Бүген балалар бакчасында сөекле шагыйребез Габдулла Тукайның тууына 140 ел тулу уңаеннан “Без Тукай оныклары” дип исемләнгән әдәби - музыкаль кичә үткәрелде. Бакчага йөрүче сабыйлар катнашында узган кичәдә, Габдулла Тукайның шигырьләре, җырлары, мәсәлләре яңгырады. Кунак булып Шүрәле белән Су анасы да килгән иде: алар балалар белән уеннар уйнадылар. Бәйрәм балаларның тәрбияче апалары белән бергәләшеп "Туган тел" җырын башкару белән тәмамлады.

Бүген Теләче 2нче балалар бакчасында мәктәпкәчә яшьтәге балалар арасында Г.Тукайный тууына 140 ел тулу уңаеннан, 120 еллыгы билгеләп үтелүче Муса Җәлил иҗатына һәм Теләчене районы оешуга 35 елга багышланган шигырь бәйгесе узды. Ул «Үз телемдә шигырь сөйлим» дип аталды.
Бәйгедә барлыгы 50 артык бала катнашты, шул исәптән, авыллардан да.
Балалар туган (татар) телләрендә төрле номинацияләрдә шигырь укыдылар. Барлык катнашучыларга дипломнар һәм истәлекле бүләкләр тапшырылды.

Бу атнада югары квалификацион категорияле тәрбияче Йосыпова Г.Ф. балалар бакчасындагы хезмәттәшләренә туган (татар) телендә сөйләм формалаштыру буенча «Татар мемо»исемле авторлык уенын тәкъдим итте. Уен мәктәпкәчә яшьтәге балаларның сөйләм үсеше үзенчәлекләрен исәпкә алып эшләнгән һәм лексиканы ныгытуга, аудиовербаль хәтерне, игътибарны һәм бәйләнешле сөйләм үстерүгә юнәлдерелгән. Уенның үзенчәлеге -  уенда милли сүзләр, мәкальләр, әсәрләрнең атамалары, шулай ук халык иҗаты элементлары кулланыла. Уенда катнашу сөйләм үсешенә генә түгел, балаларда туган телгә карата уңай мөнәсәбәт, татар мәдәнияте белән горурлану хисе формалашуга да ярдәм итә. Уен тәрбиячеләрдә җанлы кайтаваз уятты-күпләр инде әлеге уенны белем бирү процессына кертергә планлаштыра.

Бүген зурлар төркеме командасы (педагоглары Вәлиева К.и. һәм Гайбадуллина м. ф.) "Эко - киләчәк: яшел һөнәрләр" район экологик бәйгедә катнашты. Һәм алар катнашып кына калмадылар, ә чын җиңүчеләр булдылар! "Акыллы бакча" проектын яклаган өчен "Сити фермер" командасына 1 нче дәрәҗә диплом белән бүләкләнделәр.

24нче март көнне Теләче 2нче балалар бакчасы базасында "Мәктәпкәчә оешмада полилингваль белем бирүне оештыруга заманча алымнар" темасына тәрбиячеләр өчен район семинары узды. Семинар кысаларында шөгыльләр, мастер-класслар һәм балалар белән театральләштерелгән тамашалар оештырылды. ​Тәкъдим ителгән материал семинарда катнашучыларда зур кызыксыну һәм күрсәтелгән эш ысулларын һәм формаларын үз оешмаларында куллану теләген уятты.