахманова Гөлнара Ильяс кызы һәм Әхмәтҗанов Рәшит Зиннур улы  белән бергә табигать дөньясына мавыктыргыч сәяхәт ясадылар! Алар лабораториядә булдылар һәм орнитолог белән таныштылар, "Чүп-чарны сортларга аерабыз" дидактик уенын уйнадылар, урманга экскурсия ясадылар һәм урманда үз-үзеңне тоту кагыйдәләрен искә төшерделәр. Эколяталар республикабыз табигатенә һәм анда яшәүчеләргә сакчыл карауның никадәр мөһим булуын күрсәттеләр.

Теләче 2 нче балалар бакчасында Яңа ел иртәләре марафоны дәвам итә. Яңа ел алдыннан һәр балалар бакчасына  матур, тылсымлы әкият килә. Яңа ел иртәләре-барлык балалар яраткан могҗизалар, үзгәрешләр һәм сюрпризлар вакыты бит ул! Бәйрәмчә әкияти атмосфераны оештыруга балалар бакчасының  барлык хезмәткәрләре дә җәлеп ителә. Бәйрәмнәр вакытында балалар  сюрпризлардан, табышмаклардан, сәяхәтләрдән, әкият геройлары белән очрашулардан, уеннардан, бәйгеләрдән, җырлардан, биюләрдән хисләр ташкынына чума.

    Балаларда кечкенә чактан ук янгынга каршы культура тәрбияләү бик мөһим, чөнки  аларга зурларга караганда күбрәк куркыныч яный. Шушы максаттны күздә тотып Теләче 2нче  балалар бакчасына йөрүче тәрбиянүчеләр белән ТР буенча Россия ГТХМ Баш идарәсенең Саба һәм Теләче муниципаль районнары буенча районара күзәтчелек эшчәнлеге бүлегенең өлкән инспекторы, эчке хезмәт майоры Тимерханов Л.М.  белән очрашу уздырылды. Ул алар белән яңа ел бәйрәмнәрендә янгын куркынычсызлыгы чараларына аеруча игътибар итәргә кирәк турынңа әңгәмә алып барды.

Бүген Теләче муниципаль районында Теләче 2нче балалар бакчасы базасында «Россиянең ел тәрбиячесе 2025» Бөтенроссия бәйгесенең муниципаль этабы узды. Безнең Теләче 2нче балалар бакчасын әлеге бәйгедә тәрбияче Кәримуллина Энҗе Мәүлетҗан кызы  тәкъдим итте. Ул үзенең эш тәҗрибәсе белән уртаклашып,  педагоглар белән мастер-класс  үткәрде. Энҗе Мәүлетҗановна бәйгенең барлык сынаулар нәтиҗәләре буенча "Туган телдә тәрбия һәм белем бирүче төркем тәрбиячесе" номинациясендә җиңүче исемен яулады.

19 июньдә яшь спортчылар Бөтендөнья балалар футбол көнен билгеләп үтәләр. Бу көнне балалар бакчасында тәрбияләнүчеләр бу  уенның кагыйдәләре һәм терминологиясе белән таныштылар, «Необыкновенный матч» һәм «Футболные звезды» мультфильмнарын карадылар.
Икенче кечкенәләр төркеменә йөрүче балалар тупны алып бару, тупны иптәшләренә тапшыру һәм капкага сугу күнекмәләрен үзләштерделәр.