Муниципальное бюджетное общеобразовательное учреждение «Большекибячинская средняя общеобразовательная школа Сабинского муниципального района Республики Татарстан" /Муниципаль бюджет гомумбелем учреждениесе «Татарстан Республикасы Саба муниципаль районы Олы Кибәче урта гомумбелем бирү мәктәбе»
Визитная карточка
Адрес: | 422065, Республика Татарстан, Сабинский район, с.Большие Кибячи, ул.Ф.Энгельса, д.75 |
Телефон: | +7(843)-624-26-67 |
E-Mail: | kibichisaba@yandex.ru |
Министерство: | Министерство образования и науки Республики Татарстан |
Короткое название: | МБОУ "Большекибячинская СОШ" |
Руководитель: | Шаймиев Ильнар Ильшатович |
Год основания учреждения: | 1992 |
У нас учатся: | 79 учащихся |
У нас учат: | 21 учитель |
Муниципальное бюджетное общеобразовательное учреждение «Большекибячинская средняя общеобразовательная школа Сабинского муниципального района Республики Татарстан" /Муниципаль бюджет гомумбелем учреждениесе «Татарстан Республикасы Саба муниципаль районы Олы Кибәче урта гомумбелем бирү мәктәбе» - новости
Страницы: << 221 222 223 224 225 226 227 228 ( 229 ) 230 >>
-
Открытый урок 14.03.2012
14 марта Закирова Р.Г. провела открытый урок по литературе, посвященный 75-летию великого русского писателя В.Г.Распутина.
Урок организован в форме «Путешествия по страницам произведений В.Г.Распутина».
На уроке участвовали учащиеся 9-11 классов, учителя.
Во время выступлений использованы презентации к произведениям, где продемонстрированы основные проблемы, затрагиваемые писателем. Богатая выставка из книг В.Г.Распутина, просмотр видеоролика «Во глубине Сибири» дали возможность получить более полную информацию о жизни и творчестве народного писателя.
-
Математикадан ачык дәрес 12.03.2012
Бүген математика укытучысы Әнисә Габделгазизовна 6 класста "Бүлү" темасына ачык дәрес уздырды. Яңа теманы аңлату дәресендә бик күп төрле биремнәр эшләнде, укучыларның белемнәре тикшерелде, нәтиҗә ясалды.Вакытында уздырылган динамик пауза, дәрес ахырында укучылар зур кызыксыну белән чишкән математик-экологик мәсьәләләр дәресне тагын да җанландырды. Бу дәресне укытучылар өчен интерактив такта кулланып эшләү, аның мөмкинлекләре турында практикум булды дип тә әйтергә мөмкин.
-
Бадминтон ярышы 11.03.2012
10 мартта Байлар Сабасында Саба, Теләче һәм Кукмара районнарының иң оста бадминтончылары очрашты. Әлеге ярышларда мәктәбебездән 6 укучы катнашты. Шуларның өчесенең -Ибатова Э.(6 класс), Давлиев И. (4 класс), Давлиев С. (11 класс) 1нче урын яулавы мәктәп коллективы өчен зур сөенеч булды. Тренерлары Мубаракзянов Р.Р., бадминтон түгәрәгендә шөгыльләнүче укучыларга алга таба да уңышлар телибез.
-
Ягез әле, кызлар! 08.03.2012
7 мартта мәктәптә үткәрелгән "Ягез әле, кызлар!" бәйгесендә "Улыбка" һәм "Рваные кеды" командалары катнашты. Кызлар үзара скакалкада сикерү, идәннән күтәрелү, аркан тарту, кул көрәше, хоккей, эстафета ярышларында көч сынаштылар. Кызларыбыз үзләренең спорт бәйгеләрендә дә сынатмауларын тагын бер кат расладылар. Аларны 8 март бәйрәме белән котлап егетләр бик матур концерт номерлары бүләк иттеләр. Ике команда арасында бик киеренке көрәш барды, 1 генә очко өстенлеге белән "Улыбка" командасы җиңү яулады. Кызларны бәйрәм белән котлап мәктәп директоры Роберт Рашитович иң изге теләкләрен җиткерде һәм командаларга, төрле ярышларда 1нче урын алучы кызларга Грамоталар, иң актив укучыларга истәлекле бүләкләр тапшырды.
-
"Дулкыннар" конкурсы нәтиҗәләре
06.03.2012
5 март көнне Казан шәһәрендә татар халкының күренекле композиторы Мансур Мозаффаровның тууына 110 ел тулуга багышланган VII Республикакүләм "Дулкыннар" конкурсының йомгаклау туры узды.. Бу чарада безнең мәктәп укучылары да катнашты. 4 класс укучысы Каримова Рузинә "Нәфис сүз" номинациясендә (җитәкчесе-Каримова Л.Р.) , 10 класс укучысы Сабирова Гүзәл "Вокал" номинациясендә (җитәкчесе-Гыйләҗиева З.Ш.) чыгыш ясап, югары нәтиҗәләргә ирешкәннәре өчен Сертификатка ия булдылар.
-
Репетицион ЕГЭ
03.03.2012
1,2 март көннәрендә 9, 11 класс укучылары сайлап алу предметлары буенча репетицион ЕГЭда катнаштылар.
-
Ата-аналар җыелышы 29.02.2012
Бүген 9, 11 классларның ата-аналар җыелышы үткәрелде. Ата-аналарга ЕГЭ, ГИА бирү тәртипләре турында презентация күрсәтелде, мәктәптә үткәрелгән репетицион тестлар нәтиҗәләре анализланды. Җыелышта укучылар үзләре дә катнашты.
-
Драматург белән очрашу 29.02.2012
Бүген мәктәптә Татарстан Республикасының атказанган сәнгать эшлеклесе, Татарстан язучылар берлегенең Гаяз Исхакый исемендәге әдәби бүләге иясе, драматург Данил Салихов белән очрашу узды. Драматург укучыларны үзенең тормыш юлы һәм иҗаты белән таныштырды, театр сәнгате, авторларның милек саклау оешмасы турында сөйләде. Кызыксынучыларга авторның матур теләкләре язылган китапларын алу мөмкинлеге булды.
-
"Мастера исследований" региональ конференциясе 28.02.2012
Бүген мәктәбебезнең 3 укучысы Балык Бистәсендә КФУның экология-география бүлеге тарафыннан уздырылган "Мастера исследований" укучыларның эзләнү эшләре регион конференциясендә катнашып, матур нәтиҗәләргә ирештеләр. Экология секциясендә Ибушев Вадим 2нче дәрәҗәдәге Дипломга (җитәкче-биология укытучысы Ибушева Ф.Н.), Каримова Гөлинә Сертификатка (җитәкче -тарих укытучысы Каримова Л.Р.), туган якны өйрәнү секциясендә Измайлов Радик 3нче дәрәҗәдәге Дипломга (җитәкче- тарих укытучысы Каримова Л.Р.), Каримова Гөлинә Грамотага (җитәкче-география укытучысы Сафина С.З.) лаек булдылар. Бу укучыларны һәм укытучыларны уңышлары белән котлыйбыз, гел шулай актив, эзләнүчән булуларын телибез.
-
"Әти, әни һәм мин- спорт гаиләсе"
24.02.2012
Бүген башлангыч класс укучылары һәм әти-әниләре арасында "Әти, әни һәм мин - спорт гаиләсе" бәйгесе узды. "Буратино" һәм "Кызыл калфак" командалары үзара җитезлектә, көчлелектә һәм иҗадилыкта ярыштылар. Төрле спорт ярышлары, күңелле бәйгеләр, концерт номерлары белән чиратлаштырылган бу уенда "Кызыл калфак" командасы җиңү яулады.