Герб көне уңаеннан укучылар белән дәүләт символикалары турында сөйләштек, герб сурәтен ясадык. Татарстан гербы 1992нче елның 7нче февралендә Югары Советның 8нче сессиясендә кабул ителде. Аның төп авторы - рәссам Риф Фәхретдинов.

Бүген Берләшкән Милләтләр Оешмасы ассамблеясе карары нигезендә яшь антифашистларны искә алу көне билгеләп үтелә.
8 февраль-батырлык һәм патриотизм көне. Бүген мәктәбебездә “Зур сугышның кечкенә геройлары” дип аталган мәгълүмати сәгать узды. Балалар белән бергә антифашист сүзенең әһәмиятен ачыкладык, үз тормышлары бәрабәренә җиңү эшенә зур өлеш керткән герой-пионерлар турында видеофильм карадык.
Бөек Ватан сугышында зур батырлыклар күрсәткән герой-пионерлар турында китаплардан укып та, фильмнар аша да беләбез. Сугышка кадәр алар парта артында утырып белем алган, сикереп-уйнап йөргән, олыларга ярдәм иткән гап-гади кызлар һәм малайлар булган. Туган җирне илбасарлар басып алуын күргән яшь йөрәкләр түзеп тормый, олылар белән беррәттән дошманга каршы көрәшкә күтәрелә. Аларның кечкенә иңнәренә ачлык-ялангачлыкны, сугыш елларының ачы кайгысын күтәрергә туры килә.

Мы сегодня присутствовали на лекции «Самый главный урок в мире». Организаторами данного мероприятия являются волонтёры ПАО "Татнефть".
В программе предусмотрено обучение бережному отношению к природе, ответственному использованию водных ресурсов, важным принципам социальной коммуникации.

Бүген өлкән сыйныф укучылары “Шәхси финанс план. Максатка ирешү юлы” темасына онлайн-дәрес карадылар. Бу проект Рәсәйнең төрле почмакларында яшәүче яшьләргә финанс базарының профессионаллары белән “тере” аралашу мөмкинлеге бирә, килеп туган финанс мәcьәләләрен дөрес чишүнең төрле юлларын табарга ярдәм итә. Укучылар “шәхси финанс планы” төшенчәсе белән дә таныштылар. Бу дәресләрдә катнашу системалы рәвештә алып барыла.

Кышның соңгы аена килеп кердек. Быелгы кыш үзенең бураннары, кар күп булуы белән аерылып тора. Карның күп булуы бер яктан әйбәт булса да, кошларга кыенлык тудыра. Аларга ризык табу авырая. Салкын җилләрне җиңеп, нәни канатларын җилпеп азык эзләүче кошларга бик кыен. Шул уңайдан башлангыч класс укучылары белән җимлекләрне чистарттык, ашарларына ипи валчыклары, ярмалар салдык.

2022 ел-Татарстан республикасында цифрлаштыру елы дип игълан ителде. Шул уңайдан башлангыч класс укучылары белән татарча “Фиксики” дигән мультфильм карадык. Әлеге мультфильмнар балаларның үсешенә һәм аңына бик каты тәэсир ясый. Бер яктан караганда бу- матур, образлы, мавыктыргыч, гади мультфильмнар. Алар баланың аңында яхшылык һәм явызлык, тәрбиялелек һәм тәртипсезлек турында күзаллаулар тудыра. Үзен андагы геройлар белән чагыштыру нәтиҗәсендә бала авырлыкларны җиңеп чыгарга, башкаларга мәрхәмәтле булырга өйрәнә. Бу мультфильмнардагы вакыйгалар балаларны дөрес тәрбияләргә өйрәтә, аларның фикерләү дәрәҗәсен, фантазияләрен үстерә, дөньяны танып белергә өйрәтә.

Россиядә бик күп төрле халык яши. Һәрберсенең үз сәнгате, культурасы, фольклоры бар. В.В.Путин указы нигезендә 2022нче ел - Россия халыкларының сәнгате, материаль булмаган культурасы елы итеп билгеләнде. Шул уңайдан тәрбия сәгатендә укучылар белән презентация карадык. Сәнгать дәресләрендә өйрәнгәннәрне тагын бер кабат искә төшердек.

Җәмгыятьтә барган тискәре күренешләр яшь буынны да бик авыр социаль-психологик ситуацияләрдә калдыра. Балалар һәм яшүсмеләр күп вакыт аларны җиңеп чыгарга әзер түгел һәм бу негатив нәтиҗәләргә китерә. Алар авырлыклардан чыгу юлын наркотик, аракыдан эзлиләр, бу төрле җинаятькә илтә. Мәктәбебездә хокук бозуны кисәтү максатыннан, “Яшүсмер. Хокук бозу. Җаваплылык” темасына профилактик дәрес узды. Әлеге дәрестә укучыларга сәламәт тормыш рәвеше алып барырга һәм яхшы белем алып, киләчәктә үзенең урынын табарга кирәклеге аңлатылды.

Быел 2 февральдә Сталинград өчен барган бәрелешләрдә җиңүгә 75 ел булды. Икенче бөтендөнья һәм Бөек Ватан сугышларында бөек борылыш чоры буларак теркәлгән Сталинград кан коешы 1942 елның 17 июлендә башланып китә. Сталинград сугышы Россия тарихына иң канкойгыч сугыш буларак кереп калды.Шул уңайдан югары класс укучылары белән “Тарихи Сталинград” темасына квест үткәрдек.Укучыларның Сталинград сугышы буенча белемнәрен тикшердек. Мондый сугышлар бүтән кабатланмасын иде.

Укучыларны авыр сугыш еллары, Ленинград блокадасы вакыйгалары белән таныштыруны дәвам итеп,  икмәккә хөрмәт, туган илгә мәхәббәт тәрбияләү максатыннан укучыларга “Блокада икмәге” турында тәрбия сәгате үткәрелде. Блокада вакытында икмәкне карточка системасы буенча биргәннәр. Әлеге система буенча кертелгән азык-төлек нормалары көн саен кими барган. Икмәккә көнлек норма 125 г.га калган.  Ул карточкаларны урлатып, күп гаилә иписез дә калган очраклар еш булган. Ипиләр хәзерге шикелле тәмле булмаган ,  агач чүбе кушып пешерелгән. Өлкәннәр үзләренә бирелгән икмәкнең дә күбесен сабый балаларына биргәннәр. Шуңа күрә дә икмәкнең кадерен белеп яшәргә кирәк.