29 октября учитель математики и информатики Гарипова Ф.Ф. проводила  единый  урок "Безопасный Интернет". На уроке учащиеся научились  критически относиться к информационной продукции, распространяемой в сети Интернет; уметь отличать достоверные сведения от недостоверных, вредную информацию от безопасной; распознавать признаки злоупотребления неопытностью и доверчивостью учащихся, попытки вовлечения их в противоправную деятельность.

Иске Кенәр башлангыч мәктәбендә "Көзге әкият" исемле бәйрәм иртәсе уздырылды.

Яшел җәйгә алмашка

Алтын көз килеп җитте.

Пумаласын алды да

Дөньяны бизәп үтте.

Укучыларның дәрестән соң эшчәнлеге файдалы һәм максатчан итеп оештырылган. Печмәнтау башлангыч мәктәбе укучылары көз көне  җыелган яфраклар һәм табигый материаллардан төрле фигуралар, аппликацияләр ясадылар.

 Мәктәбебез укучылары  быел да уңыш бәйрәмен ныклап әзерләнеп көтеп алдылар. Алар көз турында шигырьләр, җырлар, биюләр өйрәнде. Табышмакларга җавап эзләде. Балалар фантазиягә бай бит. Хыялларын эшкә җигеп, серле дә, көлкеле дә персонажлар иҗат итеп, бәйрәмгә күркәмлек өстәде.

    Бу матур чарага  авылыбызның тырыш игенчеләре - яшь агроном Халиуллин Рәмзил, комбайнчы Зиатдинов Илсур, механизаторлар Гарипов Ирек, Салихҗанов Рамил чакырылды.  Алар хезмәттәге уңышлары белән уртаклаштылар, яшь буынны тырышып укырга, киләчәктә авылыбызның  хуҗалары булырга чакырдылар.  Балалар чын күңелдән «Уңыш җый», «Яфракны танып бел», «Яшелчәне беләсеңме?» конкурсларында ярышты. Үзләре ясап алып килгән эшләрен яклады. Ярыш җиңүчесез булмый инде ул. “ Иң уңган  Сөмбелә” - Гыймадиева Рәзинә, “Иң назлы Сөмбелә” – Борханова Чулпан, “Иң гүзәл Сөмбелә” – Газизова Илсинә, “Иң тырыш Сөмбелә”  – Файзрахманова Ризәлә дип табылды. 

   Көзге муллык бәйрәменең «Йөзек кашы» – күргәзмә. Монда нинди генә төр геройлар юк! Урманнан кыргый җәнлекләр дә, йорт хайваннары да килгән! Шундый да оста, искитмәле зәвык белән эшләнгән әйберләр. Әйтик, ташбака – кабактан, җылы якның жирафы – кишердән, аю – бәрәңгеден, вертолет–кабачкидан. Яшелчә, җиләк – җимешләрдән  иҗат ителгән көзге сурәтләр күз явын алып тора.

   Соңыннан истәлеккә күмәкләп фотога да төшелде. Көзге муллык бәйрәме бик күңелле үтте.

Иске Кенәр башлангыч мәктәбендә "Сәламәтлек-иң зур байлык" темасына әңгәмә үткәрелде. Әңгәмәдә Иске Ашыт ФАП җитәкчесе фельдшер Файзрахманова Гадения катнашты.Ул укучыларга грипптан саклану чаралары турында сөйләде.Дөрес туклану,киенү,саф һавада хәрәкәтле уеннар уйнау кирәклеге турында балаларга киңәшләрен бирде.

         Хөрмәтле хезмәттәшебез Радик Нурисламович!
 Сезне  олы бәйрәмегез –  50 яшьлек юбилеегыз белән чын күңелдән котлыйбыз. Сезгә ныклы сәламәтлек, күңел тынычлыгы, кайгы-хәсрәтсез көннәр, ак бәхетләр, бу тормышта якыннарыгызның ихтирамын тоеп, бәхетле озын гомер кичерүегезне телибез. Киләчәгегез җыр кебек матур, кояш кебек якты булсын.Туар таңнарыгыз һәрвакыт нурлы, күк йөзегез  аяз булсын. Гел шулай елмаеп, кешеләрне сөендереп яшәгез!

Һәрчак шулай яшьлек дәрте сездә
Янып торсын җәйге учактай,
Саулык, байлык, күп шатлыклар
Чиксез булсын язгы офыктай.

Печмәнтау башлангыч мәктәбе укучылары көзге табигатьне күзәттеләр. Туган ягыбызның матурлыгын, көзнең алтын төсләрен күреп, яшел уҗымнарга сакланып кайткач, шуларның барысын да  рәсемнәрендә чагылдырдылар.

Көз атлый бизәнеп,

Муллыкка сөенеп,

Китә бит инде дип,

Куябыз көенеп.

Яфраклар биешә,

Бардыр бит күргәнең!

Киенгән алтыннан,

Күр әле күлмәген!

Рәсемгә төшердем

Матурлык мизгелен.

Саклармын кышын да

Өемдә көзне мин.
                  Миләүшә Шәйхетдинова

 Ашлык булып җирдә үсә

 Уңыш бит ул сөмбелә.

 Бөтен җирне нурга күмә,

  Кояш бит ул Сөмбелә. Мәктәбебездә Сөмбелә бәйрәменә әзерлек бара.

Иске Кенәр башлангыч мәктәбе укучылары көзге яфраклардан ясалган эшләнмәләрдән "Көзге бизәкләр" исемле күргәзмә әзерләделәр..Һәр укучы үзенең эшләнмәсенә исем дә уйлады.

Биредә кунакка җыенучы кактусны да,батыр  әтәчне дә,урман патшасын да,зарядка ясаучы куянны да күрергә була.Молодцы!