Центр образовательных инициатив   Всероссийский конкурс детского рисунка "ГАЛЕРЕЯ ВЕЛИКОЙ ПОБЕДЫ", посвященный семидесятилетнему юбилею Великой Победы

Печмәнтау башлангыч мәктәбе укучысы Мөхәмәтҗанова Айзилә 6-8 яшьлекләр номинациясендә әлеге конкурста катнашып сертификат алды. Аны котлыйбыз һәм  алга таба да уңышлар телибез!

15 май - Гаилә көне.  Гаилә - татулыгы белән көчле, ди халкыбыз.Печмәнтау башлангыч мәктәбендә үткән әңгәмә дә нәкъ менә шул темага  булды. Укучылар әңгәмә барышында "Гаилә һәм мәктәп" журналы белән танышып, аның остаханә сәхифәләрен кызыксынып карадылар. Гаилә белән мәктәптә үткәрелгән кичә һәм бәйрәмнәр турында искә төшерделәр.Әңгәмә ахырында укучыларга үз гаиләләрен чагылдырган рәсем ясарга  эш бирелде. 

Иртә язда чәчәк ата торган бакча гөлләре дә тәрбия сорый. Печмәнтау башлангыч мәктәбе укучылары гөлләрнең төпләрен йомшарталар, чүп үләннәрен казып алалар. Мәктәп бакчасы матурланып кала. 

   Арча муниципаль районының төп гомуми белем мәктәпләре арасында үткәрелгән волейбол ярышында 3 урын алган кызлар командасын( тренер Саляхов Г.Г.) чын күңелдән җиңүләре белән котлыйбыз!

    Арча муниципаль районының төп гомуми белем мәктәпләре арасында үткәрелгән волейбол ярышында 2 урын алган егетләр командасын ( тренер Саляхов Г.Г.) чын күңелдән җиңүләре белән котлыйбыз. Молодцы, укучылар!

Җиңү көне -Халык тантанасы,

Яз төренгән янар комачка.

Җир чәчәкләр тезгән күкрәгенә,

Йөз балкытып карый кояшка. Олы ихтирамыбызга лаек ветераннарыбыз – яу кырларында дошманга каршы сугышкан, тылда көнне төнгә ялгап эшләгән, үсмер килеш тормыш арбасына җигелүгә мәҗбүр булган өлкән буын вәкилләре! Кадерле әби-бабаларыбыз! Быел без 70 нче тапкыр Җиңү бәйрәмен тантаналы төстә билгеләп үтәбез. Йөрәкләребездә сезгә карата рәхмәт һәм хөрмәт хисләре кабат яңара, без сезнең тиңдәшсез батырлыгыгыз, фидакарь хезмәтегез белән чын күңелдән горурланабыз. Бәйрәм көннәрендә без сугышлардан әйләнеп кайта алмаган бабаларыбызны, туганнарыбызны искә төшереп, алар өчен дога кылабыз.
Ничәмә-ничә еллар узса да, күп буыннар берсен-берсе алыштырса да, Совет иленең азат халкы батырлыгы беркайчан онытылмас, якты йолдыз булып, яшь буыннарга дөрес юл күрсәтер, Ватанны сөяргә, туган илең хакына көрәшергә өйрәтер. Рәхмәт сезгә, хөрмәтле ветераннарыбыз! Гомерегез озын, сәламәтлегегез нык, көннәрегез тыныч булсын иде!

Юлларның авырын үткәнсез,

Теш кысып елларны сүткәнсез.

Тормышка матурлык сипкәнсез

Һәм безне бәхетле иткәнсез.

 8 май көнне Иске Ашыт мәдәният йортында тыл ветераннарын , сугыш чоры балаларын хөрмәтләү кичәсе үтте.  Өлкәннәр мәктәп укучылары һәм укытучылары  көче белән әзерләнгән концертны бик яратып карадылар, истәлекләре белән уртаклаштылар, яшь буынга теләкләрен җиткерделәр.

Печмәнтау авылында 1941-1945 елларда Бөек Ватан сугышында үлеп калган, хәбәрсез югалган каһарманнарның исемен мәңгеләштерү максатыннан обелиск ачылды. Бөек  Җиңүнең 70 еллыгына  авыл халкы өчен бу зур бүләк булды. Тантанада тыл ветераннары, авылдашлар, кунаклар, укучылар катнашты. Өлкәннәр авыр сугыш еллары, сугыштан соңгы чорлар турында истәлекләре белән уртаклаштылар. Бәйрәм концерты тантанага ямь өстәде.

Иске Кенәр авылында Бөек Ватан сугышында һәлак булган батырлар исеменә мемориал такта ачу тантанасы булды.

Батырлыгын совет солдатының

Рәхмәт белән искә алабыз.

Җиңүләрдән аның хөрмәтенә

Мәңге яшәр һәйкәл салабыз.

    4 мая на базе МБОУ "Арская гимназия №5" в рамках  юных инспекторов движения состоялся районный конкурс "Безопасное колесо - 2015". Отряды ЮИД соревновались в знаниях ПДД, страхования, умениях оказывать доврачебную медицинскую помощь, фигурного вождения велосипеда и в сценическом мастерстве. Ученики нашей школы - Махмутова Зарина, Гимадиева Разина, Хасанов Ильмир, Ахметов Фанзил активно участвовали  в этих соревнованиях. Молодцы!