Иң кыска көн белән башлап,

Кыш хакимлек итә диләр.

Ява яңгыр... Кыштан кармы?

Көтеп була тагын ниләр?

Бураннары ерак микән?

Кай тарафта Кыш бабабыз?

Өметләник, ап-ак карда

Яңа елны каршыларбыз!!!    Миләүшә Шәйхетдинова

       Печмәнтау башлангыч мәктәбендә  кар сыннары  каршы ала.

    19 нчы декабрь  көнне мәктәптә "Иң шәп вожатый " конкурсы булып узды. Монда мәктәпнең иң актив, иҗади, сәләтле укучылары чыгыш ясады. Катнашучыларга түбәндәге конкурслар тәкъдим ителде: иҗади папка, компьютер презентециясе, "Таныш булыйк!" - визит карточкасы, "Вожатыйның бер көне" - музыкаль театральләштерелгән күренеш, тамашачылар белән уен. Конкурс  оешкан төстә, матур үтте.   9 нчы сыйныф укучысы Сафарова Чулпан "Иң шәп вожатый" исеменә лаек булды. Котлыйбыз!

    Мәктәбебез укучылары Мәшгульлек үзәге үткәргән "Киләчәккә билет" дип аталган сочинениеләр конкурсында актив катнашалар һәм уңышларга ирешәләр.Бу уку елында да 7 нче класс укучысы Гарипов Илүс һәм 8 нче класс укучысы Файзрахманова Ризәләнең эше призлы урынга лаек булды. Уңышларыгыз белән котлыйбыз сезне, укучылар!

Татар теленнән үткәрелгән район олимпиадасында призер булган 5 класс укучысы Гыймадиева Рәзинәне ( укытучысы Гайнуллина Р.Ә.) чын күңелдән җиңүе белән котлыйбыз. Алга таба да уңышлар телибез.

Печмәнтау башлангыч мәктәбендә "Чыршыкай" исемле кул эшләре бәйгесе оештырдык. Балалар бик кызыксынып төрле рәсемнәр, кул эшләре карадылар. Әти-әниләре ярдәме белән бик матур чыршылар ясадылар. Нәтиҗәләр мәктәпнең Чыршы бәйрәмендә ясалачак.  

Учитель физической культуры Саляхов Габделфарих Габделхакович стал победителем III степени во Всероссийском конкурсе профессионального мастерства "Лучший педагог физической культуры". От души поздравляем педагога нашей школы и желаем дальнейших успехов!

Башлангыч класслар өчен математикадан онлайн Олимпиада Плюс та катнашып, Печмәнтау башлангыч укучылары Гайнуллина Зәмирә, Мөхәмәтҗанова Айзилә Диплом белән бүләкләнделәр. Аларны котлыйбыз һәм киләчәктә дә унышлар телибез!

Мәктәптә Яңа елга әзерлек башланды. Яңа елга багышланган иң матур,  үзенчәлекле кул эшләнмәләренә конкурс игълан ителде.

Печмәнтау башлангыч мәктәбе укучылары да Яңа ел алды мәшәкатьләре белән кайнаша. Чыршы бәйрәменә әзерлек бара, җырлар, биюләр, матур шигырьләр өйрәнәләр. Мәктәптә укучылар рәсемнәреннән "Кил, Кыш бабай, тизрәк кил!" дигән  күргәзмә  оештырылды.

     12 нче декабрь көнне "Арча" Боз сараенда 2002 нче елгылар һәм аннан яшьрәкләр арасында хоккей ярышы узды. Ярышта безнең мәктәп командасы уңышлы чыгыш ясаган өчен грамота белән бүләкләнде. Бу көнне команда беренче чыныгуын алды, алда булачак ярышларга  дәрт һәм көч алып кайтты. Киләчәктә команда егетләренә һәм тренерлары Саляхов Г.Г.ка зур уңышлар теләп калабыз.