Ямьле язгы каникул дәвам итә. Бүген мәктәбебезнең 14 укучысы "Нарат" боз сараенда булдылар.

27 март көнне район күләмендә узган флорбол ярышларында мәктәбебездән 2 команда катнашты. Кызлар командасы-4 урын, ә егетләр командасы 3 урын яулады. Җитәкчеләре-"Флорбол" түгәрәге җитәкчесе Сафин А.К.

Язгы каникул көннәрендә дә мәктәптән укучылар өзелми. 26 мартта башлангыч класс укучылары өчен "Экологик сукмак буйлап" дип исемләнгән интеллектуаль бәйге узды. Бәйгедә 2 команда катнашты. "Кышлаучы һәм утрак кошлар", " Сез беләсезме?", "Табышмаклар", "Кроссвордлар" , "Күңелле уеннар" дигән тукталышларда укучылар үзара көч сынаштылар.  Барлык очколарны санаганнан соң, "Күгәрчен" командасы җиңү яулады.

24 мартта Казан шәһәрендә КФУ, тарих институты һәм "Чын мирас"  журналы белән берлектә  үткәрелгән "Татар тарихы һәм мәдәнияте" фәнни-практик конференциясендә безнең укучыларыбыз да  катнашты. Нәтиҗәләребез куанычлы :Каримова Гөлинә (11 класс) Диплом белән бүләкләнде,  Сабирова Гөлназ (9 класс) 2нче  урынга лаек булды. Җитәкчеләре-Каримова Л.Р.

22 мартта 4нче гомуми ата-аналар җыелышы узды. Көн тәртибе:юнәлеш бирү үзенчәлекләре” . (лектор-Сафина С.З.)

2. 3нче чирек йомгаклары (чыгыш ясаучы-Габделхаева Р.Р.)

3. Мәктәптә тәрбия эшенең торышы (чыгыш ясаучы-Измайлова Г.М.)

4. Укыту-тәрбия эшенә караган мәсьәләләр, мәктәп алдында торган бурычлар. (чыгыш ясаучы-Мухаметзянов Р.Р.)

Җыелыш олимпиадаларда призлы урын алган укучыларның әти-әниләренә Рәхмәт хатлары тапшыру белән башланып китте. Көн тәртибенә куелган һәр мәсьәләгә тукталып, тиешле карарлар кабул ителде.

22 мартта 5 класста "Билгесез солдатка багышлана" дигән темага ачык класс сәгате узды. Әңгәмәдә педагог-оештыручы Гүзәлия Рамиловна катнашып, укучыларга үзенең  Бөек Ватан сугышында катнашкан, хәбәрсез югалган бабасы, ничек итеп күп еллардан соң  аның каберен табулары турында сөйләде. Класс җитәкчесе-Вилданова Ә.Ф.

23 мартта педагогик совет утырышы узды. Утырышның көн тәртибе:

1.Укыту-тәрбия процессында яңа педагогик технологияләр куллану.

2.3нче чирек нәтиҗәләре.

3.9 класста сайлап алу курсларының, 10-11 классларда электив курслар укытуның торышы. 

20 март көнне Килдебәк урта мәктәбендә бадминтон буенча укучыларның 9нчы спартакиадасына әзерләү максатыннан берничә район арасында узган ярышларда Гыйлметдинов Айдар һәм Ибатова Эльмира катнаш разрядта 1 урын, Хадиев Ирек 3 урын яуладылар. Тренерлары-Мубаракзянов Р.Р.

21 март көнне 7 класста математикадан ачык дәрес узды. Дәреснең темасы-"Укучыларны ГИА га әзерләү". Дәрестә информацион технологияләр (интерактив такта, документ-камера) актив кулланылды. Һәр укучы  проект эшләре буенча чыгыш ясады. Төрле методик алымнар кулланып уздырылган дәрес укучыларга күп мәгъүмат бирде, ачык дәрес  укытучыларга да бик ошады. Укытучы-Вилданова Ә.Г.

20нче март көнне мәктәбебезнең укыту эшләре буенча директор урынбасары Габдулхаева Рәсимә Рафиковна үзенең 50 яшьлек  юбилеен билгеләп үтте.

Хөрмәтле Рәсимә Рафиковна!

50 яшь ул гомер чиге түгел,

Әле алда – таңнар, офыклар;

Алда көтә әле зур планнар

Үстерәсе нәни оныклар.

Таң нурлары булып йортыгызга

Ак бәхетләр генә сибелсен.

Түп-түгәрәк булсын тормышыгыз,

Юлларыгыз гөлгә күмелсен.