Муниципальное бюджетное общеобразовательное учреждение «Большекибячинская средняя общеобразовательная школа Сабинского муниципального района Республики Татарстан" /Муниципаль бюджет гомумбелем учреждениесе «Татарстан Республикасы Саба муниципаль районы Олы Кибәче урта гомумбелем бирү мәктәбе»
Визитная карточка
Адрес: | 422065, Республика Татарстан, Сабинский район, с.Большие Кибячи, ул.Ф.Энгельса, д.75 |
Телефон: | +7(843)-624-26-67 |
E-Mail: | kibichisaba@yandex.ru |
Министерство: | Министерство образования и науки Республики Татарстан |
Короткое название: | МБОУ "Большекибячинская СОШ" |
Руководитель: | Шаймиев Ильнар Ильшатович |
Год основания учреждения: | 1992 |
У нас учатся: | 79 учащихся |
У нас учат: | 21 учитель |
Муниципальное бюджетное общеобразовательное учреждение «Большекибячинская средняя общеобразовательная школа Сабинского муниципального района Республики Татарстан" /Муниципаль бюджет гомумбелем учреждениесе «Татарстан Республикасы Саба муниципаль районы Олы Кибәче урта гомумбелем бирү мәктәбе» - новости
Страницы: << 211 212 213 ( 214 ) 215 216 217 218 219 220 >>
-
Игезәкләр бәйрәме 13.03.2013
Бүген мәктәбебездә "Парлы куаныч" дип исемләнгән игезәкләр бәйрәме узды. Бәйрәмдә 4 игезәк пар: Гөлназ һәм Илназ Яруллиннар, Ильвир һәм Ильмир Шәвәлиевлар, Рузинә һәм Руфинә Каримовалар, Алия һәм Альбина Мөхәмәтовалар, аларның әниләре катнашты. Игезәкләрне яклап классташлары чыгыш ясады, бәйрәмнең хуҗалары да тамашачыларны үзләренең матур биюләре һәм шигырьләре белән бүләкләделәр. Кунакларыбыз-игезәк сыңарлары Галиуллина Фәридә, Давлиева Гөлия үзләренең хис-кичерешләре белән уртаклаштылар, игезәкләргә матур теләкләрен җиткерделәр. Бәйрәм "Еллар сезне бер-берегездән аерып, төрле җирләрдә яшәргә туры килсә дә, туганлык җепләрегез өзелмәсен, канатларыгыз каерылмасын. Ходай сезне әти-әниләрегезгә бер үк көнне, бер үк сәгатьтә бүләк иткән икән, уйларыгыз да, эшләрегез дә бергә булсын!" дигән матур теләкләр белән тәмамланды.
-
Армспорт ярышлары
13.03.2013
Бүген , 13 март көнне, мәктәбебездән 10 укучы армспорт буенча уздырылган район ярышында катнашып, шуларның 7 се призлы урын яулады: Хадиев Ирек -1 урын, Ибушев Вадим-1 урын, Хуҗиәхмәтов Ирек-2 урын, Марданова Гөлчәчәк-2 урын, Юзеева Сиринә-2 урын, Гәрәев Рәмис-3 урын, Сабирова Гөлназ-3 урын. Тренерлары- физик тәрбия укытучысы Мубаракзянов Р.Р. Котлыйбыз!
-
Чәчәкләр патшалыгында 11.03.2013
Мәктәбебездә укытучыларның эш тәҗрибәсе белән уртаклашу максатыннан методик атналык башланып китте. Бүген 1 класста Шайхеразиева Ф.В. әйләнә-тирә дөнья буенча "Чәчәкләр патшалыгында" дигән темага ачык дәрес күрсәтте. Дәрестә төрле эш алымнары, яңа педагогик технологияләр актив кулланылды.
-
Әлифба бәйрәме 09.03.2013
Бүген 1 класс укучылары һәм аларның әти-әниләре өчен бик зур бәйрәм булды. Укучыларның укый-язарга, санарга, исәпләргә өйрәнүләре класс җитәкчесе Дания Наиловна өчен генә түгел, әти-әниләр өчен дә зур сөенеч. "Рәхмәт сиңа, Әлифба!" кичәсендә 1класслар үзләренең белемнәрен һәм артистлык сәләттләрен дә күрсәттеләр.
-
Ягез әле, кызлар! 07.03.2013
Бүген мәктәбебездә "Ягез әле, кызлар!" бәйгесе узды. Кызлар "Экстрим" һәм "Оба-на" командаларына бүленеп, төрле бәйгеләрдә көч сынаштылар. "Толымнарың, толымнарың...", "Иң яхшы хуҗабикә", "Спортсменка", "Кызлар-артистлар", "Иң уңган кыз", "Модельер" бәйгеләрендә кызлар үзләренең һәр яктан булган икәнлекләрен күрсәттеләр. Ә егетләр кызларга матур теләкләрен үзләренең җырлары һәм биюләре аша җиткерделәр.
Хөрмәтле укытучылар, хезмәткәрләр, кызлар! Ихлас күңелдән ямьле яз белән котлыйбыз. Яз – безнең тыйнак тормышыбызга яңа көч, дәрт, омтылыш, ышанычлар алып килә торган вакыт.
Яз сулышы гаиләгезгә муллык, күңелләрегезгә сабырлык, тәнегезгә саулык китерсен. Ходай сезне үз рәхим-шәфкатеннән ташламасын, теләкләрегезне тормышка ашырырга ярдәм итсен, өстәлләрегез мул, аш-суларыгыз тәмле, көннәрегез ямьле булсын.
-
Мәктәптә бәйрәм рухы 05.03.2013
Иң матур бәйрәм-Халыкара хатын-кызлар көне якынлаша. Мәктәбебездә бәйрәм рухы сизелеп тора: егетләр кызларны бәйрәм белән котлап оешма газеталары чыгаралар, концерт номерлары әзерлиләр. Ә кызлар "Ягез әле, кызлар!" бәйгесенә әзерләнәләр. Бәйге 7 март көнгә планлаштырыла.
-
21/02/12 25.02.2013
Халыкара Туган тел көнен билгеләп үтү максатыннан, мәктәп холлында шигырь бәйрәме үткәрелде.1-11 класс укучылары үзләре әзерләнгән шигырьләрен сөйләделәр.
-
Аҗаган
25.02.2013
23.02.13. көнне мәктәптә "Аҗаган" хәрби-спорт уены үткәрелде.Укучылар ике командага бүленеп спорт уеннары буенча көч сынаштылар.
-
Иң яхшы укытучы-2013
19.02.2013
18.02.13 көнне "Иң яхшы укытучы-2013" бәйгесенә йомгак ясалып,укытучылар бүләкләнде. Безнең мәктәпнең информатика укытучысы Ильясова Рәфинә Габдрашидовна призер исеменә лаек булды.
-
Фәнни-экологик конференция
16.02.2013
13-16 февраль көннәрендә Казан шәһәрендә узган А.М.Терентьев исемендәге 19нчы Идел буе фәнни-экологик конференциянең "Экосистемаларның биологик төрлелеген саклау" секциясендә катнашып, безнең мәктәпнең 9 класс укучысы Сабирова Гөлназ призер булды. Аның проект эшенең темасы-"Мишә тыюлыгында бобрлар популяциясен өйрәнү". Җитәкчесе- биология укытучысы Ибушева Ф.Н. Аларны әлеге уңышлары белән котлыйбыз!