Мәктәпнең тирә-юнен тәртипкә китерү өчен укучылар да, укытучылар да тырыша. Бүген дә дәресләрдән соң барлык кеше территориядә тырышып эшләде. Кипкән җирләрне тырмаладык, чүпләрне җыеп түктек, чәчәклекләрне чистарттык. Әле эшлисе эшләр бик күп. Шуңа күрә матур көннәрдән файдаланып калырга кирәк.

Габдулла Тукай кыска гына гомер эчендә балалар өчен күп санлы әкият-поэмалар, шигырьләр, мәсәлләр иҗат итеп калдыра. Печмәнтау башлангыч мәктәбендә  "Тукай шигырьләре күңелдә" исемле  бәйгедә катнашып, укучылар үзләре яраткан Тукай шигырьләрен өйрәнделәр һәм яттан сөйләделәр.  Мөхәмәтҗанова Айзилә 1 урынга лаек булды, Галяутдинов Илзат "Кызыклы шәкерт" шигырен бик матур итеп сөйләде. Сабирова Люциянең дә сөйләвен иптәшләре яратып тыңлады. Укучылар күргәзмәгә рәсемнәр ясап килгәннәр.

      "Габдулла Тукай һәм балалар китабы" атналыгы кысаларында мәктәптә "Китап - киңәшчең синең" дип исемләнгән кичә үтте. Укучылар китап турында шигырьләр сөйләделәр, җырлар башкардылар, мәкальләрне, китапларны саклап тоту кагыйдәләрен искә төшерделәр.

   25 апрель көнне безнең мәктәп укучылары армспорт ярышында катнаштылар һәм куанычлы нәтиҗәләр күрсәттеләр. Үз үлчәү авырлыгында 8 класс укучысы  Лотфуллин Рамазан 2 урын, 9 класс укучысы Гарипова Рузилә 3 урынга лаек булдылар. Укучыларны һәм тренерлары Саляхов Г. Г.ны чын күңелдән котлыйбыз.

    Поздравляем ученика 8 класса  Гарипова Данифа ( руководитель Ахметгалиева А.Х.) ,занявшего  2 место в районной научно - экологической конференции школьников общеобразовательных организаций, посвященной Году парков и скверов в РТ. Молодец, Даниф!

    Яңа Кырлай урта мәктәбендә узган IV республикаүләм Габдулла Тукайның иҗади мирасын өйрәнүгә багышланган конференциядә безнең мәктәп укучылары да катнашты.9 класс укучысы Әхмәдуллина Рузилә 3 дәрәҗәдәге, 8 класс укучысы Сәфәрова Чулпан уңышлы чыгыш ясаганы өчен диплом белән бүләкләнделәр. Киләчәктә дә уңышлар телибез сезгә, кызлар!

Табигать  уянган, кошлар сайраган матур көннәрдә 20 апрель көне Җир көне билгеләп үтелә. Печмәнтау башлангыч мәктәбе укучылары Җир, табигать, экология  турында күп нәрсәләр белән таныштылар. Кызыклы сораулар, ребуслар, ярышлар  балаларны кызыксындырды һәм белемнәрен арттырды.

    Табигать яшәргән, яңарган вакытта без сөекле шагыйребез Габдулла Тукайның туган көнен бәйрәм итәбез. Татар булган һәр җирдә Тукай рухы хөкем сөргән, халкыбыз шигъри хәтерен барлаган көннәр бу. Мәктәбебездә дә  Тукай атналыгы башланды. Укучыларыбыз Тукай иҗатын өйрәнәләр, шигырьләрен яттан сөйлиләр.

"Язгы игелек атнасы" кысаларында 5 класс укучылары Бөек Ватан сугышында башларын салган авылдашларыбыз истәлегенә куелган һәйкәл тирәсен чистарттылар.Туган җирләре, газиз халкы өчен башларын салган бу батырларны онытырга хакыбыз юк безнең! Аларның исемнәре мәдәният йорты каршындагы һәйкәлгә язылган, ә якыннырының йөрәгенә уелган.

    20 апрельдән "Язгы игелек атнасы" акциясе старт алды.  Аның кысаларында  бәйгеләр, күргәзмәләр, игелек дәресләре узачак. Җиңү көненә багышланган чаралар, шулай ук ветераннарга, өлкәннәргә, инвалид балаларга ярдәм күрсәтү көннәре дә үтәчәк. Акция 26 апрельгә кадәр дәвам итә. Бүген SMS хәрәкәтенең "БАРС" отряды членнары башлангыч класс укучылары белән "Елмаюдан көннәр яктырыр" дигән чара үткәрделәр.