Укучыларның белемнәрен ныгыту өчен учи.ру сайты биремнәре бик уңайлы. Печмәнтау башлангыч мәктәбе укучылары дәрестән соң һәм өйләрендә биремнәрне бик  теләп башкаралар. Әлегә олимпиаданың сынау туры бара.

23 нче январь көнне "Ел класс җитәкчесе" конкурсының зона этабы узды. Анда безнең мәктәпнең 8 нче класс җитәкчесе Саляхова Лилия Ахметгалиевна катнашты. Ул "Табигать ялгышларны кичерми" дигән темага тәрбия сәгате һәм "Без төрле, ләкин без бергә" исеме астында осталык дәресе үткәрде. Киләчәктә Лилия Ахметгалиевнага иҗади уңышлар телибез.

Табигатьтә көннәр искиткеч матур тора. Чаңгы - чанада  шуу, хоккей уйнау өчен иң шәп вакыт. Безнең мәктәп укучылары вакытларын бер дә бушка уздырмыйлар: чаңгы юлы, мәктәп яны шугалагы шау - гөр килеп тора.

14 нче январь көнне мәктәпнең "Якты кояш" дружинасы рәисе Гимадиева Рәзинә 5-6 класс укучылары белән "Диңгез сугышы" уены үткәрде. Уен укучыларның тапкырлыгын, җитезлеген кошлар турындагы белемнәрен сынауга корылган иде.

Кышкы каникуллар сизелмичә дә үтеп китте. Өченче чирек башланды. Укытучыларга һәм укучыларга уңышлар телибез.

Кышкы каникулларда мәктәп яны катогы һәм спортзал  бер дә буш тормады. Укучылар һәркөнне район үтәчәк ярышларга әзерләнү тренировкаларына йөрделәр.  Студентлар белән укучылар, әтиләр белән укучылар арасында дусларча хоккей һәм волейбол ярышлары гөрләп узды.

5 январь нөнне мәктәптә "Барыгыз да чаңгыга!" девизы астында чаңгы ярышлары үтте, саф һавада кызыклы уеннар уйналды. Балаларның һәм өлкәннәрнең  шат кәефен табигатьнең буранлап торуы да боза алмады. Өйләргә таралганда Һәркемнең күңеле күтәренке, битләре алсуланган иде.

Чыршы тулы уенчыклар,
Ә башында йолдыз бар.
Куяннар, тиеннәр күпләр,
Шаян алар, елгырлар.

Күзләрдә бәхет елмая,
Ә шатлыкка чама юк.
Без биибез һәм җырлыйбыз,
Бездә бүген Яңа ел!

Яңа еллар килсен бәхет алып, 

Яңа еллар килсен елмаеп!

Бергә булыйк, бердәм булыйк,

Яшәмәгез, дуслар, моңаеп.