Бүген Лесхоз бистәсе спорткомплексында узган район хакимияте башлыгы Чыршы бәйрәмендә безнең мәктәптән 5 укучы катнашты. Төрле бәйгеләрдә актив катнашучы һәм призлы урын яулаучы башлангыч класс укучылары Илзия Гафиятова һәм Эльвина Шәрипова,  фән олимпиадаларының район этабында өчәр призлы урын яулаган югары класс укучылары Сиринә Юзеева, Гөлназ Сабирова һәм Булат Сабиров. Каникулның соңгы көннәрендә узган бу бәйрәм алдынгы укучыларыбыз өчен зур бүләк булды.

Кышкы каникулның соңгы көннәре. Мәктәптә каникул дәвамында план нигезендә өстәмә белем бирү түгәрәкләре үз эшен дәвам итте. Бүген укучылар Шафикова Г.Р. җитәкчелегендә хореография түгәрәгендә шөгыльләнделәр.

8нче гыйнвар көнне мәктәбебездә укытучылар арасында баскетбол ярышының зона этабы узды. Бу ярышта Икшермә урта мәктәбе командасы 1нче, Сатыш урта мәктәбе командасы 2нче, Арташ төп мәктәбе командасы 3нче урынга лаек булды.

9нчы гыйнварда "Дуслык" лагереның соңгы көне "Хокукларыңны бел, бурычларыңны үтә!" девизы астында узды. Иртәнге гимнастика һәм аштан соң рус теле , математика фәннәре буенча консультацияләр узды. Тарих укытучысы Каримова Л.Р. оештырган хокук белемнәре  буенча диспутта укучылар актив катнашып, үз фикерләрен җиткерделәр. Соңыннан плакатлар бәйгесе узды. Атна дәвамында узган лагерь укучылар өчен күңелле һәм файдалы булды. 

"Дуслык" лагеренда 6нчы көн "Без сәламәт яшәү рәвеше яклы" дип исемләнде. Иртәнге гимнастикадан соң  рус теле һәм математикадан консультацияләр узды. Көндезге аштан соң "Нарат" боз сараена бару оештырылды.

"Дуслык" лагеренда 5нче көн "Мәдәният дөньясында" дип исемләнде. Сайлап алу фәннәреннән консультацияләрдән соң Тел бәйгесе узды, Равил Сабырның "Абага алмасы ачы була" спектаклен карау оештырылды. Төшке аштан соң флорбол буенча ярыш  булды.

Бүген-кышкы лагерьның дүртенче көне. Ул-"Спорт һәм сәламәтлек" темасы астында узды. Рус теле һәм математикадан консультацияләрдән соң "Без сәламәт яшәү рәвеше яклы" дигән иҗади бәйге узды. Көндезге аштан соң "Күңелле стартлар" оештырылды.

Лагерьда  өченче көн "Могҗизалы дөнья"  темасы астында узды. Сайлап алу фәннәреннән консультацияләрдән соң инглиз теленнән төрле җырлар өйрәнү (укытучы-Исмагилова Ч.Р.), географиядән викторина (укытучы-Сафина С.З.)  укучыларга бик ошады. Рус теленнән узган "Призер буласың киләме?" интеллектуаль бәйгесендә (укытучы-Измайлова Г.М.) 11 класс командасы җиңү яулады.

Кышкы лагерьның икенче көне "Көч һәм рух тамырлары" дип исемләнде. Иртәнге  линейкада беренче көнгә анализ ясаганнан соң, гимнастика уздырдык. Иртәнге аштан соң рус теле һәм математика фәннәреннән консультацияләр узды. Татар теле укытучысы Әнисә Фәнилевна  "Бәхет башы-тәүфыйк"  темасына әңгәмә барышында укучыларны әдәплелек, әхлаклылык кагыйдәләре белән таныштырды. Викторина сорауларына җаваплар эзләп, шушы тема буенча белем дәрәҗәләре сыналды. Фәнил мәчетендә Рәис хәзрәт үзенең үтемле вәгазьләре белән балаларга ислам диненең безне бары тик яхшылыкка өндәве турында сөйләде. Лагерьның икенче көне дә күңелле һәм файдалы узды.

Бүген мәктәбебездә 20 балага исәпләнгән "Дуслык" мәктәп яны сәламәтләндерү лагере эшли башлады. "Әйдәгез, таныш булыйк!" дип исемләнгән 1нче көн линейка белән башланып китте, укучылар куркынычсызлык техникасы кагыйдәләрен искә төшерделәр. Иртәнге аштан соң ике отряд үз газеталарын чыгара башладылар. Аннан соң рус теле һәм математика буенча консультацияәр узды. "Саба" бассейнына барып, рәхәтләнеп йөзү -беренче көннең  иң күңелле сәгате булды.