20 июня члены отряда «БАРС» проводили  в центре села Старый Ашит  республиканскую антинаркотическую акцию «Жизнь без наркотиков!»  В рамках акции они проводили танцевальный флеш-моб. После окончания танцевальной части флэш-моба его участники раздали зрителям заранее заготовленные агитационные листовки о проекте «SаMоSтоятельные дети». Было роздано 34 листовки.

Каникулда укучылар һәм укытучылар файдалы эш белән шөгыльләнәләр - дару үләннәре җыялар.Халык:“Үсемлекләр безне ашата-эчертә, киендерә, дәвалый,”- дип әйтә. Чыннан да, күпчелек витаминнар һәм дарулар үсемлекләрдән әзерләнә. Дару үләннәрен үз вакытында җыярга, аларны күләгәле җиләс урында киптерергә кирәк. Аннан соң тамыр, яфракны вакларга кирәк. Чәчәкләр шул килеш кенә кулланыла. Аларны саклауның билгеле вакыты бар: үлән, яфрак һәм чәчәкләр – 1-2 ел, җимеш – 2-3 ел, тамыр 3-5 елга кадәр саклана.Табигать безгә сәламәтлегебез өчен күп төрле хәзинә бүләк итә. Ул хәзинәне күрә белергә, аларның кыйммәтен аңлый һәм аларны файдалана белергә генә кирәк.

12 июнь Россия көне буларак билгеләп үтелә. Шул уңайдан "Болар барысы да Туган ил дип атала" дигән исем астында бәйрәм чаралары үтте.  Бәйрәмгә авыл кешеләре, кайткан кунаклар да чакырылды. Катнашучылар Туган ил турында шигырьләр сөйләделәр, җырлар җырладылар, күңелле уеннарда катнаштылар. Соңыннан бар кеше дә тәмле пылау белән сыйланды.

Мәктәпнең тәҗрибә участогында эш кайнап тора. Укучылар түтәлләрнең чүпләрен утыйлар, тәртипкә китерәләр. Җәй көне тырышып эшләсәк, кыш көне өстәлләребез мул булыр.

 Татар халкының олы бәйрәме- Сабантуй гөрләп узып китте. Бу күңелле бәйрәмнән безнең укучылар да читтә калмады: рәхәтләнеп уйнадылар, биеделәр, җырладылар. Сабантуй - ул хезмәт бәйрәме, Сабантуй - ул дуслык бәйрәме, Сабантуй - ул һәркемнең көтеп алган изге бәйрәме. Котлы булсын Сабан туйлары! 

Җәйнең матур бер көнендә укучылар һәм укытучылар   походка бардылар . Табигатьнең матурлыгына сокландык, сандугачлар сайравын тыңладык, төрле дару үләннәре җыйдык. Соңыннан барыбыз бергә кызыклы уеннар уйнадык. Өйләргә таралганда барыбызның да кәефләре күтәренке иде.Поход хатирәсе безнең күңелләрдә озак сакланыр әле.

1 июнь- балаларны яклау көне. Җир йөзендәге барлык балаларны әлеге бәйрәм белән котлыйм. Җир йөзендәге барлык балалар да таза-сау булсын, кайгы-хәсрәт күрмәсеннәр, бу тормышта үзләрен бик тә, бик тә бәхетле итеп сизсеннәр. Җир йөзендә ятимнәрнең саннары артмасын. Без ничә яшьтә булсак та, һаман да әле бала. Димәк, бу бәйрәм барыбыз өчен дә бәйрәм. Бәйрәм белән сезне!  Халыкара балаларны яклау көне уңаеннан мәктәп күләмендә дә  күп төрле чаралар үткәрелде. Ел саен үткәрелеп килүче традицион кече Сабантуй да көтеп алган чараларның берсе булгандыр.

    Отряд «БАРС»  , состоящий из участников проекта «SаMоSтоятельные дети» в сопровождении руководителя Ахметгалиевой А.Х. проводили акцию «Россия без табака». Участники проекта определили  место проведения акции, выбирали живое дерево  в центре деревни Старый Ашит и проводили разъяснительную работу с прохожими, рассказывая им о проекте.Результатом проведенной акции является  завязание 34 голубых ленточек.

19 майда Пионерия көне уңаеннан Арча Укучылар сарае  асфальтта рәсем ясау конкурсы үткәрде. Әлеге чарада Арча районы мәктәпләреннән 7-18 яшьтәге укучылар катнашты. Конкурста урыннар түбәндәге номинацияләрдә билгеләнде: Татарстан Республикасында Су саклагыч зоналар елы, Рәсәйдә кино елы, Габдулла Тукайның тууына 130 ел, Юл йөрү кагыйдәләрен бел һәм үтә, пионерия көненә багышланган “Без һәрвакыт әзер!” номинациясе. Безнең мәктәптән Файзуллина Адилә, Гарипов Данил һәм Гарипов Илүс катнаштылар. Илүс "Габдулла Тукайның тууына 130 ел" номинациясендә катнашып 3 урынга лаек булды һәм грамота белән бүләкләнде. Укучыларыбызга алга таба да уңышлар теләп калабыз.