Яңа ел каникуллары дәвам итә.  Бүген Татарстанның халык артисты Фердинанд Фәттерахманов, авылдашыбыз Язилә Мөхәммәдиева  һәм мәдәният йорты хезмәткәрләре балалар , авылдашлар өчен күңелле Яңа ел тамашасы үткәрделәр. Бәйрәмдә Кыш бабай, Кар кызы, Убырлы төрле кызыклы конкурслар, биюләр  оештырдылар. Бар кеше дә кайнар чәй, тәмле коймак белән сыйланды.

 Яңа ел белән! Хәерле, уңышлы, бәракәтле, тыныч еллар булсын!

26 нчы декабрьдә мәктәбебездә Яңа ел бәйрәмнәре гөрләп узды. Барыбыз да мавыктыргыч һәм могҗизаларга бай  чараларны карап хозурландык. Уен-көлке, тәбрикләүләр, Кыш бабай һәм Кар кызы чыгышлары бәйрәмнең бизәге булды. Яңа ел тормышыбызга муллык, гаиләләргә иминлек алып килсен, барчабызга да сәламәтлек һәм бәхет китерсен! Яңа ел котлы булсын!

Печмәнтау башлангыч мәктәбендә өч кенә бала укыса да, мәктәптәге чыршы бәйрәмен барлык авыл халкы, олысы-кечесе көтеп тора. Авылда клуб булмау да кешене бирегә тартадыр. Һәркем балаларның чыгышын яратып карый,  алкышлап нәниләрне сөендерә, үзенә рухи азык алып кайтып китә. Ә Кыш бабай беркемне дә бүләксез калдырмый.

Район беренчелегенә үткәрелгән баскетбол ярышында кызлар командасы- I урын, егетләр командасы 2 урынны яуладылар. Молодцы!

Мәктәп ишегалдында кар сыннарыннан әкият дөньясы ясадык.

Баскетбол буенча үткәрелгән зона ярышларында 2 урыннарны алган мәктәбебезнең кызлар һәм егетләр командасын һәм тренерлары  Саляхов Г.Г. ны чын күңелдән котлыйбыз.

Укучыларның Бөтенроссия олимпиадасының муниципаль этабында технология фәненнән 3 урынга лаек булган 8 класс укучысы Гайнуллин Наилне һәм җитәкчесе Гарипов Р.Р.ны чын күңелдән котлыйбыз.

1 сыйныф укучылары мәдәни көндәлек алып бара башлагач, балаларның китапханәләр, китаплар белән кызыксынулары тагын да артты. Иске Кенәр авыл китапханәсе җитәкчесе Юсупов Маннаф абыйлары Печмәнтау башлангыч мәктәбенә үзе кунакка килде. Яңа китаплар белән таныштырды.