Поздравляем танцевальный коллектив нашей школы, победивший в районном конкурсе "Арский бал", посвященном Году литературы в РФ в номинации "Самые креативные" (руководитель Мустафина А.В.) ! Молодцы,ребята!

   7 март көнне "Яшь актер" түгәрәгенә йөрүче укучылар ( җитәкчесе Р.Ш.Зиатдинова) Т.Миңнуллиның "Кайда хаклык, кайда дөреслек?" дип аталган әсәрен сәхнәләштерделәр. Күп санлы тамашачылар соравы буенча спектакльне кичен авыл мәдәният йортында да куйдылар. Халык яшь актерларның уенын яратып кабул итте һәм көчле алкышларга күмде.

   Кадерле хатын-кызлар! Әниләребез, апа-сеңелләребез, әби һәм дәү әниләребез, укытучы апаларыбыз!  Сезне язның беренче бәйрәме 8 Март - Халыкара хатын-кызлар көне белән чын күңелдән тәбрик итәбез!

Нәкъ менә Сез тормышыбызны гүзәл итәсез,  яхшылыкка өндисез, зур хыяллар белән оптимистик рухта яшисез һәм еш кына башкаларны да бу тормышта дөрес яшәргә өйрәтәсез!

Ихлас күңелдән Сезгә ныклы сәламәтлек, ак бәхетләр, яхшы кәеф, иминлек һәм җан җылысы, гаилә бәхете телибез.
Йөзегездә һәрвакыт елмаю балкып торсын, гыйлемле, бәхетле һәм гүзәл булыгыз!

Иске Кенәр башлангыч мәктәбендә "Әни булганда яшәве рәхәт!" исемле бәйрәм кичәсе булды.

Әни булганда өйләр ямьлерәк,

Күлмәкләр матур,ашлар тәмлерәк.

Әйдәле бергә шатлыклар телик,

Иң әйбәт әни- минем әни бит!

Әни булганда яшәве рәхәт,

Рәхмәт ,әнием, сиңа зур рәхмәт!

Печмәнтау башлангыч мәктәбендә тыл ветераннарына "1941-1945 елларда Бөек Ватан сугышында Җиңүгә 70 ел" юбилей медале тапшыру тантанасы булды. Гаиләдә олы ихтирамлы, балаларына таяныч, оныкларына юаныч булып яшәүче өлкән  әбиләр бүген әлеге тантанага җыелды. Алар   япь-яшь килеш төнне көнгә, көнне төнгә ялгап эшләгән вакытларын искә төшереп, күз яшьләре аша сөйләделәр. Кичәдә башлангыч мәктәп укучылары белән бергә Иске Ашыт төп гомуми белем мәктәбендә укучы Печмәнтау балалары да катнашты. Укучыларның чыгышларын өлкәннәр бик яратып карады.Кичәнең икенче өлеше тыл ветераннары белән табын артында дәвам итте. Бөек Җиңү һәм шушы Җиңүне яулаган  тыл каһарманнарының якты истәлекләре безнең күңелләрдә калыр.

Җыр күтәрә күңелне,

Бар да көләч шат бүген.

Безнең Әлифба бәйрәме,

Котлагыз безне бүген! -диләр Иске Кенәр башлангыч мәктәбенең 1 сыйныф укучылары Фәттәхова Алинә белән Шиһапов Камил.

Бәйрәм уен-сәяхәт формасында алып барылды: укучылар сүзләрне русчага тәрҗемә иттеләр, тизәйткечләр әйттеләр,табышмакларның җавапларын таптылар, мисаллар чиштеләр, биеп тә,җырлап та күрсәттеләр.

Бигрәк тә "Әлифба" алып килгән сорауларны ошаттылар:берәү дә ялгышмады! "Әлифба" әниләргә дә сораулар әзерләгән иде: алар да үзләре укыган Әлифба китабындагы шигырьләрне искә төшерделәр.

Бүген Иске Кенәр авылында яшәүче тыл ветераннарына "1941-1945 елларда Бөек Ватан сугышында Җиңүгә 70 ел" юбилей медальләре тапшыру тантанасы узды. Олы дәүләт бүләген Ташкичү җирле үзидарә башлыгы Ф.Х.Файзуллин тапшырды.

Тантаналы өлештән соң Иске Кенәр башлангыч мәктәбе укучылары көче белән әзерләнгән әдәби-музыкаль монтаж күрсәтелде.

Соңыннан бәйрәм табын артында дәвам итте.

Медальләр ялтырый кояшта

Ветераннар түшендә.

Күзләре яшьле булса да,

Елмаю йөзләрендә.

Хәтер яралары тиз төзәлми,

Буйсынмый ул безнең теләккә.

Утлы еллар искә төшкән саен,

Кан сава да тора йөрәккә.

Бүген тыл ветераннарына "1941 - 1945 елларда Бөек Ватан сугышында Җиңүгә 70 ел" юбилей медальләре тапшыру тантанасы узды. Дәүләт бүләген Ташкичү җирле үзидарә башлыгы Ф.Х.Файзуллин тапшырды. Сугыш китергән хәсрәт, михнәт дәрьясын соңгы тамчысына хәтле эчеп, өсләренә ишелгән бөтен авырлыкларга чыдап-түзеп, ил-көн өчен сәламәтлекләрен, яшьлекләрен, бәхетләрен корбан итүче газиз җаннар – тол хатыннар һәм тылда эшләүче ветеран апаларыбыз бу хөрмәткә бик лаек. Алар безгә сугыш чоры, сугыштан соңгы елларның авырлыклары турында сөйләделәр. Соңыннан хөрмәтле ветераннарыбызга концерт куйдык. Сөйләшүләр мул табын артында дәвам итте.

Бүләкләрем әзер ветеранга,

Котларга дип аны җыенам,

Шигырьләр дә инде өйрәнелгән,

Теләкләрем күпме җыелган.

    Поздравляем нашу школьную команду лыжников, занявшую III место в открытом лично - командном первенстве Арского муниципального района по лыжным гонкам, посвященным памяти сильнейшего лыжника РТ Фаниля Гарафиева на призы ООО "Металл". Молодцы!