30 апреля в рамках Открытого урока по курсу ОБЖ  были  проведены  следующие  мероприятия :викторина «Условия безопасного поведения учащихся» (1-4 классы),викторина по разделу «Безопасность и защита человека в ЧС» (5-8 классы), показное практическое занятие по действиям учащихся в ЧС (5-8 классы), соревнования по оказанию первой помощи  (9-11 классы), открытый  урок с участием пожарника Староикшурминского пожарного поста Башарова А.Г. на тему «Безопасность и защита человека в ЧС» (1-11 классы),тренировочная эвакуация. Все мероприятия проведены с применением новых информационных технологий, учитывая возрастные особенности школьников.

29нчы апрель көнне узган атналык линейкада атна дәвамында район, авыл җирлеге күләмендә уздырылган төрле бәйге һәм ярышларда катнашып, призлы урыннар яулаган укучылар бүләкләнде. Барлыгы 27 Грамота тапшырылу бу атнада ирешелгән уңышларыбызның бик күп булуы турында сөйли.

Мәктәп янын чистарту буенча өмәләр дәвам итә. 27.04.2013 көнне дә барлык укучылар һәм укытучылар күмәкләшеп шимбә өмәсенә чыктылар.Бергәләшеп эшләү дуслыкны ныгыта, классларның бердәмлеген арттыра. Тырышып эшләгәч, мәктәп яны да "көлеп калды",  укучылар йөзендә дә канәгать елмаю иде. Үзебез булдырган чисталыкны бергәләп саклыйсы гына калды.

27 апрель көнне мәктәбебездә Парламент дәресе узды. Дәүләт символларын искә төшерү, алар турындагы белемнәрне ныгыту максатыннан оештырылган дәресне тарих укытучысы Каримова Л.Р.уздырды.

22-24 апрель көннәрендә Алабуга шәһәрендә укучыларның 9нчы спартакиадасы кысаларында узган бадминтон ярышларында безнең укучылар Ибатова Эьмира һәм Хадиев Ирек катнашты. Ирек һәм Эльмира гомуми команда зачетында 2нче урын, парлы категориядә  2нче урын,катнаш категориядә шулай ук 2нче урын яуладылар. Бу укучыларыбызга алга таба да уңышлар телибез!

Бүген бөек шагыйребез Габдулла Тукайның тууына 127 ел тулды. Шул уңайдан мәктәбебездә "Күңелләрдә син, Тукай!"  дигән Шигырь бәйрәме узды. "Бәйрәм бүген" җыры белән башланып киткән кичә, укучыларның Г.Тукай шигырьләрен сәнгатьле сөйләү белән дәвам итте. Тукайның тормыш юлы һәм иҗатын чагылдырган презентация күрсәтелде. Бәйрәм "Туган тел" җырын бергәләп җырлау белән тәмамланды.

Бүген (26.04.2013) "Аҗаган" хәрби-спорт уенының район этабы узды.Көчне, җитезлек һәм төгәллекне сынаучы бу бәйгедә уңышлы чыгыш ясап, безнең мәктәп командасы 3нче урын яулады. Җитәкче-ХХН укытучысы Сафин А.К..

Бүген Чернобыль атом электростанциясендә  булган авария турында  искә төшерү максатыннан мәктәпкүләм класс сәгате узды. 1986 нчы елның 26 нчы апрелендә Чернобыль атом электростанциясенең 4 блогында шартлау булуы, нәтиҗәдә 30 км радиуслы зонадан кешеләрне эвакуацияләргә туры килүе, Украинада кеше яши торган 7247 пункттан кешеләрне яңа җиргә күчерүләре, Украинаның 12 өлкәсендәге 3 млн га җирнең  радиоактив цезий белән зарарлануы, бу фаҗиганең никадәр зур зыян китерүе турында сөйләнде.

Балалар куркынычсызлыгын тәэмин итү максатыннан мәктәбебездә планлы эш алып барыла. Ата-аналар комитеты беләр берлектә кечкенә яшьтәге һәр укучыга югары классларда укучы берәр бала яки әти-әнисе җаваплы кеше итеп беркетелеп, әти-әниләр әлеге исемлек белән таныштырылды. Укучыларның дәрескә йөрүләре даими контрольдә тотыла, йөреш буенча көндәлек отчет мәктәп директорына тапшырып, анализлана. Дәрес калдырган очракта, һәр укучы медицина белешмәсе яки дәрес калдыруның сәбәбе күрсәтелеп,  ата-ана тарафыннан язылган гариза алып килеп класс җитәкчесенә тапшыра. Һәр атнаның шимбәсендә кичке рейдлар оештырылган. Укучыларны гадәттән тыш хәлләр килеп чыкканда үз-үзеңне тоту кагыйдәләре белән таныштыру, таныш булмаган кешеләр белән үзеңне ничек тотарга кирәклеген аңлату өчен һәр класста әңгәмәләр узды. Балалар куркынычсызлыгы өчен әти-әниләр дә, укытучылар да, укучылар үзләре дә зур җаваплылык тоярга тиешләр. 

13нче районкүләм "Сәләтле балачак-өметле киләчәк" балалар иҗаты фестиваль-конкурсында катнашкан барлык эшләребез дә призлы урыннар белән бәяләнүе  мәктәбебез өчен зур куаныч булды."Агачта һәм пыялада" эшләү номинациясендә Сабирова Гөлназның эше 1нче, "Рәсем" номинациясендә Юзеева Сиринәнең эше 1нче урынга  (җитәкчеләре-Вилданов Н.М.), "Рәсем" номинациясендә Шакирова Гөлназның эше 3нче, Халиуллин Әмирнең эше 3нче урынга  (җитәкчеләре-Шакирова Л.Г.) лаек булды.