Яңа ел безгә бәхетләр,

Шатлыклар алып килсен.

Һәр өйгә дә язмышларның

Матурын алып керсен!

Ап-ак нурга чумган дөнья,

Ак кардай якты хисләр.

Бәйрәм белән тәбрик итәбез:

Яңа ел белән,дуслар!

23 нче декабрь көнне мәктәптә ЮХИДИ хезмәткәре Муллагалиев Ф.И. белән очрашу  булды.  Бу чараның максаты - балаларга юлда хәвеф–хәтәрсез йөрү кагыйдәләрен төшендерү һәм  балалар арасындагы имгәнүләрне кисәтү.Әңгәмә барышында юл куркынычсызлыгы хакында бик күп мәгълүмат бирелде, укучылар да үз чиратында инспектор абыйларына үзләрен кызыксындырган сораулар бирделәр. Соңыннан юл йөрү кагыйдәләре буенча инструктаж үткәрелде. 

21 нче декабрьдә безнең мәктәпнең укытучылардан торган "Эрудит" командасы (Гарипова Н.И., Фатхуллин Р.Н., Саляхова Л.А., Гайнуллина Р.Ә.) Казан арты тарих - этнография музеенда үткәрелгән "ТатАРЧА кичләр" проектының  "Акыл - батл" уенында катнашып I урынны яулап кайтты. Молодцы!

Дуслык – ул бик кыйммәтле язмыш бүләге. Дуслык безгә укырга, эшләргә, яшәргә ярдәм итә. Ул безне әйбәтрәк, яхшырак, көчлерәк итә. Кешегә дусларсыз яшәү мөмкин түгел. Дустың булу – зур байлык. 21 нче декабрь көнне барлык классларда да "Дуслык елмаюдан башлана" дигән исем астында  класс сәгатьләре үтте. Өлкән класс укучылары кечкенәләр белән урамда хәрәкәтле уеннар оештырдылар.

Мәктәптә "Тылсымлы дөнья" дип аталган  кул эшләнмәләренә конкурс игълан ителде.

15 декабря  члены отряда «БАРС» проводили   республиканскую  акцию «Подари чудо».  В рамках акции они изготовили Новогодние подарки и подарили ребенку с ограниченными возможностями, проводили с ней интересные игры. В акции  участвовали 27 человек.

Сикертәндә үткәрелгән районара Мәһдиев укуларында "Мөхәммәт Мәһдиев иҗатында мәктәп темасы һәм укытучы образы" юнәлешендә 2 урын алган 8 нче класс Шәнгәрәев Әнәсне һәм " Мөхәммәт Мәһдиев әсәрләренең тел - сурәтләү чаралары" юнәлешендә 3 урын алган 8 нче класс укучысыГарипов Илүсне чын күңелдән котлыйбыз. Алга таба да уңышлар телибез.

Яңа ел алдыннан кибетләрдә төрле уенчыклар, гирляндалар, шартлаткычлар күп сатыла. Печмәнтау башлангыч мәктәбендә "Бәйрәмебезне күңелсезләмик!" дигән әңгәмә үтте. Укучылар белән куркынычсызлык кагыйдәләре искә төшерелде. Көтеп алган Яңа ел бәйрәме күңелле һәм истәлекле булсын өчен өлкәннәр киңәшен тотарга, шартлаткычлар кулланмаска кирәклеге турындә әйтелде.

Яңа ел бәйрәменә дә санаулы көннәр генә калып бара.Иске Кенәр башлангыч мәктәбендә дә бәйрәмгә әзерлек эшләре башланып китте.Укучылар классларны бизиләр,рәсемнәр,уенчыклар ясыйлар,шигырьләр,җырлар өйрәнәләр.