"SаМоSтоятельные дети"  проектынының "БАРС" отряды членнары "Будь здоровым! Танцуй!" акциясе үткәрделәр. Алар авыл халкы һәм укучылар арасында проектның максатлары, эшләгән эшләре турныда аңлату эшләре алып бардылар. Соңыннан флешмоб биеделәр.

   Мәктәбебездә чыгарылыш кичәсе гөрләп узды. Укучыларга тантаналы рәвештә өлгергәнлек аттестатлары тапшырылды,укытучылар һәм ата- аналар изге теләкләрен җиткерделәр. Бәйрәм җырлар һәм биюләр белән үрелеп барды. Ак юллар сезгә, укучылар!

Бүген -  Сабантуй көне. Балалар кызыклы төрле - төрле  уеннарда катнаштылар. Бүләкләр дә мулдан иде, уеннар да күп, беркем дә бүләксез калмады. Һәр уен барышында балаларның актив, бердәм, тату икәнлекләре күренде.

Күңелле Сабантуйдан соң лагерь эшенә йомгак ясалды. Балаларның уй-фикерләре, теләкләре  тыңланды, һәр бала кәнәгать булып калды. Мәктәп яны сәламәтлек  һәм ял лагере тәмам. 

Бүген -  Хәтер көне. "Беркем дә онтылмый, берни дә онтылмый" дигән әңгәмәдән соң, балалар патриотик шигырьләр укыдылар, яттан сөйләделәр һәм җырлар җырладылар. Үзләренең хис-тойгыларын алар ахырдан  "Без тынычлык телибез" дигән рәсем конкурсында белдерделәр.

Король Мусор белән көрәшү өчен балаларга күп тырышырга, каршылыклар аша үтәргә туры килде. Экологиянең нәрсә икәнлеген белгәнгә күрә, алар барысын да җиңеп чыктылар. Чисталык ул беренче чиратта - кеше сәламәтлеге икәненә дә төшенделәр. Балалар экологик эмблемада үзләренең табигатькә һәм әйләнә-тирәгә карашларын белдерделәр.

Лагерь эше дәвам итә. Ашханәдә пешекче апалар тәмле-тәмле ризыклар пешерә. 

Янгын куркынычсызлыгына багышланган бүгенге көн төрле кызыклы һәм мавыктыргыч чаралар белән үрелеп барды. КВН барышында балаларның активлыгы бигрәк тә артты. Һәркем үз командасы өчен көчен кертергә тырышты. 

Юл кагыйдәләре турында "Шаян юл билгеләре" дигән уен - викторина, рәсемнәр конкурсы балаларның  ялын күңелле үткәрергә ярдәм итте.